BaFilipi 1

11

Ime Pawulu aamwi aTimoti, balanda 2baKkirisitu Jesu,

Kubasalali boonse bali muli Kkirisitu Jesu aabo bali kuFilipi, aamwi abazulwidi abasikukutawukila: 23

Luzyalo kulindinywe aluumuno luzwa kuli Leza Taata wesu aMwami Jesu Kkirisitu.

Kukomba aKulumba

3Ndilumba Leza wangu mukumuyeeya kwangu koonse, 4munkombyo zyangu zyoonse nindimukombela lyoonse alukondo, 5nkaambo kabulyidilani mbutuli aabo mumakani mabotu kuzwa kubuzuba butaanzi kuyoosika lino. 64 Alimwi kandijisi choonzyo kuti ooyo wakatalika mulimu mubotu mulindinywe uyoowumaninizya mubuzuba bwaKkirisitu Jesu. 75 Zililuleme kulindime kuti mbundimvwa atala andinywe moonse, nkaambo muli mumoyo wangu, nkaambo moonse muli basimulimuma muluzyalo, mubwaange bwangu boonse amukulikwabilila akusinizya makani mabotu. 8Nkaambo Leza ngukamboni wangu, kapati biyeni mbundikanza achiyandisyo atala aKkirisitu Jesu.

9Alimwi nkukomba kwangu kuti luyando lwanu kalulokuvula kapati lyoonse, aluzibo amukulingula kwanu koonse, 10kuchitila kuti mukonzye kusala ziluleme, alimwi mube basalali akutaba akampenda mubuzuba bwaKkirisitu, 11kamuzwide amicheelo yabusalali eeyo iza mukwiinda muli Jesu Kkirisitu, kuti kube bulemu antembawuzyo yaLeza.

Kupona NguKkirisitu

126

Nibakwesu, ndiyanda kuti muzibe, kuti eezyo zyakachitika kulindime zyakagwasya kuti makani mabotu aaya ayinkilile anembo, 137 kuchitila kuti zizibigwe kuli basikulinda baŋanda yabwami akuli boonse kuti bwaange bwangu mbwankaambo kaKkirisitu, 14alimwi bakwesu bayiingi bakaba alusinizyo muMwami nkaambo kabwaange bwangu, alimwi baba abusichaamba kapati mukukambawuka ijwi lyaLeza kabatakwe kuyoowa.

15Bamwi bakambawuka Kkirisitu amoyo utaluleme akukazyaniya, pesi bamwi munzila iluleme. 16Bakachita eezi nkaambo kaluyando, kabazi kuti ndilimomuno nkaambo kakulwanina makani mabotu, 17bamwi bakale bakakambawuka Kkirisitu abusindya, peepe mubululami, pesi kabayeeya kundibusizya nkondo mubwaange bwangu.

18Tutyeni kabi? Kunze akuti munzila yoonse, nikuba mukuupawupa nikuba mukasimpe, Kkirisitu ulakambawukwa; alimwi muleezyo ndilakondwa, 198

nkaambo ndilizi kuti mukwiinda munkombyo zyanu akugwasigwa aMuuya waJesu Kkirisitu eezi ziyooba lufutuko lwangu, 209 mbuli mbundili abulangilizi bwangu anzindilangilila kuti tandikwe kukuyoofwisyigwa bweeme nikuba munzila yoonse, pesi kuti abusichamba buzwide lino mbuli lubbe nikuba lino Kkirisitu uyoopegwa bulemu mumubili wangu, nikuba kandipona nikuba ndafwa. 2110 Nkaambo kulindime kupona nguKkirisitu, alimwi kufwa nimpindu. 22Kuti kakuli kupona mumubili, chaamba kuti eeyi michelo yamabelekabeleka angu. Anukuti eecho nchindisala tandikonzyi pe kwaamba. 23Ndili syanikizidwe akati kazibili. Chiyandisyo changu nchakweenda mpawo ndikabe aKkirisitu, nkaambo eechi nchiichicho chilikabotu loko, 24pesi kuba mumubili kuleelede loko nkaambo kanu. 25Lino ndijisi choonzyo acheechi, ndilizi kuti ndiyoochala akweenda anembo andinywe moonse, nkaambo kakuzwidilila kwanu amulukondo mulusyomo, 26kuchitila kuti kandila anywebo kulikankayizizya kwanu muli Kkirisitu Jesu kukayungizigwe nkaambo kangu kukuboola kwangu lubo kulindinywe.

27Nikubabobo buumi bwanu ngabube bweelela makani mabotu aKkirisitu, kuchitila kuti naa ndasika akuzomubona nikuba nkanditawo pe, ndiyoomvwa atala andinywe kuti muliimvwi nji muMuuya uumwi, amuzeezo uumwi kamuli kukakatila kulubazu akulubazu nkaambo kalusyomo lwamakani mabotu, 2811 alimwi peepe kuyosyegwa kufumbwa chintu abasinkondonyokwe. Eechi nchitondezyo chili antanganana kulimbaabo chakuti bayoonyonyoonwa, pesi mulufutuko lwanu, alimwi oolo luzwa kuli Leza. 29Nkaambo kulipedwe kulindinywe kuti nkaambo kaKkirisitu kuti tamweleede kuzumina luzutu mulinguwe biyo pesi akupenzegwa lubo nkaambo kakwe, 3012kamuli mumwi mukupenzegwa kukozyene ankumwakabona mpawo lino mulookukumvwa kakuli kwangu.