Skip to content
BibleKenya

Sikkiligar Bible

ಯಜಕೆಲಾ 33

ಕೈದಾಲಾವೊಪರ ಪಡಲ ವಜ್ಜು಼

ಯಹೊವಾ ಎ ವಾಕ್ಯಾ ಮನೆ ದಿದ್ಯೊ- ಮನಕ್ಹನಾ ದಿಕ್ರಾ, ತಾರಾ ಮನಕ್ಹೊನೆ ಬೊದನೆ ಕರಿನ ತ್ಯುನೊನೆ ಅಮ್ಮ ಕೆ, ಮಿ ದೆಶಪರ ತಲ್ವಾರನೆ ಬಿಸತಾಮಾ ತೆ ದೆಶವಾಲಾ ತ್ಯುನಾಮಾ ಇನಿಲಿದಲ ಕೈದಾಲೊ, ದೆಶನಾ ಉಪ್ಪರ ಪಡಾನು ತಲ್ವಾರನೆ ದೆಕಲ ಬರೊಬ್ಬರ ಪೊಂಗೊ ಉದಿನ ಸ್ವಂತ ಮನಕ್ಹೊನೆ ಹುಶಾರ ಕರ‍್ಯಾ. ಅವಾಜ಼ ಐಕ್ಯಲವಾಲೊ ಕಯೊಬಿ ರ‍್ಹವಾದೆ ಹುಶಾರ ಥಯಾವಾಚಿ ಪಡಾನಾ ತಲ್ವಾರನೆ ಕ್ಹಾಪಡಿನ ನಾಶ ಥಯೊಮ ತಿನಾ ಮೌತನೆ ತೆಜ಼ ಕಾರಣ ವ್ಹೈ. ತೆ ಕೊಂಬನು ಅವಾಜ಼ ಐಕಿನಬಿ ಹುಶಾರ ಥಯೊ ನೈ ತೆಕ್ಲುಜ಼ ವ್ಹೈ; ತಿನಿ ಮೌತನೆ ತೆಜ಼ ಕಾರಣ ವ್ಹೈ; ಹುಶಾರ ಥಯಲ ರ‍್ಹವತ್ತೊ ತಿನು ಜ಼ಲಮ ವಚಾ಼ಡಿ ಲೆತೊತೊ. ತೆನೈಸೊ ಕೈದಾಲೊ ಪಡಾನಾ ತಲ್ವಾರನೆ ದೆಕಿನಬಿ ಕೊಂಬ ಉದ್ಯಾ ಬಗರ ಸ್ವಂತ ಮನಕ್ಹೊನೆ ಹುಶಾರ ಕರ‍್ಯಾವಾಚಿ ರ‍್ಹಯಲ ಟೈಮಮಾ ತಲ್ವಾರ ಪಡಿನ ತೆ ಮನಕ್ಹೊಮಾ ಕಿನೆಬಿ ರ‍್ಹವಾದೆ ನಾಶ ಕರ‍್ಯಾಮ, ತಿನಾ ಅಧರ್ಮಮಾ ನಾಶ ಥಯಲ ತೆ ಮನಕ್ಹನಾ ಮರಣನೆ ಕಾರಣ ಥಯಲ ಕೈದಾಲಾನೆ ಮುಯಿ ತಿರಿಸುಸ. ಮಿ ದುಷ್ಟನೆ- ದುಷ್ಟ, ಮರಶಿಜ಼ ಕೈನ ಕತಾಮಾ ತು ತೆ ದುಷ್ಟನೆ ತಿನಾ ಕೆಟ್ಟ ವಾಟತೊ ತಪ್ಪಿಸಾನೆ ತಿನೆ ಹುಶಾರ ಕರ್xಯಾಬಗರ ಗಯಾಮ ತೆ ತಿನಾ ಅಪರಾದಕ್ಹುಜ಼ ಮರು ಲಾಗಸ; ತಿನಾ ಮೌತನೆ ಕಾರಣ ಥಯಲ ತುನೆ ಮಿ ಮುಯಿ ತಿರಿಸೌಸ. ತೆನೈಸೊ ತು ದುಷ್ಟನೆ ಕೆಟ್ಟ ವಾಟತೊ ತಪ್ಪಿಸಾನಾ ಹುತಿ ತಿನೆ ಹುಶಾರ ಕರ‍್ಯೊತಬಿ ತೆ ತಿನೆ ನೈ ಛೊಡ್ಯಮ ತಿನಾ ಅಪರಾದೊಮಾಜ಼ ಮರಸ; ತುಜ಼ ತಾರು ಜ಼ಲಮ ವಚಾ಼ಡಿಲೆಶಿ.

