दानि
Daniel
Introduction from this edition
दानिएलला किताब
चु किताबला बारेरी पाङ्तोःमा
मूर्तिदा तेन्बा ग्लेसे यहूदीगदेदा ल्हानान दुख पिन्सी ह्राङला तहरी थान्बा धुइरी दानिएलला किताब भ्रिबा मुबा। अर्गुदा नाङ्बाझ्याक्बा लबागदेदा परमेश्वरसे नाश लला ओच्छे ह्राङला म्हिगदेदा दुखग्याम फेसी जोगब लसी थान्ना भिसी आँट पिन्बान परमेश्वरसे उन्बा ताम कथागदेग्याम पाङ्सी दानिएलसे ह्राङला धुइला म्हिगदेदा पाङ्बा मुबा। चु किताबरी गोर न्ही मूल ताम मुला।
१) दानिएलदेन थेला ह्रोगदेदा ह्राङला य्हुल्साग्याम ताप्बा धुइला तामगदे
परमेश्वरसे कुल्बा अन्छार भ्रसी परमेश्वरदा विश्वास लबासेलमा दानिएलदेन थेला ह्रोगदेसे ह्राङला शत्रुगदेदा ढाजी। चु चा बाबेलदेन फारेस य्हुल्सासे ह्राङला य्हुल्साला क्यारक्युर मुबा जम्मान य्हुल्साथोरी शासन लबा धुइरी तबा तामगदे हिन्ना।
२) परमेश्वरसे उन्बा तामगदे दानिएलसे म्राङ्बा
बाबेलग्याम शुरू तसी ल्हानान य्हुल्सागदे स्होबादेन नाश तबा तामगदे दानिएलसे म्राङ्बा मुबा। ओच्छे मूर्तिदा पूजा लबादेन अर्गुदा नाङ्बाझ्याक्बा लबा ग्ले ब्रेबादेन परमेश्वरला म्हिगदेसे चा ढाला भिसी अगमवाणी लबा मुबा।
मूल तामगदे
दानिएलदेन थेला ह्रोगदे
दानिएलसे म्राङ्बा तामगदे
क) गोर ब्लि जन्तुगदे
ख) ग्यु बोकोदेन रा बोको
ग) समाचार भोर्बा स्वर्गदूत
घ) थुम्ला धुइ
दानिएलला किताब
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.