Sikkiligar Bible
ಯಜಕೆಲಾ 15
ದ್ರಾಕ್ಷಿ ಬಳ್ಳಿನಿ ಹುತಿ ಸಾಮ್ಯ
ಯಹೊವಾ ಆಂ ವಾಕ್ಯಾ ಮನೆ ದಿದ್ಯೊ. ಮನಕ್ಹನಾ ದಿಕ್ರಾ ದ್ರಾಕ್ಷಿನು ಝಾಡ ಉಗ್ರಲ ಝಾಡೊತಿಬಿ ಸು ಹೆಚ್ಕಿ? ಜಂಗಲಮಾ ದ್ರಾಕ್ಷಿನು ಸು ವಿಷೆಶ ವ್ಹೈ? ದ್ರಾಕ್ಷಿನಿ ಲಾಕ್ಡಿ ಲಿನ ತಿನಾಕ್ಹು ಸುಬಿ ಕರಸ? ಕಯುಬಿ ಸಾಮನ ರ್ಹೈತಬಿ ತಗಲಿ ಘಾಲಾನಾಹುತಿ ತಿಕ್ಹು ಗುಟ ಕರಲಿವಸ? ಆಹಾ, ತಿನೆ ಸೌದೆ ನಿಂಗತ ಆಗಮಾ ಘಾಲಸ; ಆಗಬಿ ತಿನಾ ಭಂಬಿದ ಕೊನಾವೊನೆ ಬಾಳಿ ಪಡಸ, ವಚ್ಮಾನು ಭಾಗ ನೈಸೊ ಥಾವಸ; ತೆಳಾಮಾ ಕಯುಬಿ ಮುಟ್ಟಿಮಾ ಆವಸು? ಹಮ್ನಾ ತೆ ರ್ಹಯಲ ನಿಂಗತಜ಼ ರ್ಹತಾಮಾ ಕಯಾಜ ಕಾಮನೆ ಐಯು ನೈ; ಆಗಮಾ ಬಾಳಿನ ಆಂ ಕ್ಹಾರು ಥಯಲ್ಪರ ಕಯಾ ಕಾಮನೆ ಐಯುತು?
ಅಮ್ಮ ರ್ಹತಾಮಾ ಕರ್ತಾ ಥಯಲ ಯಹೊವಾ ಅಮ್ಮ ಕವಸ ಜಂಗಲಮಾ ದ್ರಾಕ್ಷಿನು ಝಾಡನೆ ಮಿ ಕಿಮ್ಮ ಆಗನೆ ಸೌದೆನೆ ದಿದ್ಯೊಸತೊ ತಿಮ್ಮಜ಼ ಮಿ ಯರುಸಲೆಮವಾಲಾವೊನೆ ನಾಶನೆ ಕರಾನೆ ದಿದ್ಯೊಸ. ತ್ಯುನಾ ಉಪ್ಪರ ಶಿಟ್ಟನೊ ಡೊಳೊ ಮ್ಹೆಲುಸ; ತ್ಯುನೆ ಆಗಮಾತಾ ತಪ್ಸಿಲಿದ್ಯಾ ಆಗಬಿ ತ್ಯುನೊನೆ ಗಳಿಪಡಸ; ಮಿ ತ್ಯುನಾ ಉಪ್ಪರ ಶಿಟ್ಟನೊ ಡೊಳೊ ಮ್ಹೆಲ್ತಾಮಾ ಮಿಜ ಯಹೊವಾ ವ್ಹೈ ಕೈನ ತುಮೊನೆ ಗೊತ್ತ ಥಾವಸ. ತ್ಯುನೆ ದ್ರೊಹ ಕರಲಕ್ಹು ಮಿ ದೆಶನೆ ಹಾಳಕರುಸ; ಆಂ ಕರ್ತಾ ಥಯಲ ಯಹೊವಾನಿ ವಾತ ವ್ಹೈ.
Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.