ಖುದ್ದನಿ ಜವಾಬ್ದಾರಿ

ಮನಕ್ಹನಾ ದಿಕ್ರಾ, ಇಸ್ರಾಯೆಲ ವಂಶವಾಲಾವೊನೆ ಅಮ್ಮ ಕೆ, ಅಪ್ನಾ ದ್ರೊಹನಾ ವರಿ ಪಾಪನು ಭಾರ ಅಪ್ನಾ ಉಪ್ಪರ ಪಡ್ಯುಸ; ತಿಕ್ಹು ಕುಂದೈನ ಥೈನ ಚಾ಼ಲ್ಯಾಸ; ಅಪೆ ಕಿಮ್ಮ ವಾಚಾ಼ ಕೈನ ಕೈಲಿವೊಶಿತೊ. ಮಾರಾ ಜ಼ಲಮನಿ ಕ್ಹಮ್ಮ, ದುಷ್ಟನಾ ಮರಣಮಾ ಮನೆ ಲೆಶ ಥಯುತಬಿ ಕ್ಹುಶಿ ನತ್ತಿ; ತೆ ತಿನಾ ಕೆಟ್ಟ ವಾಟನೆ ಛೊಡಿನ ಜಿವ್ಸಾನು ಮನೆ ಕ್ಹುಶಿ ವ್ಹೈ. ಎ ಇಸ್ರಾಯೆಲ ವಂಶವಾಲಾವೊ, ತುಮಾರಾ ಕೆಟ್ಟ ವಾಟೊ ಛೊಡೊ, ಛೊಡಿ ಪಡೊ; ತುಮೆ ಕಾ ಮರೊಶಿ? ಎ ಕರ್ತಾ ಥಯಲ ಯಹೊವಾನಿ ವಾತ ವ್ಹೈ. ಮನಕ್ಹನಾ ದಿಕ್ರಾ, ಮನಕ್ಹೊನೆ ಅಮ್ಮ ಕೆ- ಶಿಷ್ಟ ದ್ರೊಹ ಕರಲಪರ ತಿನು ಪುಣ್ಯ ತಿನೆ ಉದ್ದಾರ ನೈ ಕರ್xತು; ದುಷ್ಟ ತಿನಾ ದುಷ್ಟತನಾನೆ ಛೊಡ್ಯಮ ತಿನು ಪಾಪ ತಿನೆ ಪಾಡತು ನೈ; ಶಿಷ್ಟ ಪಾಪ ಕರ‍್ಯಾಮ ತಿನು ಪುಣ್ಯ ತಿನೆ ವಚಾ಼ಡತು ನೈ. ಮಿ ಶಿಷ್ಟನೆ- ತು ವಾಚ಼ಶಿಜ಼ ಕೈನ ಕವಾಕ್ಹು ತೆ ತಿನಾ ಪುಣ್ಯನಾ ಉಪ್ಪರ ಬರೊಕ್ಹೊ ಮ್ಹೆಲಿನ ಪಾಪ ಕರ‍್ಯೊಮ ತೆ ಕರಲ ಕಯುಜ಼ ಚೊ಼ಕು ಕಾಮ ತಿನಾ ಲೆಕ್ಕಾಮಾ ನೈ ಮಳಾತು; ತೆ ಕರಾನಾ ಪಾಪಕ್ಹುಜ಼ ತೆ ಮರಸ. ಮಿ ದುಷ್ಟನೆ ತು ಮರ್ಶಿಜ಼ ಕೈನ ಕವಾಕ್ಹು ತೆ ತಿನಾ ಪಾಪನೆ ಛೊಡಿನ ನಿತಿನ್ಯಾಯನೆ ಚ಼ಲಾವಾನಾ ಪಕ್ಷಮಾ. ಕದ್ಯಾಮ ತೆ ದುಷ್ಟ ಒತ್ತೆನೆ ಬಿಗಿ ಧರ‍್ಯಾಮ ಬಗರ ಕಾಳ್ಳಿದ್ಯಲ ಕ್ಹಾರು ವಾಪಸ ದಿನಜಿವನೆ ಆಧಾರ ರ‍್ಹಯಲ ನಿಯಮೊನೆ ಪಾಲನೆ ಕರಿನ ಕ್ಹಾರಾ ದುಷ್ಕ ಕಾಮೊನೆ ದುರ ರ್xಯಮ ಪಕ್ಷಮಾ ನೈ ಮರ್ತೊ, ಜಿವ್ತಿ ರ‍್ಹವಸಜ಼. ತೆ ಕರಲ ಕಯು ಪಾಪ ತಿನಾ ಹಿಸಾಬೆ ನೈ ಮಳ್ತು; ನಿತಿನ್ಯಾಯನೆ ಚ಼ಲಾವಸತೊ; ಜಿವ್ತೊ ರ‍್ಹವಸಜ಼. ತೆನೈಸೊ ತಾರಾ ಮನಕ್ಹೊ ಕರ್ತಾನು ಕ್ರಮ ಸಮಾ ನತ್ತಿ ಕೈನ ಕವಸ, ತ್ಯುನುಜ಼ ಕ್ರಮ ಸಮಾ ನತ್ತಿ ತೆಕ್ಲುಜ಼ ವ್ಹೈ. ಶಿಷ್ಟ ತಿನಾ ಶಿಷ್ಟತನಾನೆ ಛೊಡಿನ ಅಧರ್ಮ ಕರ‍್ಯೊಮ ತೆ ಅಧರ್ಮಕ್ಹುಜ಼ ಮರಸ. ದುಷ್ಟ ತಿನು ದುಷ್ಟತನಾನೆ ಛೊಡಿನ ನಿತಿನ್ಯಾಯನೆ ಚ಼ಲಾಯಮ ತಿಕ್ಹು ತೆ ವಾಚ಼ಸ. ತೆನೈಸೊ ತುಮೆ ಯಹೊವಾನಿ ಕ್ರಮ ಸಮಾ ನತ್ತಿ ಕೈನ ಕವಾಡಾಸ; ಇಸ್ರಾಯೆಲ ವಂಶವಲಾ, ತುಮಾರಾ ತುಮಾರಾ ನಡತೆನೆ ತಕ್ಕ ಮಿ ತುಮೊನೆ ಫೈಸಲೊ ಕರುಸ.

