Projet de Traduction Bible en mashi du Congo

Lulanga lwa 114

Olwimbo lwa Basâka

Aleluya!

Olusiku Israheli arhenga e Mîsiri,

olusiku enyumpa ya Yakôbo erhenga omu lubaga lw’abahalanjisi,

Yûda lwashuba luhêro lwâge, Israheli bwashuba bwâmi bwâge.

Enyanja yabona okwo yakûla omulindi, Yordani ashubira nyuma.

Entondo zahama nka nganda-buzi. Orhurhondo rhwacanacana nka bâna-buzi.

Wanyanja kurhi wamâbà obu wayâka? Yordani kurhi oku washubira nyuma?

Kurhi mwe birhondo obu mwahama nka ngandabuzi? Kurhi ninyu mwe rhurhondo obu mwacanacana nka bâna-buzi?

Igulu, nêci dirhimana omu masù ga Nyakasane, omu masù ga Nyamuzinda wa Yakôbo.

Owahindulaga ibuye cidêka ca mîshi, n’olwâla aluhindula nshôko.

Projet de Traduction Bible en mashi du Congo. Copyright © BUKAVU Mashi and other Kivu Languages Bible. Licensed under CC BY 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY 4.0 · SourceEdition imported 2026-11-09.