Santhali Project
आपोस का़मि 6
एयाय साप्दाप्को
आर ओनाको दिनरे चेलाको साङगे इदिक्कान ताहेंकानरे जुना़नि रोरोड़ जिहुदिकोरे मित्टेच् काराच् कुरुजोक् जानामेना, इबरिको उपा़रते दिना़म हिलोक् साप्दाप्आकोरे आकोरेन रा़ँडि मायजिउकोको ढिला़उ ओचोक्कान ताहेंकान इया़ते। खानगे ओनको गेलबारको दो जोतो चेलाको होहो जारवाकातेको मेतात्कोवा, “इसोराक् काथा ढिला़उकाते जोम ञु रेयाक् ले साप्दाप् दो बाङ ठिका। ओनाते ए बोयहा मिसराको भागे ञुतुमानको, जिउ आर आ़किलते पेरेच् आकान एयाय होड़ आपे मोद खोन ञाम बाछावकोपे ओने ओनको नोवा कामकाज चेतानरेले धुरा़उकाको, मेनखान आले दो कोयजोङरे आर काथा रेयाक् साप्दाप् का़मिरे जामाड़ाकान ले ताहेना।”
आर नोवा काथा दो जोतोको बेसको मेतात्आ, आर इस्टिफानको बाछाव केदेया, बिसवा़स आर सोनोत जिउते पेरेच्आकान मित्टेन होड़गे, आर फिलिप आर प्रोखोरुस, आर निकानोर आर तिमोन आर पारमेनास, आनटिओखिया़रेन निकोलासगे जिहुदि बिसवा़सरे बोलोआकान आपोसतोलको सामाङरेको तेङगोकेत्को आर ओनको दो कोयकेत्तेको चापोकेत्कोवा।
आर इसोराक् काथा दो पासनाव इदियेना आर जेरुसालेमरे चेलाकोवाक् लेखा दो आ़डितेत् बाड़हाव इदियेना, आर आ़डि उता़र नायकेको बिसवा़सरेको गोबोलेना।
इस्टिफानाक् साप् ओचोक्
आर इस्टिफान दो भोर आर दाड़ेते पेरेच् आकान, माराङ हाहाड़ावाक्को आर चिनहा़को दिसा़म होड़को तालारेये का़मियेत् ताहेंकाना। मेनखान किरिञ छोडाव ओचोवाकानको ओनकोवाक् ञुतुम नोवाको ताहेंकाना कुरेनि, आलेकसान्डेरिया़ सुना़गोगरेनको, आर किलिकिया़ आर आ़सिया़रेनको मोदरेनको आदोम आदोमको दो तेङगोयेनते इस्टिफान तुलुच्को रेटेपेटेयेना। आर ओनको दो ओना आकेल आर जिउ ओकातेये रोड़ेत् ताहेंकान, बाको तेङगो दाराम दाड़ेयादा। खानगे ओनको दो होड़को तुल राकाप्केत्कोवा, ओने ओनकोको मेनकेत्, नुय दो मोसे आर इसोर उपा़रते हेक्नोसता काथाको रोरोड़कानले आँजोम आकादेया। आर दिसा़म होड़को आर मुरुबिको आर सोसतोर बाडायकोको आ़उला़उकेत्कोवा, आर उनि उपा़रते हेच् पाड़ावेनते माराङ बा़इसि सामाङरेको घाचघाचाव इदि केदेया, आर एड़े गोहाको तेङगोकेत्कोवा, ओने ओनकोको मेनकेत्, नुय होड़ दो सोनोत ठा़ँइ आर आ़न उपा़रते काथाको रोरोड़ दो बाय थिरुक्काना।1 एनते रोरोड़ले आँजोम आकादेया, बाङमा नुय नासारेतरेन जिसु दो नोवा ठा़ँये धाङधासेरा आर मोसेये जिमा़आकावात्बोन चा़लिकोय फेरावा आर माराङ बा़इसिरे दुड़ुप् आकान सानामको उनि सेच् बेङगेत् उरिच्काते उनियाक् मेंत्हाँ दो मित्टेन दुत रेयाक् मेंत्हाँ लेकाको ञेलकेत्ताया।
Source notes (1)
- Cross-reference जिरि २६:११
Santhali Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.