རོམིཎཿ 8

1ཡེ ཛནཱཿ ཁྲཱིཥྚཾ ཡཱིཤུམ྄ ཨཱཤྲིཏྱ ཤཱརཱིརིཀཾ ནཱཙརནྟ ཨཱཏྨིཀམཱཙརནྟི ཏེ྅དྷུནཱ དཎྜཱརྷཱ ན བྷཝནྟི།

2ཛཱིཝནདཱཡཀསྱཱཏྨནོ ཝྱཝསྠཱ ཁྲཱིཥྚཡཱིཤུནཱ པཱཔམརཎཡོ ཪྻྱཝསྠཱཏོ མཱམམོཙཡཏ྄།

3ཡསྨཱཙྪཱརཱིརསྱ དུརྦྦལཏྭཱད྄ ཝྱཝསྠཡཱ ཡཏ྄ ཀརྨྨཱསཱདྷྱམ྄ ཨཱིཤྭརོ ནིཛཔུཏྲཾ པཱཔིཤརཱིརརཱུཔཾ པཱཔནཱཤཀབལིརཱུཔཉྩ པྲེཥྱ ཏསྱ ཤརཱིརེ པཱཔསྱ དཎྜཾ ཀུཪྻྭན྄ ཏཏྐརྨྨ སཱདྷིཏཝཱན྄།

4ཏཏཿ ཤཱརཱིརིཀཾ ནཱཙརིཏྭཱསྨཱབྷིརཱཏྨིཀམ྄ ཨཱཙརདྦྷིཪྻྱཝསྠཱགྲནྠེ ནིརྡྡིཥྚཱནི པུཎྱཀརྨྨཱཎི སཪྻྭཱཎི སཱདྷྱནྟེ།

5ཡེ ཤཱརཱིརིཀཱཙཱརིཎསྟེ ཤཱརཱིརིཀཱན྄ ཝིཥཡཱན྄ བྷཱཝཡནྟི ཡེ ཙཱཏྨིཀཱཙཱརིཎསྟེ ཨཱཏྨནོ ཝིཥཡཱན྄ བྷཱཝཡནྟི།

6ཤཱརཱིརིཀབྷཱཝསྱ ཕལཾ མྲྀཏྱུཿ ཀིཉྩཱཏྨིཀབྷཱཝསྱ ཕལེ ཛཱིཝནཾ ཤཱནྟིཤྩ།

7ཡཏཿ ཤཱརཱིརིཀབྷཱཝ ཨཱིཤྭརསྱ ཝིརུདྡྷཿ ཤཏྲུཏཱབྷཱཝ ཨེཝ ས ཨཱིཤྭརསྱ ཝྱཝསྠཱཡཱ ཨདྷཱིནོ ན བྷཝཏི བྷཝིཏུཉྩ ན ཤཀྣོཏི།

8ཨེཏསྨཱཏ྄ ཤཱརཱིརིཀཱཙཱརིཥུ ཏོཥྚུམ྄ ཨཱིཤྭརེཎ ན ཤཀྱཾ།

9ཀིནྟྭཱིཤྭརསྱཱཏྨཱ ཡདི ཡུཥྨཱཀཾ མདྷྱེ ཝསཏི ཏརྷི ཡཱུཡཾ ཤཱརཱིརིཀཱཙཱརིཎོ ན སནྟ ཨཱཏྨིཀཱཙཱརིཎོ བྷཝཐཿ། ཡསྨིན྄ ཏུ ཁྲཱིཥྚསྱཱཏྨཱ ན ཝིདྱཏེ ས ཏཏྶམྦྷཝོ ནཧི།

10ཡདི ཁྲཱིཥྚོ ཡུཥྨཱན྄ ཨདྷིཏིཥྛཏི ཏརྷི པཱཔམ྄ ཨུདྡིཤྱ ཤརཱིརཾ མྲྀཏཾ ཀིནྟུ པུཎྱམུདྡིཤྱཱཏྨཱ ཛཱིཝཏི།

