Projet de Traduction Bible en mashi du Congo
Lulanga lwa 120
Abashombanyi b’omurhûla
Lwimbo. Lwa kusoka.
Nkayumva omutula, Nyakasane, Nyakasane ye nyâkûza ananshuze.
Yâgirwa, ofungire omûka gwâni oku rhunwa rhubî, n’oku ndimi zibêsha.
Lêro olulimi lw’endyâlya cici ludesire lwankakuha erhi lukuyûshûlire?
Kàli bisonga byoji omu nfune z’entwâli, makala g’omurhi gwa Yenista.
Namâhera nie mbà muli Mesheki1, nie mpanzire e Kedari.
Mwo nyûbasire omu karhî kâbo, balya barhakwirirwa murhûla.
Oku ndi nti omurhûla, bôhe mpu entambala là.
Source notes (1)
- Footnote Mesheki: cihugo ciri hôfi n’Enyanja Nyîru. Kedari: omu irungu ly’e Sîriya.
Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-11-09.