१ यूहन्ना

यूहन्नक सुरुक चिट्ठी

१ यूहन्ना

लिखुइया

यी चिट्ठीमे लेखक के हो कहिके जानकारी नै हो। पर मण्डलीक बल्गर, अटल और सुरुवातके गवाही यहे बा कि यिहिहे येशू ख्रीष्टके चेला, निउतरह्या यूहन्ना लिखल (लूका ६:१३,१४)। तभुन फेन यी चिट्ठीमे यूहन्नक नाउँ नै हो, तभुन फेन तीनथो विश्वास करे सेक्ना मेरिक संकेत उहिएहे लेखक हो कहिके जनाइल बा। सुरुक, सुरुवातके दोस्रा शताब्दीक लेखक उहिहे यकर लेखक हो कहिके बतैथाँ। दोसर, यी चिट्ठिक शब्दावली और लिख्ना शैली ओस्तेहेँ बा, जसिके यूहन्नक लिखल खुशीक खबरके बा। तेसर, निउतरह्या लिखत कि ऊ येशूहे देखल और हुँकिन्हे छुअल फेन बा, जोन यी निउतरह्यक बारेमे एकथो सबुत हो (१ यूह. १:१-४; ४:१४)।

लिख्लक मिति और ठाउँ

लगभग ई. स. ८५-९५

यूहन्ना अपन जीवनके अन्तिम समयमे एफिसस शहरमेसे यी चिट्ठी लिखल रहे। ऊ अपन आधासे धेउर बुह्राइल समय वहैँ बिताइल रहे।

भेटुइया

यी चिट्ठीमे यूहन्नक चिट्ठी पह्रुइयन केने हुइँत कहिके फरछ्वार नै करगिल हो। तभुन फेन चिट्ठिक विषयवस्तुसे जाने सेकजाइत कि ऊ विश्वासीनेहे यी चिट्ठी लिखल रहे (१ यूह. १:३-४; २:१२-१४)। सम्भव बा कि यी चिट्ठी बहुतसे ठाउँमे रहल पवित्र मनैनके लग रहिन। सामान्य रुपमे सक्कु ठाउँक विश्वासीनहे २:१, “मोरिक प्रिय लरको”।

उद्देश्य

यूहन्ना ख्रीष्टियन सहभागिताहे बह्राइक लग यी चिट्ठी लिखल रहे, ताकि हमार आनन्द पूरा होजाए, और हम्रे पापसे बँचाजाई, मुक्तिक विश्वास देहवाइक लग और विश्वासीनहे ख्रीष्टके व्यक्तिगत सहभागितामे नानक लग। यूहन्ना विशेष करके झूँटा गुरुनके चर्चा करत, जेने मण्डलीसे अलग होगिल रहिँत, और विश्वासीनहे खुशीक खबरके सच्चाइसे डगर बिगारतिहिँत।

किताबके विभाजन

१. देहधारणके सच्चाई

२. सहभागिता

३. भ्रमहे चिहिन्ना

४. वर्तमानमे पवित्र जीवन जिना प्रेरणा

५. विश्वासके आधार प्रेम

६. झूँटा शिक्षाहे चिहिन्ना

७. पवित्रतक लग जरुरी