Projet de Traduction Bible en mashi du Congo
Lulanga lwa 87
Siyoni, nnina w’amashanja goshi
Lulanga. Lwa bene Korè. Lwigânwa n’emyambalo.
Nyakasane ahizire Siyoni oku nyanya z’entondo ntagatîfu
Enyumvi z’e Siyoni zo arhonya kulusha ez’emwa Yakôbo zoshi.
Wàjir’irenge, lugo lwa Nyamuzinda!
Rahabu na Babeli bâganjirwa omu bihugo bingashâniza, lolà oku Filistiya, Tiri n’abantu b’e Etiyopiya bâbwirwa, mpu: «Abà yo baburhwa e Siyoni».
Na hano bakola baderha Siyoni, mpu: «Boshi na boshi yo baburhwa», mpu: «Ow’Enyanya yêne wayûbakaga Siyoni.»
N’omu citabu c’amashanja Nyakasane àyandika, mpu: «Lebè na lebè yo baburhwa e Siyoni.»
Hano bakola bahinda bayirnbe, mpu: «Siyoni wêne we nabâmwo enshôko zâni zoshi.»
Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-11-09.