गलाती

गलाती प्रदेशके मनैनहे पावलके चिट्ठी

गलाती

लिखुइया

यी चिट्ठीहे लिखुइया पावल हो। सुरुक मण्डलीक यहे एकमत विश्वास रहिन। पावल गलातिया प्रदेशके दक्खिन ओहोँर रहल मण्डलीनहे यी चिट्ठी लिखल रहे। एशिया प्रदेशमे प्रचार करे गैलक यात्रक समयमे यी मण्डलीनके स्थापना हुइनामे पावलके फेन हाँथ रहिस। गलातिया प्रदेश रोम या कोरिन्थ शहर हस एकथो पूरा रुपमे शहर नै रहे। उ एकथो रोमीनके राज रहे, जेम्ने बहुत्ते शहर रहिँत, और वहाँ बहुत्ते मण्डली बनागिल रहिँत। यी गलातिया प्रदेशमे रहुइयन, जेनहे पावल चिट्ठी लिखल, यने पावलके माध्यमसे ख्रीष्टके विश्वासमे नानगिल रहिँत।

लिख्लक मिति और ठाउँ

लगभग ई. स. ४८

सम्भव बा कि पावल यी चिट्ठी अन्ताकिया शहरमेसे लिखल रहे। काकरेकी यी शहर ओकर मुख्य रना ठाउँ रहिस।

भेटुइया

यी चिट्ठी गलातिया प्रदेशके मण्डलीनके सदस्यनके लग लिखगिल रहे (गला. १:१-२)।

उद्देश्य

यी चिट्ठिक पाछेक उद्देश्य यहे रहे, कि यहूदी पृष्ठभूमिक ख्रीष्टियन विश्वासीनके भ्रमित करना शिक्षक खण्डन करे सेके। काकरेकी ओइन्के शिक्षक अनुसार मुक्ति भेटाइक लग खतना करवैना जरुरी रहे। ऊ गलातिया प्रदेशके विश्वासीनहे मुक्ति भेटैना वास्तविक आधार बुझाई चाहतेहे। पावल अपन निउतरह्या हुइलक अधिकारहे साबित करके अपन प्रचार कर्लक खुशीक खबरहे साबित करत। मनैया अनुग्रहक माध्यमसे विश्वासेसे धर्मी मानजाइत, और ओइन्हे अपन विश्वाससे किल आत्मक स्वतन्त्रतक यी जीवनमे सिख्ना जरुरी बा।

किताबके विभाजन

१. भूमिका

२. खुशीक खबरके साबित हुइलक

३. विश्वास करके धर्मी हुइना

४. विश्वासके जीवनके व्यवहार और स्वतन्त्रता