Sanskrit Bible (NT) in Tibetan Script (སཏྱཝེདཿ།)
རོམིཎཿ 7
ཧེ བྷྲཱཏྲྀགཎ ཝྱཝསྠཱཝིདཿ པྲཏི མམེདཾ ནིཝེདནཾ། ཝིདྷིཿ ཀེཝལཾ ཡཱཝཛྫཱིཝཾ མཱནཝོཔཪྻྱདྷིཔཏིཏྭཾ ཀརོཏཱིཏི ཡཱུཡཾ ཀིཾ ན ཛཱནཱིཐ?
ཡཱཝཏྐཱལཾ པཏི རྫཱིཝཏི ཏཱཝཏྐཱལམ྄ ཨཱུཌྷཱ བྷཱཪྻྱཱ ཝྱཝསྠཡཱ ཏསྨིན྄ བདྡྷཱ ཏིཥྛཏི ཀིནྟུ ཡདི པཏི རྨྲིཡཏེ ཏརྷི སཱ ནཱརཱི པཏྱུ ཪྻྱཝསྠཱཏོ མུཙྱཏེ།
ཨེཏཏྐཱརཎཱཏ྄ པཏྱུརྫཱིཝནཀཱལེ ནཱརཱི ཡདྱནྱཾ པུརུཥཾ ཝིཝཧཏི ཏརྷི སཱ ཝྱབྷིཙཱརིཎཱི བྷཝཏི ཀིནྟུ ཡདི ས པཏི རྨྲིཡཏེ ཏརྷི སཱ ཏསྱཱ ཝྱཝསྠཱཡཱ མུཀྟཱ སཏཱི པུརུཥཱནྟརེཎ ཝྱཱུཌྷཱཔི ཝྱབྷིཙཱརིཎཱི ན བྷཝཏི།
ཧེ མམ བྷྲཱཏྲྀགཎ, ཨཱིཤྭརནིམིཏྟཾ ཡདསྨཱཀཾ ཕལཾ ཛཱཡཏེ ཏདརྠཾ ཤྨཤཱནཱད྄ ཨུཏྠཱཔིཏེན པུརུཥེཎ སཧ ཡུཥྨཱཀཾ ཝིཝཱཧོ ཡད྄ བྷཝེཏ྄ ཏདརྠཾ ཁྲཱིཥྚསྱ ཤརཱིརེཎ ཡཱུཡཾ ཝྱཝསྠཱཾ པྲཏི མྲྀཏཝནྟཿ།
ཡཏོ྅སྨཱཀཾ ཤཱརཱིརིཀཱཙརཎསམཡེ མརཎནིམིཏྟཾ ཕལམ྄ ཨུཏྤཱདཡིཏུཾ ཝྱཝསྠཡཱ དཱུཥིཏཿ པཱཔཱབྷིལཱཥོ྅སྨཱཀམ྄ ཨངྒེཥུ ཛཱིཝན྄ ཨཱསཱིཏ྄།
ཀིནྟུ ཏདཱ ཡསྱཱ ཝྱཝསྠཱཡཱ ཝཤེ ཨཱསྨཧི སཱམྤྲཏཾ ཏཱཾ པྲཏི མྲྀཏཏྭཱད྄ ཝཡཾ ཏསྱཱ ཨདྷཱིནཏྭཱཏ྄ མུཀྟཱ ཨིཏི ཧེཏོརཱིཤྭརོ྅སྨཱབྷིཿ པུརཱཏནལིཁིཏཱནུསཱརཱཏ྄ ན སེཝིཏཝྱཿ ཀིནྟུ ནཝཱིནསྭབྷཱཝེནཻཝ སེཝིཏཝྱཿ
ཏརྷི ཝཡཾ ཀིཾ བྲཱུམཿ? ཝྱཝསྠཱ ཀིཾ པཱཔཛནིཀཱ བྷཝཏི? ནེཏྠཾ བྷཝཏུ། ཝྱཝསྠཱམ྄ ཨཝིདྱམཱནཱཡཱཾ པཱཔཾ ཀིམ྄ ཨིཏྱཧཾ ནཱཝེདཾ; ཀིཉྩ ལོབྷཾ མཱ ཀཱརྵཱིརིཏི ཙེད྄ ཝྱཝསྠཱགྲནྠེ ལིཁིཏཾ ནཱབྷཝིཥྱཏ྄ ཏརྷི ལོབྷཿ ཀིམྦྷཱུཏསྟདཧཾ ནཱཛྙཱསྱཾ།
ཀིནྟུ ཝྱཝསྠཡཱ པཱཔཾ ཚིདྲཾ པྲཱཔྱཱསྨཱཀམ྄ ཨནྟཿ སཪྻྭཝིདྷཾ ཀུཏྶིཏཱབྷིལཱཥམ྄ ཨཛནཡཏ྄; ཡཏོ ཝྱཝསྠཱཡཱམ྄ ཨཝིདྱམཱནཱཡཱཾ པཱཔཾ མྲྀཏཾ།
ཨཔརཾ པཱུཪྻྭཾ ཝྱཝསྠཱཡཱམ྄ ཨཝིདྱམཱནཱཡཱམ྄ ཨཧམ྄ ཨཛཱིཝཾ ཏཏཿ པརམ྄ ཨཱཛྙཱཡཱམ྄ ཨུཔསྠིཏཱཡཱམ྄ པཱཔམ྄ ཨཛཱིཝཏ྄ ཏདཱཧམ྄ ཨམྲིཡེ།
ཨིཏྠཾ སཏི ཛཱིཝནནིམིཏྟཱ ཡཱཛྙཱ སཱ མམ མྲྀཏྱུཛནིཀཱབྷཝཏ྄།
