Skip to content
BibleKenya

Sikkiligar Bible

ಯಜಕೆಲಾ 6

ಮೊರ್ತಿಯೊನೆ ಪುಜಾ ಕರಾನಾ ವಿರುಧ್ದ ಕ್ಹುದಾ

ಯಹೊವಾ ಆ ವಾತ ಮನೆ ದಯಪಾಲಸ್ಯೊ ಮನಕ್ಹನಾ ದಿಕ್ರಾ, ಇಸ್ರಾಯಲನಾ ಡೊಂಗರೊನೆ ಅಬಿ ಮುಖಥೈನ ಹುಬ್ರೈನ ತ್ಯುನೊನೆ ದೈವೊಕ್ತಿನೆ ಕೆ ಇಸ್ರಾಯಲನಾ ಡೊಂಗರೊನಾ ವಿರುದ್ದ ಪ್ರವಾಧನೆ ಕರ. ಕರ್ತಾ ಥಯಲ ಯಹೊವಾನಿ ಆ ವಾತ ಐಕೊ ಕರ್ತಾ ಥಯಲ ಯಹೊವಾ ಡೊಂಗರೊನೆ ತೊರೆ ಕ್ಹಾಡಿಯೊನೆ ಅಮ್ಮ ಕವಸ ಹಮ್ನಾ ಮಿಜ ತುಮಾರಾ ಉಪ್ಪರ ತಲ್ವಾರನೆ ಆವಾ ಲಗಾಡಿನ ಉನ್ನಥ ಸ್ಥಾನನೆ ನಾಶ ಕರುಸ. ತುಮಾರಾ ಯಜ್ಙವೆದಿಯೊ ಹಾಳ ಥಾವಸ, ತುಮಾರಾ ಧುಪ ವೆದಿಯೊನೆ ಹಾಳ ಕರಸ. ತುಮಾರಾ ಮನಕ್ಹೊ ತುಮಾರಾ ಮೊರ್ತಿಯೊನಾ ಕ್ಹಾಮಾ ಹತಥೈನ ಪಡಾವರಕ್ಹು ಕರುಸ. ಮಿ ಇಸ್ರಾಯಲನಾ ಮುರ್ದಾವೊನೆ ತ್ಯುನಾ ಮೊರ್ತಿಯೊನಾ ಕ್ಹಾಮಾ ಘಾಲಿನ ತುಮಾರಾ ಬಲಿನೊ ಕಟ್ಟೊನಾ ಸುತ್ತೆಬಿ ತುಮಾರಾ ಹಡ್ಕಾವೊನೆ ನಾಕುಸ. ತುಮೆ ರ‍್ಹವಾನಾ ಕ್ಹಾರಾ ದೆಶೆಮಾ ರ‍್ಹಯಲ ಗಾಮೊ ಹಾಳ ಥಾವಾಕ್ಹು ಉನ್ನತ ಸ್ಥಾನ ಹಾಳಪಡಾಕ್ಹು ತುಮಾರಾ ಯಜ್ಞ ವೆದಿಯೊ ಹಾಳಥಾವಸ, ತುಮಾರಾ ಗೊಂಬಿಯೊ ಫೊಡಿನ ತೆ ನೈಸೊ ಥಾವಸ, ತುಮಾರಾ ಧುಪ ವೆದಿ ಕತ್ರೈಜಾ಼ವಸ, ತುಮೆ ಕರಲ ವಿಗ್ರಹವೊ ಅಳದಿನ ಜಾ಼ವಸ, ತುಮಾರಾವ ವಚ್ಮಾ ಪಡಸ; ತೆಳಾಮಾ ಮಿಜ ಯಹೊವಾ ವ್ಹೈ ಕೈನ ತುಮೊನೆ ಗೊತ್ತ ಥಾವಸ.