11མྲྀཏགཎཱད྄ ཡཱིཤུ ཪྻེནོཏྠཱཔིཏསྟསྱཱཏྨཱ ཡདི ཡུཥྨནྨདྷྱེ ཝསཏི ཏརྷི མྲྀཏགཎཱཏ྄ ཁྲཱིཥྚསྱ ས ཨུཏྠཱཔཡིཏཱ ཡུཥྨནྨདྷྱཝཱསིནཱ སྭཀཱིཡཱཏྨནཱ ཡུཥྨཱཀཾ མྲྀཏདེཧཱནཔི པུན རྫཱིཝཡིཥྱཏི།

12ཧེ བྷྲཱཏྲྀགཎ ཤརཱིརསྱ ཝཡམདྷམརྞཱ ན བྷཝཱམོ྅ཏཿ ཤཱརཱིརིཀཱཙཱརོ྅སྨཱབྷི རྣ ཀརྟྟཝྱཿ།

13ཡདི ཡཱུཡཾ ཤརཱིརིཀཱཙཱརིཎོ བྷཝེཏ ཏརྷི ཡུཥྨཱབྷི རྨརྟྟཝྱམེཝ ཀིནྟྭཱཏྨནཱ ཡདི ཤརཱིརཀརྨྨཱཎི གྷཱཏཡེཏ ཏརྷི ཛཱིཝིཥྱཐ།

14ཡཏོ ཡཱཝནྟོ ལོཀཱ ཨཱིཤྭརསྱཱཏྨནཱཀྲྀཥྱནྟེ ཏེ སཪྻྭ ཨཱིཤྭརསྱ སནྟཱནཱ བྷཝནྟི།

15ཡཱུཡཾ པུནརཔི བྷཡཛནཀཾ དཱསྱབྷཱཝཾ ན པྲཱཔྟཱཿ ཀིནྟུ ཡེན བྷཱཝེནེཤྭརཾ པིཏཿ པིཏརིཏི པྲོཙྱ སམྦོདྷཡཐ ཏཱདྲྀཤཾ དཏྟཀཔུཏྲཏྭབྷཱཝམ྄ པྲཱཔྣུཏ།

16ཨཔརཉྩ ཝཡམ྄ ཨཱིཤྭརསྱ སནྟཱནཱ ཨེཏསྨིན྄ པཝིཏྲ ཨཱཏྨཱ སྭཡམ྄ ཨསྨཱཀམ྄ ཨཱཏྨཱབྷིཿ སཱརྡྡྷཾ པྲམཱཎཾ དདཱཏི།

17ཨཏཨེཝ ཝཡཾ ཡདི སནྟཱནཱསྟརྷྱདྷིཀཱརིཎཿ, ཨརྠཱད྄ ཨཱིཤྭརསྱ སྭཏྟྭཱདྷིཀཱརིཎཿ ཁྲཱིཥྚེན སཧཱདྷིཀཱརིཎཤྩ བྷཝཱམཿ; ཨཔརཾ ཏེན སཱརྡྡྷཾ ཡདི དུཿཁབྷཱགིནོ བྷཝཱམསྟརྷི ཏསྱ ཝིབྷཝསྱཱཔི བྷཱགིནོ བྷཝིཥྱཱམཿ།

18ཀིནྟྭསྨཱསུ ཡོ བྷཱཝཱིཝིབྷཝཿ པྲཀཱཤིཥྱཏེ ཏསྱ སམཱིཔེ ཝརྟྟམཱནཀཱལཱིནཾ དུཿཁམཧཾ ཏྲྀཎཱཡ མནྱེ།

19ཡཏཿ པྲཱཎིགཎ ཨཱིཤྭརསྱ སནྟཱནཱནཱཾ ཝིབྷཝཔྲཱཔྟིམ྄ ཨཱཀཱངྐྵན྄ ནིཏཱནྟམ྄ ཨཔེཀྵཏེ།

20ཨཔརཉྩ པྲཱཎིགཎཿ སྭཻརམ྄ ཨལཱིཀཏཱཡཱ ཝཤཱིཀྲྀཏོ ནཱབྷཝཏ྄

21ཀིནྟུ པྲཱཎིགཎོ྅པི ནཤྭརཏཱདྷཱིནཏྭཱཏ྄ མུཀྟཿ སན྄ ཨཱིཤྭརསྱ སནྟཱནཱནཱཾ པརམམུཀྟིཾ པྲཱཔྶྱཏཱིཏྱབྷིཔྲཱཡེཎ ཝཤཱིཀརྟྲཱ ཝཤཱིཙཀྲེ།

