Sikkiligar Bible
ಯಜಕೆಲಾ 35
ಎದೊನನೆ ಕ್ಹುದಾನಿ ಶಿಕ್ಷಾ
ಯಹೊವಾ ಎ ವಾಕ್ಯಾ ಮನೆ ದಿದ್ಯೊ- ಮನಕ್ಹನಾ ದಿಕ್ರಾ, ತು ಸೆಯಿರ ಡೊಂಗರನಾ ಗಾಮನೆ ಕ್ಹಾಮೊ ಥೈನ ತಿನೆ ಎ ಕ್ಹುದಾನಿ ವಾತ ಕೆ, ಕರ್ತಾ ಥಯಲ ಯಹೊವಾ ಅಮ್ಮ ಕವಸ ಸೆಯಿರ ಡೊಂಗರ, ದೆಕೊ, ಮಿ ತುಮೊನೆ ವಿರುದ್ದ ಥಯೊಸ; ಮಿ ತಾರಾ ಗಾಮ್ನಾ ಉಪ್ಪರ ಹತ್ತ ಉಚೈನ ತಿನೆ ಹಾಳ ಕರಿ ಪಡುಸ. ಮಿ ತಾರಾ ಗಾಮೊನೆ ನಾಶ ಕರ್ತಾಮಾ ತು ರಾನ ಥಾಶಿ; ತೆಳಾಮಾ ಮಿಜ಼ ಯಹೊವಾ ವ್ಹೈ ಕೈನ ತಿಳ್ದಿಲೆಶಿ. ತು ಇಸ್ರಾಯೆಲೊನಾ ಉಪ್ಪರ ಘನ್ನಿ ಶಿಟ್ಟ ಮ್ಹೆಲಿನ ತ್ಯುನಾ ಅಪರಾದೊನಾ ಲಾಸ್ಟ ಕಾಲಮಾ ಆಪತ್ತ ಥಯಲ್ಪರ ತ್ಯುನೊನೆ ತಲ್ವಾರನಾ ಮ್ಹೊಡೆ ಗುರಿ ಕರಲಕ್ಹು. ತಿನಾಹುತಿ ಮಾರಾ ಜ಼ಲಮನಿ ಕ್ಹಮ್ಮ, ಮಿ ತುನೆ ರಗತಕ್ಹು ಭರುಸ, ರಗತನಿ ಕೊಡಿ ತುನೆ ಪಾಚಿ಼ ಲಾಗಸ; ತು ರಗತ ಸುರಸಾನೆ ಹೆಸ್ಯಾ ಬಗರ ರ್ಹಯಲಕ್ಹು ರಗತನು ತುಫಾನಜ಼ ತುನೆ ಪಿಟ್ಟ ಲಾಗಸ; ಎ ಕರ್ತಾ ಥಯಲ ಯಹೊವಾನಿ ವಾತ ವ್ಹೈ. ಸೆಯಿರ ಡೊಂಗರ, ಮಿ ತಾರಾ ಗಾಮನೆ ಹಾಳ ಕರಿನ ತಿಮಾ ಜಾ಼ವಾಲಾವೊನೆ ಆವಾಲಾವೊನೆ ನಾಶ, ತಾರಾ ಡೊಂಗರೊನೆ ತಾರಾ ಮನಕ್ಹೊನಾ ಮುರ್ದಾವೊಕ್ಹು ಭರುಸ; ತಲ್ವಾರಕ್ಹು ಕ್ಹಲಾಸ ಕರಾಲಾ ತಾರು ಡೊಂಗರ ಖಾಡಿ ಕರಿನ ಪಡಿ ಜಾ಼ವಸ. ಮಿ ತುನೆ ಹಮೆಶಾನಾ ನಾಶನನೆ ಗುರಿ ಕರುಸ; ತಾರಾ ಗಾಮೊ ಮನಕ್ಹೊ ನೈಸೊ ಥಾವಸ; ತೆಳಾಮಾ ಮಿಜ಼ ಯಹೊವಾ ವ್ಹೈ ಕೈನ ತಾರಾ ಮನಕ್ಹೊನೆ ಗ್ವತ್ತ ಥಾವಸ. ತು ಎ ಬೆ ಜನಾಂಗೊ ಎ ಬೆ ದೆಶೊ ಮಾರಾ ವಶ ಥಾವಸ, ಹಮೆ ತಿನೆ ಅನುಭವಿಸೆಸ ಕೈಲಿನ ತ್ಯಾ ಮಾರಿ ಸಾನಿಧ್ಯನೆ ಅಲಕ್ಷ ಕರಲಕ್ಹು ಮಾರಾ ಜ಼ಲಮನಿ ಕ್ಹಮ್ಮ, ತು ಮಾರಾ ಮನಕ್ಹೊನೆ ದ್ವೆಶ ಕರಿನ ತ್ಯುನಾ ಉಪ್ಪರ ಮ್ಹೆಲ್ಯಲ ಶಿಟ್ಟನೆಬಿ ಮ್ಹೊಟಾ ಕಾಮನೆಬಿ ಮಿ ತುನೆ ಪ್ರತಿ ಕರುಸ; ತುನೆ ಶಿಕ್ಷಾ ದಿದಲ್ಪರ ಮಿ ತ್ಯುನೊನೆ ದಿಕ್ಹುಸ. ತೆಳಾಮಾ ಮಿಜ಼ ಯಹೊವಾ ವ್ಹೈ ಕೈನ ಗ್ವತ್ತ ಥಾವಸ. ಎ ಕರ್ತಾ ಥಯಲ ಯಹೊವಾನಿ ವಾತ ವ್ಹೈ ವರಿ ತು ಇಸ್ರಾಯೆಲನಾ ಡೊಂಗರೊನೆ ದೆಕಿನ ಹಾಳ ಥೈ ಗಯಾ, ಅಪೊನೆ ತುತ್ತ ಥಯಾಸ ಕೈನ ಕರಲ ದುಷಣೆ ಯಹೊವಾ ಥಯಲ ಮಾರಾ ಕಾನೆ ಪಡ್ಯಾಸ ಕವಾನು ತುನೆ ಗ್ವತ್ತ ಥಾವಸ. ತಾರಾ ಮನಕ್ಹೊ ಮ್ಹೊಟೊ ಅವಾಜ಼ ಕರಿನ ಮಾರಾ ಉಪ್ಪರ ಕದಲ ಹೆಚ್ಕಿ ಹರಟೆ ಐಕ್ಯೊಸ. ಕರ್ತಾ ಥಯಲ ಯಹೊವಾ ಅಮ್ಮ ಕವಸ- ಮಿ ತುನೆ ಹಾಳ ಕರಿನ ಪುರಿ ದುನಿಯಾನೆ ಕ್ಹುಷ ಕರುಸ. ಇಸ್ರಾಯನು ಆಸ್ತಿ ಹಾಳ ಥಾತಾಮಾ ದುನಿಯಾ ಕ್ಹಾರಿ ಕ್ಹುಶಿ ಥಾವಾ ವರಕ್ಹು ಕರುಸ; ಸೆಯಿರ ಡೊಂಗರ ತು ಹಾಳ ಥಾಶಿ; ಹೊ, ಯೆದೊಮ ಸಿಮೆ ಕ್ಹಾರು ಘನ್ನು ಹಾಲ ಥಾವಸ; ತೆಳಾಮಾ ಮಿಜ಼ ಯಹೊವಾ ವ್ಹೈ ಕೈನ ಗ್ವತ್ತ ಥಾವಸ.
Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.