Sanskrit Bible (NT) in Tibetan Script (སཏྱཝེདཿ།)
ཕིལིཔིནཿ 4
ཧེ མདཱིཡཱནནྡམུཀུཊསྭརཱུཔཱཿ པྲིཡཏམཱ ཨབྷཱིཥྚཏམཱ བྷྲཱཏརཿ, ཧེ མམ སྣེཧཔཱཏྲཱཿ, ཡཱུཡམ྄ ཨིཏྠཾ པབྷཽ སྠིརཱསྟིཥྛཏ།
ཧེ ཨིཝདིཡེ ཧེ སུནྟུཁི ཡུཝཱཾ པྲབྷཽ ཨེཀབྷཱཝེ བྷཝཏམ྄ ཨེཏད྄ ཨཧཾ པྲཱརྠཡེ།
ཧེ མམ སཏྱ སཧཀཱརིན྄ ཏྭཱམཔི ཝིནཱིཡ ཝདཱམི ཨེཏཡོརུཔཀཱརསྟྭཡཱ ཀྲིཡཏཱཾ ཡཏསྟེ ཀླཱིམིནཱདིབྷིཿ སཧཀཱརིབྷིཿ སཱརྡྡྷཾ སུསཾཝཱདཔྲཙཱརཎཱཡ མམ སཱཧཱཡྻཱརྠཾ པརིཤྲམམ྄ ཨཀུཪྻྭཏཱཾ ཏེཥཱཾ སཪྻྭེཥཱཾ ནཱམཱནི ཙ ཛཱིཝནཔུསྟཀེ ལིཁིཏཱནི ཝིདྱནྟེ།
ཡཱུཡཾ པྲབྷཽ སཪྻྭདཱནནྡཏ། པུན ཪྻདཱམི ཡཱུཡམ྄ ཨཱནནྡཏ།
ཡུཥྨཱཀཾ ཝིནཱིཏཏྭཾ སཪྻྭམཱནཝཻ རྫྙཱཡཏཱཾ, པྲབྷུཿ སནྣིདྷཽ ཝིདྱཏེ།
ཡཱུཡཾ ཀིམཔི ན ཙིནྟཡཏ ཀིནྟུ དྷནྱཝཱདཡུཀྟཱབྷྱཱཾ པྲཱརྠནཱཡཱཉྩཱབྷྱཱཾ སཪྻྭཝིཥཡེ སྭཔྲཱརྠནཱིཡམ྄ ཨཱིཤྭརཱཡ ནིཝེདཡཏ།
ཏཐཱ ཀྲྀཏ ཨཱིཤྭརཱིཡཱ ཡཱ ཤཱནྟིཿ སཪྻྭཱཾ བུདྡྷིམ྄ ཨཏིཤེཏེ སཱ ཡུཥྨཱཀཾ ཙིཏྟཱནི མནཱཾསི ཙ ཁྲཱིཥྚེ ཡཱིཤཽ རཀྵིཥྱཏི།
ཧེ བྷྲཱཏརཿ, ཤེཥེ ཝདཱམི ཡདྱཏ྄ སཏྱམ྄ ཨཱདརཎཱིཡཾ ནྱཱཡྻཾ སཱདྷུ པྲིཡཾ སུཁྱཱཏམ྄ ཨནྱེཎ ཡེན ཀེནཙིཏ྄ པྲཀཱརེཎ ཝཱ གུཎཡུཀྟཾ པྲཤཾསནཱིཡཾ ཝཱ བྷཝཏི ཏཏྲཻཝ མནཱཾསི ནིདྷདྷྭཾ།
ཡཱུཡཾ མཱཾ དྲྀཥྚྭཱ ཤྲུཏྭཱ ཙ ཡདྱཏ྄ ཤིཀྵིཏཝནྟོ གྲྀཧཱིཏཝནྟཤྩ ཏདེཝཱཙརཏ ཏསྨཱཏ྄ ཤཱནྟིདཱཡཀ ཨཱིཤྭརོ ཡུཥྨཱབྷིཿ སཱརྡྡྷཾ སྠཱསྱཏི།
མམོཔཀཱརཱཡ ཡུཥྨཱཀཾ ཡཱ ཙིནྟཱ པཱུཪྻྭམ྄ ཨཱསཱིཏ྄ ཀིནྟུ ཀརྨྨདྭཱརཾ ན པྲཱཔྣོཏ྄ ཨིདཱནཱིཾ སཱ པུནརཕལཏ྄ ཨིཏྱསྨིན྄ པྲབྷཽ མམ པརམཱཧླཱདོ྅ཛཱཡཏ།
