1 ಯೊಹಾನ

ಯೊಹಾನನು ಬರೆದ ಮೊದಲನೆಯ ಪತ್ರಿಕೆ

1 ಯೊಹಾನ ಬರ್ದಲ ಪತ್ರ

ವಳಕ

ಯೊಹಾನ ಬರ್ದಲ ಯಕ್ವಾ ಪತ್ರಿಕೆಮಾ ಅಪೊಸ್ತಲ ಥಯಲ ಯೊಹಾನ ಯೆಸು ಸ್ವಾಮಿ ಹುಟ್ಟಲ್ಪರ 50-100 ವರಕ್ಹನಾ ವಚ್ಮಾ ಬರ್ದ್ಯೊಸ. ಯೊಹಾನ ಆ ಪತ್ರಿಕೆ ತೆಜ಼ ಬರ್ದ್ಯೊಸ ಕೈನ ದೆಕಾಡಿನ ನತ್ತಿ ದಿದ್ಯೊ, ತೆ ಪೈಲಾ ಅದ್ಯಾಯ ಮಾಜ ತೆ ಯೆಸು ಸ್ವಾಮಿನು ಜಿವಿತ ವರಿ ತೆ ಮರಿನ ತನ್ನ ದಿನ ಥಯಲ್ಪರ ಉಟಿನ ಆಯೆಲ ದೆಕಲ ವಾಲೊ ವ್ಹೈ ಕೈನ ದೆಕಾಡಿನ ದಿವಸ ಯೊಹಾನ ಬರ್ದಲ ಯಕ್ವಾ ಪತ್ರಿಕೆಮಾ ಬರ್ದಲ ತರಿಕೊ ಯೊಹಾನ ಬರ್ದಲ ಸುವಾರ್ತಾನಾ ಬುಕ್ಕನಾ ಕ್ಹಾತೆ ಘನ್ನು ಮಳಸ. ಯೊಹಾನ ಬರ್ದಲ ಸುವಾರ್ತಾನು ಬುಕ್ಕ ಯೊಹಾನಜ಼ ಬರ್ದ್ಯೊಸ ಕೈನ ಕ್ಹಾರಾಜ಼ನಾ ಬರೊಕ್ಹೊ ಕರಸ ತಿನಾಲಿಂಗತಜ಼ ಯೊಹಾನ ಬರ್ದಲ ಯಕ್ವಾ ಬೆವಾ ವರಿ ತನವಾ ಪತ್ರಿಕೆ ಯೊಹಾನ ಎಫೆಸಮಾ ರ‍್ಹತಾಮಾ ಬರ್ದ್ಯೊಸ ಕೈನ ಕ್ಹಾರಾಜ಼ನಾ ಬರೊಕ್ಹೊ ಕರಸ.

ಯೊಹಾನನಿ ಸಬೆ ಕ್ಹುದಾಜ಼ ನತ್ತಿ ಕೈನ ಕವಾಲಾ ಮನಕ್ಹೊ ಕ್ಹು ತ್ರಾಸ ಖಾತಾಮಾ ಯೆಸು ಸ್ವಾಮಿಪರ ಬರೊಕ್ಹೊ ಮುಕ್ಕಲವಾಲಾವೊನಾ ಹುತಿ ಆ ಪತ್ರಿಕೆ ಬರ್ದ್ಯೊಸ ತೆ ಸಬೆನಾ ಮನಕ್ಹೊ ಯೆಸು ಸ್ವಾಮಿ ಕ್ಹುದಾ ವ್ಹೈ ಮಾತ್ರ ಯೆಸು ಸ್ವಾಮಿ ಮನಕ್ಹನಾ ರುಪಮಾ ಆಯೊಸ ಕೈನ ನೈ ಬರೊಕ್ಹೊ ಕರಲಕ್ಹು ಯೊಹಾನ ಯೆಸು ಸ್ವಾಮಿನಾ ಕ್ಹಾತೆ ರ‍್ಹತಾಮ ತೆ ತಿನೆ ಮುಟ್ಟಲ ತೆ ಯೆಸು ಸ್ವಾಮಿನಾ ಕ್ಹಾತೆ ರ‍್ಹತಾಮಾ ಹರಯಕ್ಕ ಥಯಲ ಆ ಪತ್ರಿಕೆಮಾ ಬರ್ದಸ

ಪಿಠಿಕೆ

1) ಯೊಹಾನ ತೆ ಕಿನೆ ಪತ್ರ ಲಿಕ್ಕಾಡೊಸ ವರಿ ಶಾನಾ ಹುತಿ ಬರ್ದಾಡ್ಯೊಸ ಕೈನ ಕವಸ

2) ವರಿ ಕ್ಹುದಾ ಅಪೊನೆ ಕಿಮ ಉಜಾಲು ಥಯೊಸ ವರಿ ಅಪ್ನೊ ಯೆಸು ಸ್ವಾಮಿ ಕಿಮ ಹೊತ್ತೊ ಅಪೆಬಿ ತಿನಾ ಲಿಂಗತ ಕಿಮ ರ‍್ಹೌ ಕೈನ ಕದ್ಯೊಸ.

3) ತೆ ಥಯಲ್ಪರ ಅಪೆ ಯಕ್ಲಾನೆ ಯಕ್ಲೊ ಕಿಮ ಮಯಾ ಕರು ಕೈನ ಕವಾನಿ ಆಗ್ಯಾ ಶೆ ದಿಲಾವಸ

4) ಯೊಹಾನ ಪತ್ರಿಕೆಮಾ ಸು ಕವಾನು ಕೈನ ಕ್ಹರಾವಾಸ.