ཡཏཿ པཱཔཾ ཚིདྲཾ པྲཱཔྱ ཝྱཝསྠིཏཱདེཤེན མཱཾ ཝཉྩཡིཏྭཱ ཏེན མཱམ྄ ཨཧན྄།
ཨཏཨེཝ ཝྱཝསྠཱ པཝིཏྲཱ, ཨཱདེཤཤྩ པཝིཏྲོ ནྱཱཡྻོ ཧིཏཀཱརཱི ཙ བྷཝཏི།
ཏརྷི ཡཏ྄ སྭཡཾ ཧིཏཀྲྀཏ྄ ཏཏ྄ ཀིཾ མམ མྲྀཏྱུཛནཀམ྄ ཨབྷཝཏ྄? ནེཏྠཾ བྷཝཏུ; ཀིནྟུ པཱཔཾ ཡཏ྄ པཱཏཀམིཝ པྲཀཱཤཏེ ཏཐཱ ནིདེཤེན པཱཔཾ ཡདཏཱིཝ པཱཏཀམིཝ པྲཀཱཤཏེ ཏདརྠཾ ཧིཏོཔཱཡེན མམ མརཎམ྄ ཨཛནཡཏ྄།
ཝྱཝསྠཱཏྨབོདྷིཀེཏི ཝཡཾ ཛཱནཱིམཿ ཀིནྟྭཧཾ ཤཱརཱིརཏཱཙཱརཱི པཱཔསྱ ཀྲཱིཏཀིངྐརོ ཝིདྱེ།
ཡཏོ ཡཏ྄ ཀརྨྨ ཀརོམི ཏཏ྄ མམ མནོ྅བྷིམཏཾ ནཧི; ཨཔརཾ ཡན྄ མམ མནོ྅བྷིམཏཾ ཏནྣ ཀརོམི ཀིནྟུ ཡད྄ ཨྲྀཏཱིཡེ ཏཏ྄ ཀརོམི།
ཏཐཱཏྭེ ཡན྄ མམཱནབྷིམཏཾ ཏད྄ ཡདི ཀརོམི ཏརྷི ཝྱཝསྠཱ སཱུཏྟམེཏི སྭཱིཀརོམི།
ཨཏཨེཝ སམྤྲཏི ཏཏ྄ ཀརྨྨ མཡཱ ཀྲིཡཏ ཨིཏི ནཧི ཀིནྟུ མམ ཤརཱིརསྠེན པཱཔེནཻཝ ཀྲིཡཏེ།
ཡཏོ མཡི, ཨརྠཏོ མམ ཤརཱིརེ, ཀིམཔྱུཏྟམཾ ན ཝསཏི, ཨེཏད྄ ཨཧཾ ཛཱནཱམི; མམེཙྪུཀཏཱཡཱཾ ཏིཥྛནྟྱཱམཔྱཧམ྄ ཨུཏྟམཀརྨྨསཱདྷནེ སམརྠོ ན བྷཝཱམི།
ཡཏོ ཡཱམུཏྟམཱཾ ཀྲིཡཱཾ ཀརྟྟུམཧཾ ཝཱཉྪཱམི ཏཱཾ ན ཀརོམི ཀིནྟུ ཡཏ྄ ཀུཏྶིཏཾ ཀརྨྨ ཀརྟྟུམ྄ ཨནིཙྪུཀོ྅སྨི ཏདེཝ ཀརོམི།
ཨཏཨེཝ ཡདྱཏ྄ ཀརྨྨ ཀརྟྟུཾ མམེཙྪཱ ན བྷཝཏི ཏད྄ ཡདི ཀརོམི ཏརྷི ཏཏ྄ མཡཱ ན ཀྲིཡཏེ, མམཱནྟཪྻརྟྟིནཱ པཱཔེནཻཝ ཀྲིཡཏེ།
བྷདྲཾ ཀརྟྟུམ྄ ཨིཙྪུཀཾ མཱཾ ཡོ ྅བྷདྲཾ ཀརྟྟུཾ པྲཝརྟྟཡཏི ཏཱདྲྀཤཾ སྭབྷཱཝམེཀཾ མཡི པཤྱཱམི།
ཨཧམ྄ ཨཱནྟརིཀཔུརུཥེཎེཤྭརཝྱཝསྠཱཡཱཾ སནྟུཥྚ ཨཱསེ;
ཀིནྟུ ཏདྭིཔརཱིཏཾ ཡུདྷྱནྟཾ ཏདནྱམེཀཾ སྭབྷཱཝཾ མདཱིཡཱངྒསྠིཏཾ པྲཔཤྱཱམི, ས མདཱིཡཱངྒསྠིཏཔཱཔསྭབྷཱཝསྱཱཡཏྟཾ མཱཾ ཀརྟྟུཾ ཙེཥྚཏེ།
ཧཱ ཧཱ ཡོ྅ཧཾ དུརྦྷཱགྱོ མནུཛསྟཾ མཱམ྄ ཨེཏསྨཱན྄ མྲྀཏཱཙྪརཱིརཱཏ྄ ཀོ ནིསྟཱརཡིཥྱཏི?
ཨསྨཱཀཾ པྲབྷུཎཱ ཡཱིཤུཁྲཱིཥྚེན ནིསྟཱརཡིཏཱརམ྄ ཨཱིཤྭརཾ དྷནྱཾ ཝདཱམི། ཨཏཨེཝ ཤརཱིརེཎ པཱཔཝྱཝསྠཱཡཱ མནསཱ ཏུ ཨཱིཤྭརཝྱཝསྠཱཡཱཿ སེཝནཾ ཀརོམི།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.