Sanskrit Bible (NT) in Tibetan Script (སཏྱཝེདཿ།)
ཕིལོམོནཿ 1
ཁྲཱིཥྚསྱ ཡཱིཤོ རྦནྡིདཱསཿ པཽལསྟཱིཐིཡནཱམཱ བྷྲཱཏཱ ཙ པྲིཡཾ སཧཀཱརིཎཾ ཕིལཱིམོནཾ
པྲིཡཱམ྄ ཨཱཔྤིཡཱཾ སཧསེནཱམ྄ ཨཱརྑིཔྤཾ ཕིལཱིམོནསྱ གྲྀཧེ སྠིཏཱཾ སམིཏིཉྩ པྲཏི པཏྲཾ ལིཁཏཿ།
ཨསྨཱཀཾ ཏཱཏ ཨཱིཤྭརཿ པྲབྷུ ཪྻཱིཤུཁྲཱིཥྚཤྩ ཡུཥྨཱན྄ པྲཏི ཤཱནྟིམ྄ ཨནུགྲཧཉྩ ཀྲིཡཱསྟཱཾ།
པྲབྷུཾ ཡཱིཤུཾ པྲཏི སཪྻྭཱན྄ པཝིཏྲལོཀཱན྄ པྲཏི ཙ ཏཝ པྲེམཝིཤྭཱསཡོ ཪྻྲྀཏྟཱནྟཾ ནིཤམྱཱཧཾ
པྲཱརྠནཱསམཡེ ཏཝ ནཱམོཙྩཱརཡན྄ ནིརནྟརཾ མམེཤྭརཾ དྷནྱཾ ཝདཱམི།
ཨསྨཱསུ ཡདྱཏ྄ སཽཛནྱཾ ཝིདྱཏེ ཏཏ྄ སཪྻྭཾ ཁྲཱིཥྚཾ ཡཱིཤུཾ ཡཏ྄ པྲཏི བྷཝཏཱིཏི ཛྙཱནཱཡ ཏཝ ཝིཤྭཱསམཱུལིཀཱ དཱནཤཱིལཏཱ ཡཏ྄ སཕལཱ བྷཝེཏ྄ ཏདཧམ྄ ཨིཙྪཱམི།
ཧེ བྷྲཱཏཿ, ཏྭཡཱ པཝིཏྲལོཀཱནཱཾ པྲཱཎ ཨཱཔྱཱཡིཏཱ ཨབྷཝན྄ ཨེཏསྨཱཏ྄ ཏཝ པྲེམྣཱསྨཱཀཾ མཧཱན྄ ཨཱནནྡཿ སཱནྟྭནཱ ཙ ཛཱཏཿ།
ཏྭཡཱ ཡཏ྄ ཀརྟྟཝྱཾ ཏཏ྄ ཏྭཱམ྄ ཨཱཛྙཱཔཡིཏུཾ ཡདྱཔྱཧཾ ཁྲཱིཥྚེནཱཏཱིཝོཏྶུཀོ བྷཝེཡཾ ཏཐཱཔི ཝྲྀདྡྷ
ཨིདཱནཱིཾ ཡཱིཤུཁྲཱིཥྚསྱ བནྡིདཱསཤྩཻཝམྦྷཱུཏོ ཡཿ པཽལཿ སོ྅ཧཾ ཏྭཱཾ ཝིནེཏུཾ ཝརཾ མནྱེ།
ཨཏཿ ཤྲྀངྑལབདྡྷོ྅ཧཾ ཡམཛནཡཾ ཏཾ མདཱིཡཏནཡམ྄ ཨོནཱིཥིམམ྄ ཨདྷི ཏྭཱཾ ཝིནཡེ།
ས པཱུཪྻྭཾ ཏཝཱནུཔཀཱརཀ ཨཱསཱིཏ྄ ཀིནྟྭིདཱནཱིཾ ཏཝ མམ ཙོཔཀཱརཱི བྷཝཏི།
ཏམེཝཱཧཾ ཏཝ སམཱིཔཾ པྲེཥཡཱམི, ཨཏོ མདཱིཡཔྲཱཎསྭརཱུཔཿ ས ཏྭཡཱནུགྲྀཧྱཏཱཾ།
སུསཾཝཱདསྱ ཀྲྀཏེ ཤྲྀངྑལབདྡྷོ྅ཧཾ པརིཙཱརཀམིཝ ཏཾ སྭསནྣིདྷཽ ཝརྟྟཡིཏུམ྄ ཨཻཙྪཾ།
