यूहन्ना

यूहन्नक लिखल खुशीक खबर

यूहन्ना

लिखुइया

यी किताबहे जब्दियक छावा यूहन्ना लिखल। जसिके कि यूह. २१:२०,२४ से फरछ्वार हुइत कि यी वृतान्त उ चेला लिखल “जोन चेलाहे येशू प्रेम करिँत।” ऊ और ओकर भैया याकूब “गर्जनके छावन” कहिके चिहिन्जाइँत (मर्कू. ३:१७)। ओइन्हे येशूक जीवनमे घट्लक घट्ननहे आँखीलेके देखुइया साँखी बन्ना सौभाग्य मिलल रहिन।

लिख्लक मिति और ठाउँ

लगभग ई. स. ५०-९०

यूहन्नक यी खुशीक खबरके वृतान्त संभवत: एफिसस शहरमे लिखगिल रहे, लिख्लक मुख्य ठाउँ यहूदिया प्रदेशके ग्रामीण ठाउँ, सामरिया प्रदेश, गालील प्रदेश, बेथानिया गाउँ और यरुशलेम शहर रहल हुइहीँ।

भेटुइया

यूहन्नक लिखल खुशीक खबरके वृतान्त यहूदिनके लग लिखगिल रहिन। ऊ यहूदिनहे यी साबित करक लग यी वृतान्त लिखल रहे कि येशूए ख्रीष्ट हुइँत, और ऊ यी जानकारी देहल कि ओइने “येशूए ख्रीष्ट हुइँत कहिके विश्वास करिँत, और विश्वास करके हुँकार नाउँमे जीवन भेटाइँत।”

उद्देश्य

यूहन्नक लिखल खुशीक खबरके उद्देश्य यहे हो कि, “ख्रीष्टके विश्वासीनहे विश्वासमे बल्गर बनाके सुरक्षित कराजाइँत। जसिके यूह. २१:३१ मे फरछ्वारसे व्यक्त करगिल बा। पर यी यहे कारणसे लिखगिल बा, ताकि तुहुरे हुँकारमे विश्वास करो कि येशूए परमेश्वरके छावा ख्रीष्ट हुइताँ। और विश्वास करके हुँकार नाउँमे तुहुरे सदाकालके जीवन पाई सेको।” यूहन्ना देखाके घोषणा करत कि येशू परमेश्वर हुइँत (यूह. १:१), जे सक्कु चिज बनैलाँ (यूह. १:३)। ऊ ओजरार हुइँत (यूह. १:४, ८:१२) और जीवन हुइँत (यूह. १:४, ५:२६, १४:६)। यी वृतान्त यूहन्ना ख्रीष्टहे परमेश्वरके छावा हुइँत कहिके सिद्ध करक लग फेन लिखल रहे।

किताबके विभाजन

१. येशू जीवनके कर्ता हुइँत

२. सुरुक चेलाहे रोज्लक

३. येशूक सार्वजनिक सेवा

४. प्रधान पुजारीक रुपमे प्राथना

5. ख्रीष्टके क्रूसमे मुलक और फेनदोस्रे जित्ती हुइलक

६. येशूक फेनदोस्रे जिके सेक्लक पाछे