ཨཧཾ ཡད྄ དཻནྱཀཱརཎཱད྄ ཨིདཾ ཝདཱམི ཏནྣཧི ཡཏོ མམ ཡཱ ཀཱཙིད྄ ཨཝསྠཱ བྷཝེཏ྄ ཏསྱཱཾ སནྟོཥྚུམ྄ ཨཤིཀྵཡཾ།
དརིདྲཏཱཾ བྷོཀྟུཾ ཤཀྣོམི དྷནཱཌྷྱཏཱམ྄ ཨཔི བྷོཀྟུཾ ཤཀྣོམི སཪྻྭཐཱ སཪྻྭཝིཥཡེཥུ ཝིནཱིཏོ྅ཧཾ པྲཙུརཏཱཾ ཀྵུདྷཱཉྩ དྷནཾ དཻནྱཉྩཱཝགཏོ྅སྨི།
མམ ཤཀྟིདཱཡཀེན ཁྲཱིཥྚེན སཪྻྭམེཝ མཡཱ ཤཀྱཾ བྷཝཏི།
ཀིནྟུ ཡུཥྨཱབྷི རྡཻནྱནིཝཱརཎཱཡ མཱམ྄ ཨུཔཀྲྀཏྱ སཏྐརྨྨཱཀཱརི།
ཧེ ཕིལིཔཱིཡལོཀཱཿ, སུསཾཝཱདསྱོདཡཀཱལེ ཡདཱཧཾ མཱཀིདནིཡཱདེཤཱཏ྄ པྲཏིཥྛེ ཏདཱ ཀེཝལཱན྄ ཡུཥྨཱན྄ ཝིནཱཔརཡཱ ཀཡཱཔི སམིཏྱཱ སཧ དཱནཱདཱནཡོ རྨམ ཀོ྅པི སམྦནྡྷོ ནཱསཱིད྄ ཨིཏི ཡཱུཡམཔི ཛཱནཱིཐ།
ཡཏོ ཡུཥྨཱབྷི རྨམ པྲཡོཛནཱཡ ཐིཥལནཱིཀཱིནགརམཔི མཱཾ པྲཏི པུནཿ པུནརྡཱནཾ པྲེཥིཏཾ།
ཨཧཾ ཡད྄ དཱནཾ མྲྀགཡེ ཏནྣཧི ཀིནྟུ ཡུཥྨཱཀཾ ལཱབྷཝརྡྡྷཀཾ ཕལཾ མྲྀགཡེ།
ཀིནྟུ མམ ཀསྱཱཔྱབྷཱཝོ ནཱསྟི སཪྻྭཾ པྲཙུརམ྄ ཨཱསྟེ ཡཏ ཨཱིཤྭརསྱ གྲཱཧྱཾ ཏུཥྚིཛནཀཾ སུགནྡྷིནཻཝེདྱསྭརཱུཔཾ ཡུཥྨཱཀཾ དཱནཾ ཨིཔཱཕྲདིཏཱད྄ གྲྀཧཱིཏྭཱཧཾ པརིཏྲྀཔྟོ྅སྨི།
མམེཤྭརོ྅པི ཁྲཱིཥྚེན ཡཱིཤུནཱ སྭཀཱིཡཝིབྷཝནིདྷིཏཿ པྲཡོཛནཱིཡཾ སཪྻྭཝིཥཡཾ པཱུརྞརཱུཔཾ ཡུཥྨབྷྱཾ དེཡཱཏ྄།
ཨསྨཱཀཾ པིཏུརཱིཤྭརསྱ དྷནྱཝཱདོ྅ནནྟཀཱལཾ ཡཱཝད྄ བྷཝཏུ། ཨཱམེན྄།
ཡཱུཡཾ ཡཱིཤུཁྲཱིཥྚསྱཻཀཻཀཾ པཝིཏྲཛནཾ ནམསྐུརུཏ། མམ སངྒིབྷྲཱཏརོ ཡཱུཥྨཱན྄ ནམསྐུཪྻྭཏེ།
སཪྻྭེ པཝིཏྲལོཀཱ ཝིཤེཥཏཿ ཀཻསརསྱ པརིཛནཱ ཡུཥྨཱན྄ ནམསྐུཪྻྭཏེ།
ཨསྨཱཀཾ པྲབྷོ ཪྻཱིཤུཁྲཱིཥྚསྱ པྲསཱདཿ སཪྻྭཱན྄ ཡུཥྨཱན྄ པྲཏི བྷཱུཡཱཏ྄། ཨཱམེན྄།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.