ཀིནྟུ ཏཝ སཽཛནྱཾ ཡད྄ བལེན ན བྷཱུཏྭཱ སྭེཙྪཱཡཱཿ ཕལཾ བྷཝེཏ྄ ཏདརྠཾ ཏཝ སམྨཏིཾ ཝིནཱ ཀིམཔི ཀརྟྟཝྱཾ ནཱམནྱེ།
ཀོ ཛཱནཱཏི ཀྵཎཀཱལཱརྠཾ ཏྭཏྟསྟསྱ ཝིཙྪེདོ྅བྷཝད྄ ཨེཏསྱཱཡམ྄ ཨབྷིཔྲཱཡོ ཡཏ྄ ཏྭམ྄ ཨནནྟཀཱལཱརྠཾ ཏཾ ལཔྶྱསེ
པུན རྡཱསམིཝ ལཔྶྱསེ ཏནྣཧི ཀིནྟུ དཱསཱཏ྄ ཤྲེཥྛཾ མམ པྲིཡཾ ཏཝ ཙ ཤཱརཱིརིཀསམྦནྡྷཱཏ྄ པྲབྷུསམྦནྡྷཱཙྩ ཏཏོ྅དྷིཀཾ པྲིཡཾ བྷྲཱཏརམིཝ།
ཨཏོ ཧེཏོ ཪྻདི མཱཾ སཧབྷཱགིནཾ ཛཱནཱསི ཏརྷི མཱམིཝ ཏམནུགྲྀཧཱཎ།
ཏེན ཡདི ཏཝ ཀིམཔྱཔརཱདྡྷཾ ཏུབྷྱཾ ཀིམཔི དྷཱཪྻྱཏེ ཝཱ ཏརྷི ཏཏ྄ མམེཏི ཝིདིཏྭཱ གཎཡ།
ཨཧཾ ཏཏ྄ པརིཤོཏྶྱཱམི, ཨེཏཏ྄ པཽལོ྅ཧཾ སྭཧསྟེན ལིཁཱམི, ཡཏསྟྭཾ སྭཔྲཱཎཱན྄ ཨཔི མཧྱཾ དྷཱརཡསི ཏད྄ ཝཀྟུཾ ནེཙྪཱམི།
བྷོ བྷྲཱཏཿ, པྲབྷོཿ ཀྲྀཏེ མམ ཝཱཉྪཱཾ པཱུརཡ ཁྲཱིཥྚསྱ ཀྲྀཏེ མམ པྲཱཎཱན྄ ཨཱཔྱཱཡཡ།
ཏཝཱཛྙཱགྲཱཧིཏྭེ ཝིཤྭསྱ མཡཱ ཨེཏཏ྄ ལིཁྱཏེ མཡཱ ཡདུཙྱཏེ ཏཏོ྅དྷིཀཾ ཏྭཡཱ ཀཱརིཥྱཏ ཨིཏི ཛཱནཱམི།
ཏཏྐརཎསམཡེ མདརྠམཔི ཝཱསགྲྀཧཾ ཏྭཡཱ སཛྫཱིཀྲིཡཏཱཾ ཡཏོ ཡུཥྨཱཀཾ པྲཱརྠནཱནཱཾ ཕལརཱུཔོ ཝར ཨིཝཱཧཾ ཡུཥྨབྷྱཾ དཱཡིཥྱེ མམེཏི པྲཏྱཱཤཱ ཛཱཡཏེ།
ཁྲཱིཥྚསྱ ཡཱིཤཱཿ ཀྲྀཏེ མཡཱ སཧ བནྡིརིཔཱཕྲཱ
མམ སཧཀཱརིཎོ མཱརྐ ཨཱརིཥྚཱརྑོ དཱིམཱ ལཱུཀཤྩ ཏྭཱཾ ནམསྐཱརཾ ཝེདཡནྟི།
ཨསྨཱཀཾ པྲབྷོ ཪྻཱིཤུཁྲཱིཥྚསྱཱནུགྲཧོ ཡུཥྨཱཀམ྄ ཨཱཏྨནཱ སཧ བྷཱུཡཱཏ྄། ཨཱམེན྄།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.