Projet de Traduction Bible en mashi du Congo
Lulanga lwa 64
Enkola-maligo zimanye aha zafumira Nyamuzinda
Oku mukulu w’abimbiza. Lulanga. Lwa Daudi.
Yumva omulenge gwâni, mâshi Nnâmahanga, kulaka kuno ndimwo. orhenze ebihamba bindi emirhima.
Oncinge okw’ihano ly’ababî, n’oku kavulindi ka zira nkola-maligo.
Kwo zirhyaza olulimi nka ngôrho, kwo zimeshera ebinwa bibî nka kula zirîka mwampi.
Zo zira nkola-maligo zikaz’icîfulika mpu ziyâgaze omuhanya, mpu zimuyûbûke zimuyâgaze, zirhânababale bici.
Obubî lusima zibujîra, bwifulikwè zilâlira okurhega emirhego, mpu: «Ka hali owârhubone?»
Enkola-maligo bibî zigerereza, kufulika zikaz’ifulika enkengêro zikengire. Nêci wâni, omurhima gwa bene nyenga!
Ohumbe kwône, Nyamuzinda azirikiramwo emyampi, zifuduke zamâyagalika. Lulimi lwâbo lwâbaheze, ngasi yêshi wâbalolekwo, okw’idaho ânameshere.
Ikola lya Nyamuzinda boshi balirhînya banalikuze, ebijiro byâge byoshi byâhizâna.
Omushinganyanya kucîshinga acîshinga anashamambire Nyakasane; n’ab’omurhima nkana boshi, irenge bâja.
Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-11-09.