Chiyubunuzyo

CHIYUBUNUZYO

chaJoni

Manjililo

Ibbuku eeli lyaChiyubunuzyo ndibbuku lyakumamanino amabbuku woonse ali muChizuminano Chipya. Alimwi kubanga lyakalembwa kumamanino muminyaka yamakkumi alimusanu amakkumi aane alaminyaka ilimusanu Kkirisitu kaali wazyalwa, amutumwa Joni (Chiyubunuzyo 1:1). Nguwe lubo wakalemba ibbuku lyaMakani Mabotu aJoni amagwalo aatatu aJoni mutaanzi, aJoni wachibili, aJoni wachitatu. Joni wakalizibikene mbuli umwi “Ooyo Jesu ngwakali kuyanda” (Joni 13:23). Wakalemba bbuku lyaChiyubunuzyo kali akasuwa kaPatimosi nkaambo wakali mubwaange nkaambo kakukambawuka Makani Mabotu aJesu Kkirisitu (Chiyubunuzyo 1:9).

Makanze aJoni kukulemba ibbuku lyaChiyumbunuzyo wakali kusungwaazya babala kuti bachaale kabasyomekede kuli Jesu Kkirisitu akubapa bulangizi nkaambo chindi chakuboola kwaJesu chaba afwiifwi (Chiyubunuzyo 1:3, 22:7). Wakalembela banaKkirisitu boonse ambungano zyakasalidwe zilimusanu azibili zilimuchaandano cha (Chiyubunuzyo 2:1—3:22). Joni ulyaamba kuti ooku kulemba nkwabusinsimi (Chiyubunuzyo 1:3) ulibikkide zikozyanisyo zyiingi mubbuku eeli lyoonse mukupandulula zintu nzyakabona. Ibbuku eeli lilikozyene azibalo zimwi zili muChizuminano Chakale, kapati loko zilimbuli Zakkariya (Zakkariya 6:1-8). Myeembo ilimusanu ayibili andido zilimusanu azibili alazyo zilikozyene azyuumo zyaLeza nzyakapa Ijiputi kuti zibe zisubulo (Kulonga 7:1—9:35). Chiyubunuzyo chaambuula atala amamanino achiindi, kuti Jesu nguyooba muzundi, alimwi ababo babikka lusyomo lwabo mulinguwe bayopona kwalyoonse anguwe. Ibbuku eeli ngalimuchenjezye akumupa bulangilizi bwakuti Jesu ulaboola akufwambaana.

Bwiime

Joni utalika akulyaamba kuti we ngwani akuti wakatambula biyeni chiyubunuzyo eechi chabusinsimi (Chiyubunuzyo 1:1-20)

Upa makani aakwe kazwa kuliJesu kuya kumbungano zilimusanu azibili (Chiyubunuzyo 1:1—3:22)

Eelyo upandulula zisinizyo zilimusanu azibili (Chiyubunuzyo 4:1—8:5) amyeembo ilimusanu ayibili (Chiyubunuzyo 8:6—11:19)

Kuzwa aawo Joni upandulula nkondo yamwana mulombe asimwaaba ujisi mitwe ilimusanu ayibili. (Chiyubunuzyo 12:1—14:20)

Eelyo ulemba atala andido zyabukali zilimusanu azibili (Chiyubunuzyo 15:1—16:18)

Chitobela Joni upandulula Leza mbwazunda basinkondonyina kujulu (Chiyubunuzyo 17:1—20:15)

Kumamanino upandulula atala ajulu pya anyika impya iyooza kumamanino (Chiyubunuzyo 21:1—22:21)