ಮನಕ್ಹೊನಾ ಶೆಷನೆ ಉಗ್ರಾಡುಸ; ಕಿಮ್ಮ ಕದ್ಯಾಮ ತುಮೆ ಬಿಜಾ಼ ದೆಶೊನೆ ಚದ್ರೈನ ಜಾ಼ತಾಮಾ ತುಮಾರಾಮಾ ದಕ್ಹಾಜನಾ ತೆ ಜನಾಂಗನಾ ವಚ್ಮಾ ತಲ್ವಾರನೆ ತಪ್ಪಸೈ ಲಿವಸ. ತೆಳಾಮಾ ತಪ್ಪಸೈಲಿನ ಆಳೊನೆ ಲಿನ ಗಯಲ ಜನಾಂಗೊನಾ ವಚ್ಮಾ ರ‍್ಹವಾಲಾ ತುಮಾರಾ ಅನ್ಯ ದೆವತಾವೊನಾ ಮೊಹಕ್ಹು ಮನೆ ದೆಕಾಡಲ ತ್ಯುನಾ ಮನಸೊನೆ ತ್ಯುನಾ ಗೊಂಬಿಯೊನಾ ಉಪ್ಪರಲ್ಯಾ ಕಾಮಕ್ಹು ದೆವ ದ್ರೊಹ ಕರಲ ತುಮಾರಾ ಡೊಳಾವೊನೆ ಭಂಗಕರಲವಾಲೊ ಮಿಜ ವ್ಹೈ ಕೈನ ಮನೆ ಸೆ ಕರಲಿನ ತುಮೆ ಘನ್ನಾ ಅಸ್ಯಯ ಕಾಮೊ ಕರಿನ ಕೆಟ್ಟ ಕರ್‍ಯಾಸ ಕೈನ ತ್ಯುನಾಮಾ ತ್ಯುನೆಜ ಹೆಸಿ ಲಿವಸ. ಮಿಜ ಯಹೊವಾ ವ್ಹೈ ಕೈನ ತ್ಯುನೊನೆ ಗೊತ್ತ ಥಾವಸ; ಆ ಕೆಡನೆ ತ್ಯುನೊಎ ಕರುಸ ಕೈನ ಮಿ ಕದಲ ಸುಳ್ಳ ವಾತ ನವೈ.

ಕರ್ತಾ ಥಯಲ ಯಹೊವಾ ಅಮ್ಮ ಕವಸ ತು ಚಪ್ಪಾಳ್ಯೊ ಮಾರಿನ ಜಿಮಿನ ಕವಾನಿ ಅಮ್ಮ ಕೆ ಹಾ, ಇಸ್ರಾಯಲನಾ ವಂಶವಾಲಾ ಅಸೈ ಥಯಲ ಕೆಟ್ಟ ಕಾಮೊಕ್ಹುಜ! ತಲ್ವಾರ ಕ್ಷಾಮವ್ಯಾದಿಕ್ಹು ಮರಿಜಾ಼ವಸ. ದುರ ರ‍್ಹಯಲವಾಲೊ ವ್ಯಾದಿಕ್ಹು ಮರಸ, ಕ್ಹಾಮೊ ರ‍್ಹಯಲವಾಲೊ ತಲ್ವಾರಕ್ಹು ಮರಸ, ತಪ್ಪಸಿ ಲಿನ ಉಗ್ರಲವಾಲೊ ಕ್ಷಾಮಕ್ಹು ಮರಸ; ಮಿ ತ್ಯುನಾಪರ ಮ್ಹೆಲಲ ರೊಷನೆ ತಿರಸಿ ಪಡುಸ. ತೆ ವಂಶವಾಲಾ ಉಚ್ಚಾಥಯಲ ಕ್ಹಾರಾ ಡೊಂಗರೊಪರ ಕ್ಹಾರಾ ಡೊಂಗರೊನಾ ತುದಿಯೊಪರ ಸೊಂಪಥಯಲ ಝಾಡೊನಾ ಹೆಟಾಬಿ ತ್ಯುನಾ ಸಮಸ್ತ ವಿಗ್ರಹೊನೆ ಚೊಕಿ ಬಾಸಾನು ಹೊಮ ಕರ‍್ಯಾ ಘಟ್ಟ ಥಯಲ ಕ್ಹಾರಾ ಎಲಾ ಝಾಡೊನಾ ಹೆಟಾಬಿ ಹತ ಥೈನ ತ್ಯುನಾ ಯಜ್ಞಯೊನಾ ಸುತ್ತೆಬಿ ತ್ಯುನಾ ಗೊಂಬಿಯೊನಾ ವಚ್ಮಾ ಪಡ್ತಾಮಾ ಮಿಜ ಯಹೊವಾ ವ್ಹೈ ಕೈನ ಗೊತ್ತ ಥಾವಸ. ಮಿ ತ್ಯುನಾ ಉಪ್ಪರ ಹತ್ತ ಉಚೈನ ತ್ಯುನೆ ರ‍್ಹಯಲ ಕ್ಹಾರಾ ದೆಶೊನೆ ಜಂಗಲತು ದಿಬ್ಬಲಕ್ಕಾ ಹಾಳಪಾಳ ಕರುಸ; ಮಿಜ ಯಹೊವಾ ವ್ಹೈ ಕೈನ ಗೊತ್ತ ಥಾವಸ.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.