निउतरह्या

निउतरह्यनके काम

निउतरह्या

लिखुइया

यी किताबहे लूका कना वैदा लिखल। निउतरह्यनके कामके किताबमे धर्लक बहुत्ते घटनाहे अपन आँखीलेके देखुइया ऊ एकथो साँखी रहे। यकर पुष्टि ओकर प्रयोग कर्लक बहुवचन सर्वनाम शब्द “हम्रे” से हुइत। १६:१०-११; २०:५-२१:१८; २७:१-२८:१६ परम्परा अनुसार ऊ एकथो विजातीय विश्वासी रहे, जे प्रचारक बनल।

लिख्लक मिति और ठाउँ

लगभग ई. स. ६०-६३

लिख्लक मुख्य ठाउँ यरुशलेम शहर, सामरिया, लुद्दा, याफा, अन्ताकिया शहर, इकुनियस, लुस्त्रा, दिरबे, फिलिप्पी, थेसलोनिके, बेरिया, एथेन्स, कोरिन्थ, एफिसस, कैसरिया, माल्टा और रोम रहल हुइहीँ।

भेटुइया

यी किताब लूका थियोफिलसके लग लिखल रहे (निउत. १:१)। दुर्भाग्यवश, थियोफिलसके बारेमे दोसुर कौनो जानकारी नै हो। सम्भव बा कि ऊ लूकक अभिभावक रहे; या यी नाउँ थियोफिलस अथवा “परमेश्वरहे प्रेम करुइया” ख्रिष्टियन विश्वासीनके लग काममे लेगिलक व्यापक शब्द रहे।

उद्देश्य

निउतरह्यनके कामके किताबके उद्देश्य यी हो कि विश्वासीन मण्डलीक सुरुवात और ओकर विकासके कहानी प्रस्तुत करिँत। यी किताब डुब्कि देहुइया यूहन्ना येशू और खुशीक खबरके वृतान्तमे बाह्रथो चेलनके सन्देशनहे प्रकट करत। यी किताबमे पेन्तिकोसके दिन पवित्र आत्मक उतरनासे लेके विश्वासीनके विश्वासहे प्रसारणके वृतान्त व्यक्त करत।

किताबके विभाजन

१. पवित्र आत्मक वाचा

२. पवित्र आत्मक देखा पर्लक

३. यरुशलेम शहरमे पवित्र आत्मासे निउतरह्यनके सेवकाई और मण्डलीक सतावट

४. यहूदिया और सामरिया प्रदेशमे पवित्र आत्मासे निउतरह्यनके सेवकाई

५. संसार दोसुर भागमे पवित्र आत्मासे निउतरह्यनके सेवकाई