ಕ್ಹುದಾನಿ ಕ್ಹರಿನಿ ವಾಕ್ಯಾ
1 ಯೊಹಾನ 5
ದುನಿಯಾನೆ ಜಿತ್ತೊ
ಯೆಸು ಕ್ರಿಸ್ತ ವ್ಹೈ ಕೈನ ಬರೊಕ್ಹೊ ಕರಾಲೊ ಹರಯಕ್ಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ, ಕುನ್ನ ಹುಟ್ಸಯಲ ಬಾಪನೆ ಮಯಾ ಕರಸ ತೆ ತಿನಾ ಬಾಪಕ್ಹು ಹುಟ್ಟಲವಾಲಾ ಹರಯಕ್ಲಾನೆ ಮಯಾ ಕರಸ. ಅಪೆ ಕ್ಹುದಾನಾ ಬಚ್ಚಾವೊನೆ ಮಯಾ ಕರಸ ಕೈನ ಕ್ಹುದಾನೆ ಮಯಾ ಕರಿನ ತಿನಿ ವಾತ ಲಿಂಗತ ಚಾಲ್ಯಾರೆಜ ಗ್ವತ್ತ ಥಾವಸ. ಕ್ಹುದಾನಾ ಉಪ್ಪರ ರ‍್ಹಯಲ ಮಯಾ ಸು ವ್ಹೈ ಕದ್ಯಾಮ ತಿನಾ ಆಗ್ಯಾನಾ ಲಿಂಗತ ಚಾಲಾನುಜ ವ್ಹೈ. ತಿನಾ ಆಗ್ಯಾ ವಜ್ಜು ನ್ಹವೈ. ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹಾತಾಮಾ, ತುಮೊನೆ ಕಿರಿಟ ಮಳಸ. ಮ್ಹೊಟಿ ಮಹಿಮಾ ವ್ಹಂದಿಲಿದ್ಯಾಮ ತೆ ಕಿರಿಟ ತಿನು ಸುಂದ್ದರತಾ ಜವೈ ಲೈತೊನೈ. ಜಾಜಿಮಾನೆ ಮಿ ತುಮೊನೆ ದಕ್ಹಿಯೊ ವಾತೊ ಕೌಕಯಿನ. ಆಯೊಸ. ತುಮೆ ಮೊಟಾಹೊನೆ ಅದಿನ ಥಹೊ. ತುಮೆ ಕ್ಹಾರಾ ಯಕ್ಕನೆ ಯಕ್ಕಲೊ ತಗಿಲಿ ಚಲು.
ಯೆಸು ಕ್ರಿಸ್ತನಾ ಹುತಿ ಸಾಕ್ಷಿ
ಕಾಕದ್ಯಾಮ ಯೆಸು ಕ್ರಿಸ್ತ ಪಾನಿಕ್ಹು ರಗತಕ್ಹು ಸಾಕ್ಷಿ ಹೊಂದವಾಲೊ ವ್ಹೈ. ಪಾನಿಕ್ಹು ಯಕ್ಕಜ಼ ನೈ ರಗತಕ್ಹು ಸಾಕ್ಷಿ ಹೊಂದಲವಾಲೊ ವ್ಹೈ. ಆತ್ಮಾ ಸಾಕ್ಷಿ ದಿವಸ ಕಾಕದ್ಯಾಮ ತೆ ಆತ್ಮಾ ಕ್ಹರಿನಿ ಆತ್ಮಾ ವ್ಹೈ. ತೆ ತುಮೊನೆ ಪಾಲನೆ ಕರಾನಾಹುತಿ ತುಮಾರಿ ಚಿಂತಾ ಕ್ಹಾರಿ ತಿನೆ ಒಪ್ಪಸೊ. ಆತ್ಮ ಪಾನಿ ವರಿ ರಗತ ಎ ತನ್ನೆನೆ ಸಾಕ್ಷಿನಿ ವಚಾರ ಯಕ್ಕಜ಼ ವ್ಹೈ. ಮನಕ್ಹೊ ಸಾಕ್ಷಿ ಕತಾಮಾ ಅಪೆ ಬರೊಕ್ಹೊ ಕರಿಯೆಸ ತೆನೈಸೊ ಕ್ಹುದಾನಿ ಸಾಕ್ಷಿ ತಿತ್ತಿಬಿ ಖಾಸವ್ಹೈ. ಕ್ಹುದಾ ತಿನ್ನಾ ಸ್ವಂತ ದಿಕ್ರಾನಾ ಹುತಿ ಕದಲ ಕ್ಹರಿಜ಼ ತೆ ಅಪೊನೆ ದಿದಲ ಸಾಕ್ಷಿ ವ್ಹೈ. ಕ್ಹುದಾನಾ ದಿಕ್ರಾನೆ ಬರೊಕ್ಹೊ ಕರಲಾವೊನೆ ಕ್ಹುದಾಕ್ಹು ಸಾಕ್ಷಿದಿದಲ ಕ್ಹರಿ ವ್ಹಂದಲ ರ‍್ಹವಸ. ಕ್ಹುದಾನೆ ನೈನಂಬಲವಾಲೊ. ಕ್ಹುದಾನೆ ಸುಳ್ಳವಾಲೊ ಕರಸ. ಕಾಕದ್ಯಾಮ ಕ್ಹುದಾ ತಿನಾ ದಿಕ್ರಾನೆ ಹುತಿ ಕದಲ ತೆ ಬರೊಕ್ಹೊ ನೈ ಕರ್ತೊ. ತೆ ಸಾಕ್ಷಿ ಕೈವೈ ಕದ್ಯಾಮ, ಕ್ಹುದಾ ಅಪನೊನೆ ಹಮೆಶಾನೊ ಜ಼ಲಮ್ಮ ದಿದ್ಯೊಸ. ತೆ ಜ಼ಲಮ್ಮ ತಿನಾ ದಿಕ್ರಾಮಾ ಛೆ ಕೈನ. ಕುನ ಕ್ಹುದಾನಾ ದಿಕ್ರಾನೆ ನಂಬಸ ತ್ಯುನೊನೆ ತೆ ಜ಼ಲಮ್ಮ ಛೆ,ತೆನೈಸೊ ಕುನ ಕ್ಹುದಾನಾ ದಿಕ್ರಾನೆ ನೈ ನಂಬತು ತ್ಯುನೊಮಾ ತೆ ಜ಼ಲಮ್ಮ ನತ್ತಿ.