22ཨཔརཉྩ པྲསཱུཡམཱནཱཝད྄ ཝྱཐིཏཿ སན྄ ཨིདཱནཱིཾ ཡཱཝཏ྄ ཀྲྀཏྶྣཿ པྲཱཎིགཎ ཨཱརྟྟསྭརཾ ཀརོཏཱིཏི ཝཡཾ ཛཱནཱིམཿ།

23ཀེཝལཿ ས ཨིཏི ནཧི ཀིནྟུ པྲཐམཛཱཏཕལསྭརཱུཔམ྄ ཨཱཏྨཱནཾ པྲཱཔྟཱ ཝཡམཔི དཏྟཀཔུཏྲཏྭཔདཔྲཱཔྟིམ྄ ཨརྠཱཏ྄ ཤརཱིརསྱ མུཀྟིཾ པྲཏཱིཀྵམཱཎཱསྟདྭད྄ ཨནྟརཱརྟྟརཱཝཾ ཀུརྨྨཿ།

24ཝཡཾ པྲཏྱཱཤཡཱ ཏྲཱཎམ྄ ཨལབྷཱམཧི ཀིནྟུ པྲཏྱཀྵཝསྟུནོ ཡཱ པྲཏྱཱཤཱ སཱ པྲཏྱཱཤཱ ནཧི, ཡཏོ མནུཥྱོ ཡཏ྄ སམཱིཀྵཏེ ཏསྱ པྲཏྱཱཤཱཾ ཀུཏཿ ཀརིཥྱཏི?

25ཡད྄ ཨཔྲཏྱཀྵཾ ཏསྱ པྲཏྱཱཤཱཾ ཡདི ཝཡཾ ཀུཪྻྭཱིམཧི ཏརྷི དྷཻཪྻྱམ྄ ཨཝལམྦྱ པྲཏཱིཀྵཱམཧེ།

26ཏཏ ཨཱཏྨཱཔི སྭཡམ྄ ཨསྨཱཀཾ དུརྦྦལཏཱཡཱཿ སཧཱཡཏྭཾ ཀརོཏི; ཡཏཿ ཀིཾ པྲཱརྠིཏཝྱཾ ཏད྄ བོདྡྷུཾ ཝཡཾ ན ཤཀྣུམཿ, ཀིནྟྭསྤཥྚཻརཱརྟྟརཱཝཻརཱཏྨཱ སྭཡམ྄ ཨསྨནྣིམིཏྟཾ ནིཝེདཡཏི།

27ཨཔརམ྄ ཨཱིཤྭརཱབྷིམཏརཱུཔེཎ པཝིཏྲལོཀཱནཱཾ ཀྲྀཏེ ནིཝེདཡཏི ཡ ཨཱཏྨཱ ཏསྱཱབྷིཔྲཱཡོ྅ནྟཪྻྱཱམིནཱ ཛྙཱཡཏེ།

28ཨཔརམ྄ ཨཱིཤྭརཱིཡནིརཱུཔཎཱནུསཱརེཎཱཧཱུཏཱཿ སནྟོ ཡེ ཏསྨིན྄ པྲཱིཡནྟེ སཪྻྭཱཎི མིལིཏྭཱ ཏེཥཱཾ མངྒལཾ སཱདྷཡནྟི, ཨེཏད྄ ཝཡཾ ཛཱནཱིམཿ།

29ཡཏ ཨཱིཤྭརོ བཧུབྷྲཱཏྲྀཎཱཾ མདྷྱེ སྭཔུཏྲཾ ཛྱེཥྛཾ ཀརྟྟུམ྄ ཨིཙྪན྄ ཡཱན྄ པཱུཪྻྭཾ ལཀྵྱཱིཀྲྀཏཝཱན྄ ཏཱན྄ ཏསྱ པྲཏིམཱུརྟྱཱཿ སཱདྲྀཤྱཔྲཱཔྟྱརྠཾ ནྱཡུཾཀྟ།

30ཨཔརཉྩ ཏེན ཡེ ནིཡུཀྟཱསྟ ཨཱཧཱུཏཱ ཨཔི ཡེ ཙ ཏེནཱཧཱུཏཱསྟེ སཔུཎྱཱིཀྲྀཏཱཿ, ཡེ ཙ ཏེན སཔུཎྱཱིཀྲྀཏཱསྟེ ཝིབྷཝཡུཀྟཱཿ།

31ཨིཏྱཏྲ ཝཡཾ ཀིཾ བྲཱུམཿ? ཨཱིཤྭརོ ཡདྱསྨཱཀཾ སཔཀྵོ བྷཝཏི ཏརྷི ཀོ ཝིཔཀྵོ྅སྨཱཀཾ?

