BIBLIYA NTAGATIFU OMU MASHI
Lulanga lwa 110
Obwâmi, Obukulu n’Obudâhwa bwa Masiha
Lulanga. Lwa Daudi.
Nyakasane àjire aho abwîra Nnawîrhu1 akanwa, erhi: «Bwârhala ekulyo kwâni, ntangiyandaza abashombanyi bâwe aha magulu gâwe».
Nyakasane ayanka itumu ly’obwamî bwâwe alirhogeza oku Siyoni2, mpu: «Nj’oyîme omu karhî k’abashombanyi bâwe.»
Mpu: «Kurhenga okuburhwa kwâwe oli n’obukulu omu bulangashane bw’obutagatìfu: niene nakuburhaga embere z’omucêracêra nka lumè.»
Nyakasane acîgashire arhanatwe omu kanwa kâge: «Oli mudâhwa w’ensiku n’amango kulya kwa Melkisedeki.»3
Nyakasane aha kulyo kwâwe ali: olusiku atulumukirwa lyo amâmi-mâmi gaherêrherwa.
Go mango olw’amashanja lwâmanywa, emirhumba elundumane; amarhwe gahinagwe omw’igulu lyoshi.
Omu njira mîshi ga muhona ânywa, kurhume alengeza irhwe.
Source notes (3)
- Footnote Nyakasane abwîra Nnawîrhu: Nyamuzinda yênene odesire ntyôla: Lul 2, 7-9 . - Bwârhala ekulyo kwâni: ahantu h’olukengwa. Masiha âbà n’ecikono c’obwâmi, âbà Mudâhwa w’ensiku n’amango: Mat 22, 44; Ebj 2, 34-35; Hbr 1, 13 .
- Footnote Kurhenga e Siyoni: Masiha âbà côkola w’abantu boshi. Lul 2 na Lul 71 .
- Footnote Kurhenga e Siyoni: Masiha âbà côkola w’abantu boshi. Lul 2 na Lul 71 .
BIBLIYA NTAGATIFU OMU MASHI. Copyright © 2024 BUKAVU Mashi and other Kivu Languages Bible. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.