१ कोरिन्थी

कोरिन्थ शहरके मण्डलीहे पावलके सुरुक चिट्ठी

१ कोरिन्थी

लिखुइया

पावलहे यी किताबके लेखक हो कहिके स्वीकार करगिल बा (१ कोरि. १:१-२; १६:२१)। यी किताबहे पावलके चिट्ठी फेन कहिजाइत। पावल जब एफिसस शहरमे रहे या वहाँ पुग्नासे आघे पावल यी चिट्ठी कोरिन्थ शहरके मण्डलीहे लिखल रहे। यी चिट्ठी ओकर सुरुक चिट्ठीक पाछे लिखगिल रहे। (

लिख्लक मिति और ठाउँ

लगभग ई. स. ५५-५६

यी चिट्ठी एफिसस शहरमेसे लिखगिल रहे। (१ कोरि. १६:८)

भेटुइया

पावलके यी चिट्ठीक तोकल पह्रुइया मनै रहिँत। ओइने कोरिन्थ शहरमे परमेश्वरके मण्डलीक सदस्य हुइँत (१ कोरि. १:२)। पर पावल असिक फेन लिखत, “और उ सक्कु जहनके नाउँमे फेन जेने हरेक ठाउँमे हमार और हमार प्रभु येशू ख्रीष्टके नाउँसे प्राथना करथाँ।”

उद्देश्य

पावलहे कोरिन्थ शहरके मण्डलीक वर्तमान अवस्थक बारेमे जानकारी बहुत मेरिक स्रोतसे मिलल रहिस। यी चिट्ठी लिख्ना पावलके यहे उद्देश्य रहिस कि मण्डलीक कमजोरीक बारेमे ओइन्हे बताई सेके, और ओकर फेनदोस्रे स्थापना करे सेके। और ओइन्के नै मजा अभ्यास जसिके मण्डलीक विभाजन जसिन प्रवृतिहे दूर करे सेके (१ कोरि. १:१०-४:२१)। फेनदोस्रे जिउठ्नक बारेमे ओइन्केमे जोन भ्रम उब्जागिल रहिन, उहिहे फेन दूर करे सेके (१ कोरि. १५) तथा अनैतिक कामके विरोधमे अपन निर्णय देहे (१ कोरि. ५, ६:१२-२०)। प्रभु भोजके अपमानहे फेन सुधारे सेके (१ कोरि. ११:१७-३४)। कोरिन्थ शहरके मण्डलीहे वरदान मिलल रहिन (

किताबके विभाजन

१. प्रस्तावना

२. कोरिन्थ शहरके मण्डलीमे विभाजन

३. नैतिकता और सदाचार सम्बन्धी फूट

४. भोजक सिद्धान्त

५. निउतरह्यनसे सम्बन्धित

६. आराधनक निर्देश

७. आत्मिक उपहार

८. फेनदोस्रे जिउठ्नक धर्मशिक्षा