ಯೆರುಸೆಲಿಮ ಪಡಾನಿ ಸುದ್ದಿ

ಹಮೆ ಬಂದಿ ಥೈನ ಬಾರಾವಾ ವರಕ್ಹನಾ ದಕ್ಹವಾ ಮ್ಹೈನಾನಾ ಪಾಂಚ಼಼ವಾ ದಿನ್ನಮಾ ಯೆರುಸಲೆಮತಾ ಪಲಾಯನ ಕರಲ ಯಕ್ಲೊ ಮಕನ ಐನ ಗಾಮ ಶತ್ರು ಥಯುಸ ಕೈನ ಕದ್ಯೊ. ತೆ ಆವಾನಾ ದಿನ್ನನಾ ಪಾಚ಼ಲ್ಯಾ ಕ್ಹಾಂಜೆ ಮಿ ಯಹೊವಾನಿ ಹತ್ತನಾ ಸ್ಪರ್ಶಕ್ಹು ಪರವಶ ಥಯಲಕ್ಹು ಯಹೊವಾ ತೆ ಪಾಟೆ ಆವಸ ಕೈನ ಮಾರು ಮ್ಹೊಡು ಕ್ಹೊಲ್ಯೊತೊ; ಹೊ, ಮಾರು ಮ್ಹೊಡು ಕ್ಹುಲ್ಯುತು, ಮಾರು ಮುಕತನಾ ಗಯುತು.

