Eastern Tamang Language Bible
व्हाइ 23:4
Verse 4 is marked below, with the whole chapter around it. Read from the start
परमप्रभु य्हाङला गोठालो
दाऊदला व्हाइ
परमप्रभु ङाला गोठालो हिन्ना,
ङादा तिगै स्हेला खाँचो आत।
थेसे ङादा पिङ्पिङ्बा छे मुबा पाङ्री छमुला,
ज्यबा क्युइ मुबा शान्त ग्लारी र्भोमुला।
थेसे ङाला प्राणदा दोःसी सोना लमुला,
थेसे ह्राङला मिन अन्छार ङादा ठीक ग्यामरी भोर्मुला।
ल्हानान लोङ्बा खबा धोपधोप्बा खोँचग्याम नितोःसै ङा लोङ्आतोः
तिग्दा भिसम परमप्रभु, ह्राङ ङादेन छ्याम मुला।
ह्राङला आँट पिन्बा कडीसे ङादा जोगब लमुला।
ह्राङसे ङाला शत्रुगदेला ओन्छाङ्री ङाला लागिरी भोज ठीक लमुला।
ह्राङसे ङाला थोबोरी छ्युगु युसी ङादा मान लमुला,
ह्राङसे ङाला खोरेरी प्लिङ्सी ङ्हेबाधोना युसी पिन्मुला।
ह्राङला दयादेन माया ङादेन छ्याम सदन तला,
ढुक्क तसी ङा सदन परमप्रभुला दिमरी चिम्याङ्ला।
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.