Lulanga lwa 82

Oku bacîranuzi b’endyâlya

1Lulanga. Lwa Azafi.

Nnâmahanga oyo wamâyimanga omu karhî k’ihano lya banyamuzinda, y’oyo wamâhumanula olubanja omu karhî kâbo.

2Mpu: «Mangaci mwâleka okutwîra olubanya obulyâlya n’okuhà abayâzire olubanja?»

3Kaz’imufungire omuhanya n’ecirhaba, kaz’imushubize omunyi n’omukenyi ehyâge.

4Kaz’imulîkûze omuhanya n’omushalye, kaz’imumukûle omu nfune z’endyâlya.

5Oku barhishi bici kwo barhanayumva, omu mwizimya bagenda, emitungo y’igulu yoshi kwo kuciha okw’idaho okwo mushâna!

6Niehe kwo nali ndesire nti muli banyamuzinda mweshi, nti muli bagala b’Ow’Enyanya bwenêne.

7N’okusiga ninyu kufà mwanafè ak’abantu, n’ekugulu kwinyu mukoba gwayizinde ak’abandi bagale.

8Nnâmahanga, yimuka otwîre igulu olubanja, bulyâla amashanja goshi we Nnago.