Projet de Traduction Bible en mashi du Congo
Lulanga lwa 70
Okuhûna oburhabâle bwa Nnâmahanga
Gwârhi omukulu w’abimbiza. Lwa Daudi. Aha kushwinja.
Yâgirwa, oyêmêre ondîkûze nâni; Yâgirwa, okanye ontabâle.
Lêro enshonyi zibagwarhe babulabule, balya boshi banninga mpu bankûlamwo omûka.
Bayêgûke enshonyi zibabumbe, balya bacîshingira okuhanyagala kwâni.
Zibabumbe basômerwe, balya bakaz’iderha mpu yihè-yihè.
Bôhe balya bakulonza, bacîshinge banasîme muli we; na balya bakulingakwo oburhabâle, bakaz’iyôrha baderha mpu Nyakasane aganze!
Niehe ndi mukenyi nnandi muhanya? Nyamuzinda mâshi mâshi, ndwirâkwo.
We Mufungizi we na Muciza wâni: Biduha, mâshi Nyakasane!
Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-11-09.