Projet de Traduction Bible en mashi du Congo

Lulanga lwa 13

Kuhika mangaci, Yâgirwa Nyakasane?

Gwârhi omukulu w’abimbiza. Lulanga. Lwa Daudi.

Kuhika mangaci wayôrha onyibagira, Nyakasane?

Kuhika mangaci wanfulika obusù bwâwe?

Kuhika mangaci nayôrha ntimanya amalibuko omu murhima gwâni?

Kuhika mangaci omushombanyi wâni ayôrha ampima?

Lolà, onshuze, Nyakasane Nyamuzinda, Nnâhamwîrhu!

Ommolekere amasù, ndek’ijir’îrò omu lufù.

Omushombanyi alek’iderha, erhi: «Namuhimire!»

Abanzi bâni balek’icîshinga babona njajâba.

Niehe bwonjo bwâwe ncîkubagira:

omurhima gwâni gucîshingire obucire bwâwe;

nyimbire Nyakasane oku minjà anjirire.

Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY 4.0 · SourceEdition imported 2026-11-09.