ಹಮೆಶಾನು ಜ಼ಲಮ
ಕ್ಹುದಾನಾ ದಿಕ್ರಾಪರ ಭರೊಕ್ಹೊ ಮ್ಹೆಲಾವಾಲಾ ಥೈನತಮನೊಮ್ಮಾ ತೆ ಹಮೆಶಾನು ಜ಼ಲಮ್ಮ ಛೆಕೈನ ಗೊತ್ತ ಥವಾನಾಹುತಿ ತಮನೊನೆ ಆ ವಿಷಯಯೊ ಲಿಕ್ಯೊ. ವರಿ ಕ್ಹುದಾನಾ ಚಿತ್ತನಾ ಪೆ ಮಾಂಗಿಲಿವಾನು ತೆ ಪುರಾ ಕರಸ ಕೈನ ಭರೊಕ್ಹೊ ತಿಪರ ರ‍್ಹವಸ. ಅಪೆ ಸು ಮಾಂಗಿಲಿದ್ಯಾ ತಬಿ ತೆ ಅಪೆ ಮಾಂಗಿಲಿದೆಲ ಐಕಸ ಕೈನ ಅಪ್ನೊ ಗೊತ್ತ ರ‍್ಹೈಮ, ಅಪೆ ಮಾಂಗಿಲಿವಾನು ತಿಕ್ಹು ಅಪೊನೆ ಮಳಸ ಕೈನ ಗೊತ್ತ ಥಾವಸ. ತುಮಾರಾಮಾ ಕುನಬಿ ಯಕ್ಕ ವಿಸ್ವಾಸಿ ತಿನಾ ಬಾ ಮೌಥ ನೈಸೊ ಪಾಪ ದೆಕಿನ ತೆ ಕ್ಹುದಾ ಕನ ಮಾಂಗಿಲಿವಾದೆ ತೆಳಾಮಾ ಕ್ಹುದಾ ಮೌತ ನೈಸೊ ಪಾಪ ಕರಾವಾಲಾವೊನೆ ಜ಼ಲಮ ದಿವಸ. ಮೌತ ರ‍್ಹಯಲ ಪಾಪ ಛೆ ತೆ ಪಾಪನಾ ವಿಷಯಮ್ಮಾ ತೆ ಮಾಂಗಿಲ್ಯು ಮಿ ನೈ ಕತೊ. ನಿತಿನೆ ವಿರುದ್ದ ಥಯಲ ಕ್ಹಾರು ಪಾಪ ಥೈಯುಸ. ತೆನೈಸೊ ಮೌತ ರ‍್ಹಯಲ ಪಾಪ ಛೆ. ಕ್ಹುದಾಕ್ಹು ಹುಟೆಲ ಪಾಪ ನೈಕರತ್ತಾ ಕೈನ ಮನೆ ಗೊತ್ತ ಛೆ. ಕ್ಹುದಾಕ್ಹು ಹುಟೆಲ ಕ್ಹುದಕ್ಹು ತಿನೆ ವಚಾಡಲಿವಸ ಕೆಟ್ಟನು ತೆ ನೈ ಮೊಟ್ಟತೊ. ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ. ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ. ಮಯಾನಾ ಬಚ್ಚಾ಼ವೊ, ಮುರ್ತಿಯೊನಾ ನಜಿಕ ಗಯಾವಾಚಿ ತಮನೊನೆ ವಚಾಳಿವೊ.
ಕ್ಹುದಾನಿ ಕ್ಹರಿನಿ ವಾಕ್ಯಾ. Copyright © 2023 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.