ಯೊನ

ಯೊನ

ಯೊನ

ವಳಕ

ಯೊನಾನು ಪುಸ್ತಕ ಯೊನಾ ನಿನೆವಿ ಗಾಮಾನಾಹುತಿ ರ‍್ಹಯಲ ಉಪದೆಶನಾ ಹುತಿ ಕವಸ. ಬಿಜಾ಼ ಪ್ರವಾದಿಯೊನಾ ಪುಸ್ತಕೊತಿ ಎ ಪುಸ್ತಕ ಯಹೊವಾನಿ ಸಂದೆಶತಿ ಯೊನಾನಾ ಚಾಳಿನಾ ಹುತಿ ವರಿ ಕಾಮೊನಾ ಹುತಿ ದೆಕಾಡಿನೆ ದಿವಸ.ಯೊನಾನಿ ಸೆವೆ ಇಸ್ರಾಯೆಲನೊ ರಾಜೊ಼ ಯೆರೊಬಾಬನ ಕಾಲಮಾ ಕದ್ಯಾಮ ಕಮ್ಸಿ ಕಮ್ಮ ಕ್ರಿಸ್ತ ಪು ಆಟಕ್ಹೊ-ಕ್ಹಾತಕ್ಹೊನ ಐವತ್ತ ಇಸ್ವಿಮಾ ಥಯುಸ. ಕೈನ ಬರೊಕ್ಹೊ ಕರಸ. ತೆ ನೈಸೊ ಎ ಪುಸ್ತಕ ಕೆಳಮಾ ಬರದ್ಯಾಸ ವಿದ್ವಾಂಸೊನೆ ಕವಾನು ಗ್ವತ್ತ ನತ್ತಿ.

ಯಹೊವಾ ಯೊನಾನೆ ನೆನಿವೆನಾ ವಿರುದ್ದ ಉಪದೆಶ ಕರಾನಾ ಹುತಿ ಮೊಕಲ್ಯೊ. ತೆ ನೈಸೊ ಯೊನಾ ಯಹೊವಾನಿ ವಾತ ಐಕ್ಯಾ ವಾಚಿ ಪಾಲಶ್ಯಾವಾಚಿ ನೆನಿವೆನಾ ವಿರುದ್ದ ದಿಕ್ಕನೆ ಗಯೊ. 1:1-3. ತೆ ತಾರ್ಶಿಶೆ ಜಾ಼ವಾನಾ ಹಡಗಾಮ ಚಡ್ಯೊ. ಹಡಗೊ ಸಮುದ್ರಪರ ಅಗೊ ಜಾ಼ತಾಮಾ ಯಹೊವಾ ಸಮುದ್ರಪರ ಘನ್ನು ಮ್ಹೊಟು ಔಂದನ ಆವಾ ವರಕ್ಹು ಕರ‍್ಯೊ. ತೆಳಾಮಾ ಹಡಗೊ ಚ಼ಲಾವಾಲಾ ಘನ್ನಾ ಭುಚಕ್ಯಾ. ವರಿ ಯಹೊವಾನಿ ಶಿಟ್ಟ ಶಾಂತ ಥಾವಾದೆ ಮನಕ್ಹೊ ಕೈನ ಯೊನಾನೆ ಸಮುದ್ರಮಾ ನಾಕಿ ಪಾಡ್ಯಾ. ಪಾಚಾ಼ತಾ ಯಹೊವಾ ಯಕ್ಕ ಮ್ಹೊಟಿ ಮಚ಼ಲಿನೆ ಯೊನಾನೆ ಗಳಾನಾ ಹುತಿ ಮೊಕಲ್ಯೊ. ಯೊನಾ ಪಶ್ಚಾತಾಪ ಪಡ್ಯೊ ವರಿ ಯಹೊವಾ ತಿನೆ ವಾಚಾನಾ ಹುತಿ ಅಪ್ಪಣೆ ದಿದ್ಯೊ. ಲಾಸ್ಟಮಾ ಯೊನಾ ನೆನಿವೆಯೆ ಗೈನ ಉಪದೆಶ ಕರ‍್ಯೊ. ವರಿ ತೆ ಗಾಮನಾ ಮನಕ್ಹೊ ಪಶ್ಚಾತಾಪ ಪಡ್ಯಾ. ಯೊನಾನು ಪುಸ್ತಕಮಾ ಯಹೊವಾ ಕೆಕ್ಲೊ ಮರಗಾಲೊ ವ್ಹೈ ಕೈನ ಕವಾನು ದೆಕಾಡಿನೆ ದಿವಸ. ಕಾ ಕದ್ಯಾಮ ಯೊನಾ ಯಹೊವಾ ಮರಗಸ ಕವಾನು ಗ್ವತ್ತ ನ್ಹೊತು. 4:2.

ರುಪರೆಖಾ

1 ಅದ್ಯಾಯ 1: ಯೊನಾ ಯಹೊವಾಕ್ಹು ಚು಼ಕೈಲಿವನಾ ಹುತಿ ಕೊಶಿಸ ಕರಸ. ವರಿ ಮಚ್ಲಿನಾ ಪೆಟಮಾ ಲಾಸ್ಟ ಥಾವಸ.

2 ಅಧ್ಯಾಯ 2: ಯೊನಾ ಮಚ್ಲಿನಾ ಪೆಟಮಾ ಯಹೊವಾನೆ ಪ್ರಾಥನಾ ಕರಸ.

3 ಅಧ್ಯಾಯ 3: ಯೊನಾ ನಿನೆವಿ ಗಾಮಮಾ ಉಪದೆಶ ಕರಸ ವರಿ ಮನಕ್ಹೊ ಪಶ್ಚಾತಾಪ ಪಡಸ. ಯಹೊವಾ ತ್ಯುನೊನೆ ಮಾಫ ಕರಸ.

4 ಅಧ್ಯಾಯ 4: ಯೊನಾ ಯಹೊವಾ ನಿನೆವಿ ಗಾಮನೆ ಮರಗಲ ಹುತಿ ತೆ ಶಿಟ್ಟ ಥಯೊ. ಯಹೊವಾ ಕ್ಹಾರಾ ಮನಕ್ಹೊಪರ ಮಯಾ ಛೆ ಕವಾನು ದೆಕಡಿನೆ ದಿವಸ.