2 Sama'ila

2 Sama'ila

Sama'ila

Ucuɗuwu wa aatagada a nda

A ca ucuɗuwu wu za na ɗanai aatagada a nda shi. Amma uka̱lyusa̱ u roco ta̱ a ɗana yi ta̱ a cina a'wan a na a rawai ukpakukupa kucci na̱ mata'atsu (930) na ka̱ra̱i kafu a matsan Yesu, a̱ca̱pa̱ o tsugono tsa̱ Da̱wuda ke'en.

Aatagada a̱ ire a Sama'ila u ca ta̱ alabari e ili i na i farasai a̱tsuma̱ a a'wan amunga o tsugono tsa̱ Da̱wuda. Alabari'i u ɓolo ta̱ na̱ von von nu ulyuwu wa aci a na Da̱wuda yuwain. Aatagada'a u lyuwa ta̱ e elime nu ucasu wa alabari o ukatalasa u Da̱wuda mogono ma aza a Yahuda 1:1-4:12, na̱ za na a katala niyi mogono ma aza a Isra'ila suru 5:1-24:25.

A mantsa ma na Da̱wuda lyuwai Urishelima nu uvon, reve u ka̱mba̱to lyuci gbai'in iɗa ya Isra'ila. Reve waru u ta̱wa̱to Akpati a Nzuwulai ma̱ A̱sula̱ u zuwai lo.

Aatagada'a wi isawan lo e ekere o ulyuwu wa aci a̱ Da̱wuda goon shi, amma u lyuwa ta̱ elime a casu alabari a addama a na a cinasai Da̱wuda, aza a na a farai adama o unusu u na u yuwain na̱ Bashaba ka va Uriya, oɓolo na̱ u'ya̱susa̱n wa aci a na ulobo wa̱ yi Absalom yuwaan niyi 15:1-18:18.

A̱ba̱jini e ili i na aatagada a nda a̱ ri pe a̱yi ɗa adama a wuma u mogono Da̱wuda. Ko na wo o'woi Da̱wuda mogono ma ɗa, a matsan ma na u yuwain unusu biti, u tsu jika̱ ta̱ u vadalashi a̱vu waru usu oforo a̱ A̱sula̱. Aatagada a̱ ire a Sama'ila u roco ta̱ suru nu ulambu wa̱ a̱ɓula̱ a̱ Da̱wuda, A̱sula̱ a 'yuwan a na woo shiton nzuwulai n na u yuwain na ama a̱ yi shi.

Ili i na i ri pe a̱tsuma̱ a aatagada a nda

Tsugono tsa̱ Da̱wuda a aciya a aza a Yahuda 1:1-4:12

Tsugono tsa̱ Da̱wuda a aciya a aza a Isra'ila suru 5:1-24:25

a. A'wan o ufaru o tsugono 5:1-10:19

b. Da̱wuda na̱ Bashaba 11:1-12:25

c. Addama na̱ a̱tsuma̱lima̱ a̱ Da̱wuda 12:26-20:26

d. A'wan a na a̱ ka̱ra̱i o tsugono tsa̱ Da̱wuda 21:1-24:25.