Izike

Izike

Izike

Ucuɗuwu wa aatagada a nda

Izike ganu ɗa oɓolo na̱ vumava̱sula̱, zana a tarai a̱ tyo tsugbashi a̱tsuma̱ a Babila oɓolo na ama a̱ yi. U yuwan ta̱ adanshi e ikeke ya̱ yi kafu a̱risa̱ a̱ Urishelima acina a'wan ukpakukupa uton na̱ kupa na̱ a̱za̱ a̱ ta̱li 586 kafu limatan va̱ Yesu, oɓolo na̱ mantsa ma na u riya̱i, a mantsa ma̱ tsugono tsa Babila. Ikaka ya̱ yi babu na Urishelima riya̱i u ta adanshi e ikaka adama o uge'etosu wa̱ A̱sula̱ e ekere ama a̱ yi. Waru ikaka ya̱ yi cina Urishelima riya̱ u ta a ɗa adanshi e ikaka o ulapulu wa̱ yi, nu ucasu wa adanshi oɓolo na̱ mazuwa mo okolo.

Aatagada a̱ Izike e teme ta̱ na alavu alavu a na o rocoyi tsugbain tsa̱ A̱sula̱. A̱tsuma̱ adanshi a̱ yi, A̱sula̱ e ɗe ta̱ Izike <<Mawun ma Vuma>>. Aala a nda u to rocosu a na Izike vaɗilima̱ ɗa goon, amma waru u roco ta̱ a na a ɗangula niyi adama u yuwan adanshi e ikaka ya̱ A̱sulazuva a̱ tyo uba̱ta̱ wa ama a Yahuda na̱ Urishelima. Aza a na a uwwusa adanshi e ikaka ya̱ Izike e le ɗa aza a̱ ri e iɗa i tsugbashi a Babila oɓolo na ama a na a̱ ri Urishelima.

Izike vuma ɗa na ri nu ucawu wo okolo lon, waru u ta̱ na̱ majiyan ma̱ a̱ru'un. Adanshi e ikaka ya̱ yi na̱ a̱bunda̱ u tsu tsura̱ le ta̱ a̱tsuma̱ a̱ re va alavu alavu, waru u tsu roco ta̱ ozo o ro le na̱ a̱bunda̱ a̱tsuma̱ o ure wi iroci. Izike da̱na̱ ta̱ fo a casu ucuɗuwu adama o ulapulu wo okolo na̱ ruhu. Waru u roco ta̱ a na ugana wu unusu wu za suru u ta̱ da̱na̱ a aci ya̱ yi. Izike fo ca ta̱ ululu ununa a lapula A̱a̱'isamapaɗa, waru u ca ta̱ ama adanshi a yuwan wuma wa akiza.

A̱tsuma̱ e iɗana i Tsuyahuda wa aatagada a̱ Izike a̱ da̱na̱ ta̱ na̱ ba̱ta̱ a̱bunda̱ a na urevu u Tsuyahuda'a wu uta̱ hawun shi. Amma na̱ ne suru, ikaka ya̱ Izike amayun a ɗa.

Ili i na i ri pe a̱tsuma̱ a aatagada a nda

Alavu alavu a tsugbain tsa̱ A̱sula̱ na̱ ɗewu va̱ Izike 1:1-3:27

Izike kurato ta̱ cu'un va̱ a̱tsuma̱lima̱ a na acina Urishelima 4:1-5:17

Adanshi e ikaka yu uge'etosu wa̱ Urishelima 6:1-24:27

Uge'etosu wa̱ A̱sula̱ a aci a nɗa 25:1-32:32

Nzuwulai ma̱ A̱sula̱ e ekere a ama a̱ yi 33:1-37:28

Adanshi e ikaka na̱ tsushu'un na̱ Gog 38:1-39:29

Alavu alavu adama A̱a̱'isamapaɗa oɓolo nu une'esun wi iɗa a̱ ta̱wa̱ nda elime 40:1-48:35