Sanskrit Bible (NT) in Tibetan Script (སཏྱཝེདཿ།)
༡ ཀརིནྠིནཿ 16
པཝིཏྲལོཀཱནཱཾ ཀྲྀཏེ ཡོ྅རྠསཾགྲཧསྟམདྷི གཱལཱཏཱིཡདེཤསྱ སམཱཛཱ མཡཱ ཡད྄ ཨཱདིཥྚཱསྟད྄ ཡུཥྨཱབྷིརཔི ཀྲིཡཏཱཾ།
མམཱགམནཀཱལེ ཡད྄ ཨརྠསཾགྲཧོ ན བྷཝེཏ྄ ཏནྣིམིཏྟཾ ཡུཥྨཱཀམེཀཻཀེན སྭསམྤདཱནུསཱརཱཏ྄ སཉྩཡཾ ཀྲྀཏྭཱ སཔྟཱཧསྱ པྲཐམདིཝསེ སྭསམཱིཔེ ཀིཉྩིཏ྄ ནིཀྵིཔྱཏཱཾ།
ཏཏོ མམཱགམནསམཡེ ཡཱུཡཾ ཡཱནེཝ ཝིཤྭཱསྱཱ ཨིཏི ཝེདིཥྱཐ ཏེབྷྱོ྅ཧཾ པཏྲཱཎི དཏྟྭཱ ཡུཥྨཱཀཾ ཏདྡཱནསྱ ཡིརཱུཤཱལམཾ ནཡནཱརྠཾ ཏཱན྄ པྲེཥཡིཥྱཱམི།
ཀིནྟུ ཡདི ཏཏྲ མམཱཔི གམནམ྄ ཨུཙིཏཾ བྷཝེཏ྄ ཏརྷི ཏེ མཡཱ སཧ ཡཱསྱནྟི།
སཱམྤྲཏཾ མཱཀིདནིཡཱདེཤམཧཾ པཪྻྱཊཱམི ཏཾ པཪྻྱཊྱ ཡུཥྨཏྶམཱིཔམ྄ ཨཱགམིཥྱཱམི།
ཨནནྟརཾ ཀིཾ ཛཱནཱམི ཡུཥྨཏྶནྣིདྷིམ྄ ཨཝསྠཱསྱེ ཤཱིཏཀཱལམཔི ཡཱཔཡིཥྱཱམི ཙ པཤྩཱཏ྄ མམ ཡཏ྄ སྠཱནཾ གནྟཝྱཾ ཏཏྲཻཝ ཡུཥྨཱབྷིརཧཾ པྲེརཡིཏཝྱཿ།
ཡཏོ྅ཧཾ ཡཱཏྲཱཀཱལེ ཀྵཎམཱཏྲཾ ཡུཥྨཱན྄ དྲཥྚུཾ ནེཙྪཱམི ཀིནྟུ པྲབྷུ ཪྻདྱནུཛཱནཱིཡཱཏ྄ ཏརྷི ཀིཉྩིད྄ དཱིརྒྷཀཱལཾ ཡུཥྨཏྶམཱིཔེ པྲཝསྟུམ྄ ཨིཙྪཱམི།
ཏཐཱཔི ནིསྟཱརོཏྶཝཱཏ྄ པརཾ པཉྩཱཤཏྟམདིནཾ ཡཱཝད྄ ཨིཕིཥཔུཪྻྱཱཾ སྠཱསྱཱམི།
ཡསྨཱད྄ ཨཏྲ ཀཱཪྻྱསཱདྷནཱརྠཾ མམཱནྟིཀེ བྲྀཧད྄ དྭཱརཾ མུཀྟཾ བཧཝོ ཝིཔཀྵཱ ཨཔི ཝིདྱནྟེ།
ཏིམཐི ཪྻདི ཡུཥྨཱཀཾ སམཱིཔམ྄ ཨཱགཙྪེཏ྄ ཏརྷི ཡེན ནིརྦྷཡཾ ཡུཥྨནྨདྷྱེ ཝརྟྟེཏ ཏཏྲ ཡུཥྨཱབྷི རྨནོ ནིདྷཱིཡཏཱཾ ཡསྨཱད྄ ཨཧཾ ཡཱདྲྀཀ྄ སོ྅པི ཏཱདྲྀཀ྄ པྲབྷོཿ ཀརྨྨཎེ ཡཏཏེ།
ཀོ྅པི ཏཾ པྲཏྱནཱདརཾ ན ཀརོཏུ ཀིནྟུ ས མམཱནྟིཀཾ ཡད྄ ཨཱགནྟུཾ ཤཀྣུཡཱཏ྄ ཏདརྠཾ ཡུཥྨཱབྷིཿ སཀུཤལཾ པྲེཥྱཏཱཾ། བྷྲཱཏྲྀབྷིཿ སཱརྡྡྷམཧཾ ཏཾ པྲཏཱིཀྵེ།