32ཨཱཏྨཔུཏྲཾ ན རཀྵིཏྭཱ ཡོ྅སྨཱཀཾ སཪྻྭེཥཱཾ ཀྲྀཏེ ཏཾ པྲདཏྟཝཱན྄ ས ཀིཾ ཏེན སཧཱསྨབྷྱམ྄ ཨནྱཱནི སཪྻྭཱཎི ན དཱསྱཏི?

33ཨཱིཤྭརསྱཱབྷིརུཙིཏེཥུ ཀེན དོཥ ཨཱརོཔཡིཥྱཏེ? ཡ ཨཱིཤྭརསྟཱན྄ པུཎྱཝཏ ཨིཝ གཎཡཏི ཀིཾ ཏེན?

34ཨཔརཾ ཏེབྷྱོ དཎྜདཱནཱཛྙཱ ཝཱ ཀེན ཀརིཥྱཏེ? ཡོ྅སྨནྣིམིཏྟཾ པྲཱཎཱན྄ ཏྱཀྟཝཱན྄ ཀེཝལཾ ཏནྣ ཀིནྟུ མྲྀཏགཎམདྷྱཱད྄ ཨུཏྠིཏཝཱན྄, ཨཔི ཙེཤྭརསྱ དཀྵིཎེ པཱརྴྭེ ཏིཥྛན྄ ཨདྱཱཔྱསྨཱཀཾ ནིམིཏྟཾ པྲཱརྠཏ ཨེཝམྦྷཱུཏོ ཡཿ ཁྲཱིཥྚཿ ཀིཾ ཏེན?

35ཨསྨཱབྷིཿ སཧ ཁྲཱིཥྚསྱ པྲེམཝིཙྪེདཾ ཛནཡིཏུཾ ཀཿ ཤཀྣོཏི? ཀླེཤོ ཝྱསནཾ ཝཱ ཏཱཌནཱ ཝཱ དུརྦྷིཀྵཾ ཝཱ ཝསྟྲཧཱིནཏྭཾ ཝཱ པྲཱཎསཾཤཡོ ཝཱ ཁངྒོ ཝཱ ཀིམེཏཱནི ཤཀྣུཝནྟི?

36ཀིནྟུ ལིཁིཏམ྄ ཨཱསྟེ, ཡཐཱ, ཝཡཾ ཏཝ ནིམིཏྟཾ སྨོ མྲྀཏྱུཝཀྟྲེ྅ཁིལཾ དིནཾ། བལིརྡེཡོ ཡཐཱ མེཥོ ཝཡཾ གཎྱཱམཧེ ཏཐཱ།

37ཨཔརཾ ཡོ྅སྨཱསུ པྲཱིཡཏེ ཏེནཻཏཱསུ ཝིཔཏྶུ ཝཡཾ སམྱག྄ ཝིཛཡཱམཧེ།

38ཡཏོ྅སྨཱཀཾ པྲབྷུནཱ ཡཱིཤུཁྲཱིཥྚེནེཤྭརསྱ ཡཏ྄ པྲེམ ཏསྨཱད྄ ཨསྨཱཀཾ ཝིཙྪེདཾ ཛནཡིཏུཾ མྲྀཏྱུ རྫཱིཝནཾ ཝཱ དིཝྱདཱུཏཱ ཝཱ བལཝནྟོ མུཁྱདཱུཏཱ ཝཱ ཝརྟྟམཱནོ ཝཱ བྷཝིཥྱན྄ ཀཱལོ ཝཱ ཨུཙྩཔདཾ ཝཱ ནཱིཙཔདཾ ཝཱཔརཾ ཀིམཔི སྲྀཥྚཝསྟུ

39ཝཻཏེཥཱཾ ཀེནཱཔི ན ཤཀྱམིཏྱསྨིན྄ དྲྀཌྷཝིཤྭཱསོ མམཱསྟེ།