BIBLIYA NTAGATIFU OMU MASHI
Lulanga lwa 116
Okuvuga omunkwa
Aleluya!
Ndwîrhe nacîshinga: bulya Nyakasane ayumvîrhîze izù ly’omusengero gwâni.
Antege okurhwiri, olusiku mmusengîre.
Emibanga y’olufù enziririnzire n’entanya z’olufù zantubire, oburhè n’amaganya bingwêrhe.
Nyâkûzize izîno lya Nyakasane mâshi Yâgirwa, ocize obuzîne bwâni.
Nyakasane abâ mwonjo na murhondekezi, Nyamuzinda wîrhu arhahimwa lukogo.
Abanyi bo Nyakasane alwîra, nali mubî ananciza.
Oshubiluhûka murhima gwâni, bulya Nyakasane akuyumvirhize
Omûka gwâni alilikûzize oku lufù, amasù gâni àgahôrhola emirenge, n’amagulu gâni arhuma garhahirima.
Nâbera haguma na Nyakasane, omu cihugo c’abazîne.
BIBLIYA NTAGATIFU OMU MASHI. Copyright © 2024 BUKAVU Mashi and other Kivu Languages Bible. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.