ཨཱཔལླུཾ བྷྲཱཏརམདྷྱཧཾ ནིཝེདཡཱམི བྷྲཱཏྲྀབྷིཿ སཱཀཾ སོ྅པི ཡད྄ ཡུཥྨཱཀཾ སམཱིཔཾ ཝྲཛེཏ྄ ཏདརྠཾ མཡཱ ས པུནཿ པུནཪྻཱཙིཏཿ ཀིནྟྭིདཱནཱིཾ གམནཾ སཪྻྭཐཱ ཏསྨཻ ནཱརོཙཏ, ཨིཏཿཔརཾ སུསམཡཾ པྲཱཔྱ ས གམིཥྱཏི།
ཡཱུཡཾ ཛཱགྲྀཏ ཝིཤྭཱསེ སུསྠིརཱ བྷཝཏ པཽརུཥཾ པྲཀཱཤཡཏ བལཝནྟོ བྷཝཏ།
ཡུཥྨཱབྷིཿ སཪྻྭཱཎི ཀརྨྨཱཎི པྲེམྣཱ ནིཥྤཱདྱནྟཱཾ།
ཧེ བྷྲཱཏརཿ, ཨཧཾ ཡུཥྨཱན྄ ཨིདམ྄ ཨབྷིཡཱཙེ སྟིཕཱནསྱ པརིཛནཱ ཨཱཁཱཡཱདེཤསྱ པྲཐམཛཱཏཕལསྭརཱུཔཱཿ, པཝིཏྲལོཀཱནཱཾ པརིཙཪྻྱཱཡཻ ཙ ཏ ཨཱཏྨནོ ནྱཝེདཡན྄ ཨིཏི ཡུཥྨཱབྷི རྫྙཱཡཏེ།
ཨཏོ ཡཱུཡམཔི ཏཱདྲྀཤལོཀཱནཱམ྄ ཨསྨཏྶཧཱཡཱནཱཾ ཤྲམཀཱརིཎཱཉྩ སཪྻྭེཥཱཾ ཝཤྱཱ བྷཝཏ།
སྟིཕཱནཿ ཕརྟྟཱུནཱཏ ཨཱཁཱཡིཀཤྩ ཡད྄ ཨཏྲཱགམན྄ ཏེནཱཧམ྄ ཨཱནནྡཱམི ཡཏོ ཡུཥྨཱབྷིཪྻཏ྄ ནྱཱུནིཏཾ ཏཏ྄ ཏཻཿ སམྤཱུརིཏཾ།
ཏཻ ཪྻུཥྨཱཀཾ མམ ཙ མནཱཾསྱཱཔྱཱཡིཏཱནི། ཏསྨཱཏ྄ ཏཱདྲྀཤཱ ལོཀཱ ཡུཥྨཱབྷིཿ སམྨནྟཝྱཱཿ།
ཡུཥྨབྷྱམ྄ ཨཱཤིཡཱདེཤསྠསམཱཛཱནཱཾ ནམསྐྲྀཏིམ྄ ཨཱཀྐིལཔྲིསྐིལླཡོསྟནྨཎྜཔསྠསམིཏེཤྩ བཧུནམསྐྲྀཏིཾ པྲཛཱནཱིཏ།
སཪྻྭེ བྷྲཱཏརོ ཡུཥྨཱན྄ ནམསྐུཪྻྭནྟེ། ཡཱུཡཾ པཝིཏྲཙུམྦནེན མིཐོ ནམཏ།
པཽལོ྅ཧཾ སྭཀརལིཁིཏཾ ནམསྐྲྀཏིཾ ཡུཥྨཱན྄ ཝེདཡེ།
ཡདི ཀཤྩིད྄ ཡཱིཤུཁྲཱིཥྚེ ན པྲཱིཡཏེ ཏརྷི ས ཤཱཔགྲསྟོ བྷཝེཏ྄ པྲབྷུརཱཡཱཏི།
ཨསྨཱཀཾ པྲབྷོ ཪྻཱིཤུཁྲཱིཥྚསྱཱནུགྲཧོ ཡུཥྨཱན྄ པྲཏི བྷཱུཡཱཏ྄།
ཁྲཱིཥྚཾ ཡཱིཤུམ྄ ཨཱཤྲིཏཱན྄ ཡུཥྨཱན྄ པྲཏི མམ པྲེམ ཏིཥྛཏུ། ཨིཏི༎
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.