ಮನಕ್ಹೊನು ಪಾಪ

ತೆಳಾಮಾ ಯಹೊವಾ ಎ ವಾಕ್ಯಾ ಮನೆ ದಿದ್ಯೊ. ಮನಕ್ಹನಾ ದಿಕ್ರಾ, ಇಸ್ರಾಯೆಲ ಗಾಮ್ನಾ ಹಾಳ ಜ಼ಗಾವೊಮಾ ರ‍್ಹವಸ ಅಬ್ರಹಾಮ ಯಕ್ಲೊಜ಼ ರ‍್ಹಯೊತುಬಿ ಆಂ ದೆಶ ತಿನೆ ಸ್ವಾಸ್ತ್ಯ ಥೈನ ಮಳ್ಯಲ ಸು ಮ್ಹೊಟು ವ್ಹೈ ಕೈನ ತಿಳ್ದೊಶಿ ಸು. ತಿನಾಹುತಿ ತು ತ್ಯುನೊನೆ ಅಮ್ಮ ಕೆ ಕರ್ತಾ ಥಯಲ ಯಹೊವಾ ಅಮ್ಮ ಕವಸ- ರಗತಕ್ಹು ಮಳ್ಯಲ ಮಾಕ್ಹ ಕ್ಹಾವೊಶಿ, ಗೊಂಬಿಯೊ ಕನ ಡೊಳಾ ಉಚಾವೊಶಿ. ರಗತ ಚು಼ವ್ವಾವೊಶಿ; ತುಮಾರಾ ಹೆವಾ ದೆಶನೆ ಅನುಬೊಸಾನೆ ಥಾವಸ ಸು? ತುಮೆ ತಲ್ವಾರಮಾಜ಼ ಛೆ, ದುರಾಚಾರ ಚ಼ಲಾವೊಶಿ, ತುಮೊಮಾ ಹರಯಕ್ಲೊ ತ್ಯುನಾ ತ್ಯುನಾ ನೆರೆಯವನಾ ಬೈಕೊನೆ ಕೆಡಶ; ತುಮಾರಾ ಹೆವಾ ದೆಶನೆ ಅನುಬೊಸಸ ಸು? ವರಿ ತ್ಯುನೊನೆ ಅಮ್ಮ ಕೆ- ಕರ್ತಾ ಥಯಲ ಯಹೊವಾ ಅಮ್ಮ ಕವಸ- ಮಾರಾ ಕ್ಹಮ್ಮ, ಹಾಳ ಜ಼ಗಾವೊಪರ ರ‍್ಹವಾಲಾವೊನೆ ತಲ್ವಾರ ಕ್ಹಲಾಸ ಕರಸ; ಭಾರಾ ರ‍್ಹವಾಲಾವೊನೆ ಮಿ ಮೃಗನೆ ಪಾಲ ಕರುಸ; ಮಹೆಲಮಾ ರ‍್ಹಯಲವಾಲಾವೊನೆ ರೊಗ ಕ್ಹಲಾಸ ಕರಸ. ಮಿ ದೆಶನೆ ಹಾಳ ಕರಿಪಡುಸ, ತಿನಿ ತಾಕತನಿ ನಶಾ ಉತ್ರಿ ಜಾ಼ವಸ; ಇಸ್ರಾಯೆಲನಿ ಲೆನಾಡ ; ಕುನ್ನ ತ್ಯಾ ಹೈದಿನ ನೈ ಜಾ಼ತು. ತ್ಯುನೆ ಕರಲ ಘನ್ನಾ ದುರಾಚಾರೊ ಕ್ಹು ಮಿ ದೆಶನೆ ಹಾಳ ಕರಲ್ಪರ ಮಿಜ಼ ಯಹೊವಾ ವ್ಹೈ. ಕೈನ ತ್ಯುನೊನೆ ಗ್ವತ್ತ ಥಾವಸ.

ಪ್ರವಾದಿನು ಸುದ್ದಿನು ಫಲಿತಾಂಶ

ಮನಕ್ಹನಾ ದಿಕ್ರಾ, ತಾರಾ ಮನಕ್ಹೊ ಗೊಡಿಯೊನಾ ಛೌಲಿಮಾಬಿ ಘರನಾ ಬಾಕಲೊಮಾಬಿ ತಾರಿ ಪ್ರಸ್ತಾಪ ಉಚೈನ ಪರಸ್ಪರ ಥೈನ ಯಕ್ನೆ ಯಕ್ಕ- ಯಹೊವಾನಾ ಮ್ಹೊಡಾತಿ ಆಯಲ ವಾತ ಐಕೆ ಆವೊ ಕೈನ ಕೈಲಿವಾಡಾಸ. ಪ್ರಶ್ನೆ ಪುಚಾ಼ನೆ ಆವಾನ ಮನಕ್ಹೊ ನಿಂಗತ ತ್ಯುನೆ ತುಕನ ಐನ ಮಾರಾ ಭಕ್ತೊ ಥೈನ ತಾರಾ ಕ್ಹಾಮಾ ಬೈಟಿನ ತಾರಾ ವಾತೊ ಐಕಸ, ತೆನೈಸೊ ಕೈದಿಲಿನ ನೈ ಜಾ಼ತಾ; ಮ್ಹೊಡಾಕ್ಹು ಘನ್ನು ಪ್ಯಾರ ದೆಕಾಡಸ. ತ್ಯುನು ಮನಸ್ಸ ಕಾಳ್ಳಿದ್ಯಲವಾಲಾವೊಪರ ಜಾ಼ವಸ. ದೆಕ, ತಾರಿ ವಾತ ತ್ಯುನಾ ಹಿಸಾಬಮಾ ಯಕ್ಕ ಗಿದ್ದ ಕವಾಲಾನು ವಾದ್ಯ ಗ್ಯಾನಕ್ಹು ವಜಾ಼ಡಿನ ಚೊ಼ಕಿ ಸ್ವರಕ್ಹು ಕವಾನಾ ಪ್ಯಾರನಾ ಗಿದ್ದನೆ ಸಮಾ ಛೆ; ತಾರಾ ವಾತೊ ಐಕಸ ತೆನೈಸೊ ಕೈದಿಲೆತಾ ನೈ. ತು ಪೈಲಾಜ಼಼ ಕವಾನು ಥಾತಾಮಾ (ಆಹಾ, ಥಯು) ತ್ಯುನಾ ವಚ್ಮಾ ರ‍್ಹಯಲವಾಲೊ ಪ್ರವಾದಿಜ಼ ವ್ಹೈ ಕೈನ ತ್ಯುನೊನೆ ಕ್ಹರಿಬಿ ಗ್ವತ್ತ ಥಾವಸ.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.