लूका

लूका का लिखा हुआ ईसु मसीह का सुसमाचार

लूका को लिखो भौ ईसु मसीह को सुसमाचार

परिचय

लूका के अनुसार सुसमाचार नये कानून की चार किताबन मैं से एक है जो ईसु मसीह के जिंदगी को वर्ड़न करथै। उनमैं से हर एक कै “सुसमाचार” कहो जाथै, जोको मतलब है “अच्छी खबर।” बे मत्ती मरकुस लूका और यूहन्ना के जरिये ईसु की मौत के बाद लिखी गईं रहैं। लूका ना खाली ईसु के जिंदगी की कहानी लिखी, बल्कि बौ बे चीजन के बारे मैं भी लिखी, जो ईसु के चेला बाकी मौत और पुनरुत्थान के बाद करी, जो प्रेरितो के काम नाओं की किताब है। कोई ना जानथै लूका के अनुसार सुसमाचार कौन से समय लिखो गौ रहै या कहाँ लिखो गौ रहै, लेकिन जाधेतर विद्धवान जौ बात से सहमत हैं कि जौ हुई सकथै ईसु के जनम के लमसम 70 साल बाद लिखो गौ रहै।

लेखक लूका, जो एक बैध रहै। बाकी लिखावट और भासा को इस्तमाल करन को तरीका बताथै कि बौ एक सिक्छित आदमी रहै। लूका ईसु की जिंदगी को एक सई विवरड़ लिखनो चहात रहै, घटनन कै उनके घटित होन के तरीका से बतात रहै, ताकी दूसरे लोग जाकै पढ़न से फायदा उठाए सकैं। बौ यहूदि ना रहै और बौ जौ तरीका से लिखी कि गैर यहूदि लोग समझ सकैं।

लूका के हिसाब से सुसमाचार ईसु कै इस्राएल के प्रतिग्या उद्धारकर्ता और पूरी मानव जाति के उद्धारकर्ता दोनों के रूप मैं प्रस्तुत करथै। लूका लिखी है कि ईसु कै प्रभु की आत्मा के जरिये “गरीबन कै सुसमाचार सुनान” के ताहीं बुलाओ गौ रहै

लूका के हिसाब से सुसमाचार भौत हद तक मत्ती और मरकुस की किताबन से मिलथै-जुलथै, काहैकि बे एक जैसी चीजन को वर्ड़न करथैं और ऐसे करकै। तीन किताबन मैं, लूका, यूहन्ना बपतिस्मा देनबारे के जनम के बारे मैं सबसे जाधे विवरड़ देथै। लूका माफ के ऊपर भी जोर देथै

रूपरेखा

1. लूका अपने सुसमाचार को परिचय देथै और बताथै कि बौ जाकै काहे लिखी।

2. फिर बौ ईसु के जनम को वर्ड़न करथै और कैसे बौ सेवकाई के ताहीं तैयार भौ।

3. बचे भै सुसमाचार के सबसे बड़े भाग के ताहीं, लूका बौ काम के बारे मैं बताथै जो ईसु करी रहै, खासकर बाके जरिये करे गै चमत्कार और जो बातैं बौ सिखाई रहै।

4. आखरी मैं, बौ वर्ड़न करथै कि कैसे ईसु की मौत भइ, बाकै दफनाओ गौ, और मरे भैन मैं से जी उठो।