༡ ཀརིནྠིནཿ 15

1ཧེ བྷྲཱཏརཿ, ཡཿ སུསཾཝཱདོ མཡཱ ཡུཥྨཏྶམཱིཔེ ནིཝེདིཏོ ཡཱུཡཉྩ ཡཾ གྲྀཧཱིཏཝནྟ ཨཱཤྲིཏཝནྟཤྩ ཏཾ པུན ཪྻུཥྨཱན྄ ཝིཛྙཱཔཡཱམི།

2ཡུཥྨཱཀཾ ཝིཤྭཱསོ ཡདི ཝིཏཐོ ན བྷཝེཏ྄ ཏརྷི སུསཾཝཱདཡུཀྟཱནི མམ ཝཱཀྱཱནི སྨརཏཱཾ ཡུཥྨཱཀཾ ཏེན སུསཾཝཱདེན པརིཏྲཱཎཾ ཛཱཡཏེ།

3ཡཏོ྅ཧཾ ཡད྄ ཡཏ྄ ཛྙཱཔིཏསྟདནུསཱརཱཏ྄ ཡུཥྨཱསུ མུཁྱཱཾ ཡཱཾ ཤིཀྵཱཾ སམཱརྤཡཾ སེཡཾ, ཤཱསྟྲཱནུསཱརཱཏ྄ ཁྲཱིཥྚོ྅སྨཱཀཾ པཱཔམོཙནཱརྠཾ པྲཱཎཱན྄ ཏྱཀྟཝཱན྄,

4ཤྨཤཱནེ སྠཱཔིཏཤྩ ཏྲྀཏཱིཡདིནེ ཤཱསྟྲཱནུསཱརཱཏ྄ པུནརུཏྠཱཔིཏཿ།

5ས ཙཱགྲེ ཀཻཕཻ ཏཏཿ པརཾ དྭཱདཤཤིཥྱེབྷྱོ དརྴནཾ དཏྟཝཱན྄།

6ཏཏཿ པརཾ པཉྩཤཏཱདྷིཀསཾཁྱཀེབྷྱོ བྷྲཱཏྲྀབྷྱོ ཡུགཔད྄ དརྴནཾ དཏྟཝཱན྄ ཏེཥཱཾ ཀེཙིཏ྄ མཧཱནིདྲཱཾ གཏཱ བཧུཏརཱཤྩཱདྱཱཔི ཝརྟྟནྟེ།

7ཏདནནྟརཾ ཡཱཀཱུབཱཡ ཏཏྤཤྩཱཏ྄ སཪྻྭེབྷྱཿ པྲེརིཏེབྷྱོ དརྴནཾ དཏྟཝཱན྄།

8སཪྻྭཤེཥེ྅ཀཱལཛཱཏཏུལྱོ ཡོ྅ཧཾ, སོ྅ཧམཔི ཏསྱ དརྴནཾ པྲཱཔྟཝཱན྄།

9ཨཱིཤྭརསྱ སམིཏིཾ པྲཏི དཽརཱཏྨྱཱཙརཎཱད྄ ཨཧཾ པྲེརིཏནཱམ དྷརྟྟུམ྄ ཨཡོགྱསྟསྨཱཏ྄ པྲེརིཏཱནཱཾ མདྷྱེ ཀྵུདྲཏམཤྩཱསྨི།

10ཡཱདྲྀཤོ྅སྨི ཏཱདྲྀཤ ཨཱིཤྭརསྱཱནུགྲཧེཎཻཝཱསྨི; ཨཔརཾ མཱཾ པྲཏི ཏསྱཱནུགྲཧོ ནིཥྥལོ ནཱབྷཝཏ྄, ཨནྱེབྷྱཿ སཪྻྭེབྷྱོ མཡཱདྷིཀཿ ཤྲམཿ ཀྲྀཏཿ, ཀིནྟུ ས མཡཱ ཀྲྀཏསྟནྣཧི མཏྶཧཀཱརིཎེཤྭརསྱཱནུགྲཧེཎཻཝ།

11ཨཏཨེཝ མཡཱ བྷཝེཏ྄ ཏཻ ཪྻཱ བྷཝེཏ྄ ཨསྨཱབྷིསྟཱདྲྀཤཱི ཝཱརྟྟཱ གྷོཥྱཏེ སཻཝ ཙ ཡུཥྨཱབྷི ཪྻིཤྭཱསེན གྲྀཧཱིཏཱ།

12མྲྀཏྱུདཤཱཏཿ ཁྲཱིཥྚ ཨུཏྠཱཔིཏ ཨིཏི ཝཱརྟྟཱ ཡདི ཏམདྷི གྷོཥྱཏེ ཏརྷི མྲྀཏལོཀཱནཱམ྄ ཨུཏྠིཏི རྣཱསྟཱིཏི ཝཱག྄ ཡུཥྨཱཀཾ མདྷྱེ ཀཻཤྩིཏ྄ ཀུཏཿ ཀཐྱཏེ?

13མྲྀཏཱནཱམ྄ ཨུཏྠིཏི ཪྻདི ན བྷཝེཏ྄ ཏརྷི ཁྲཱིཥྚོ྅པི ནོཏྠཱཔིཏཿ

14ཁྲཱིཥྚཤྩ ཡདྱནུཏྠཱཔིཏཿ སྱཱཏ྄ ཏརྷྱསྨཱཀཾ གྷོཥཎཾ ཝིཏཐཾ ཡུཥྨཱཀཾ ཝིཤྭཱསོ྅པི ཝིཏཐཿ།

15ཝཡཉྩེཤྭརསྱ མྲྀཥཱསཱཀྵིཎོ བྷཝཱམཿ, ཡཏཿ ཁྲཱིཥྚ སྟེནོཏྠཱཔིཏཿ ཨིཏི སཱཀྵྱམ྄ ཨསྨཱབྷིརཱིཤྭརམདྷི དཏྟཾ ཀིནྟུ མྲྀཏཱནཱམུཏྠིཏི ཪྻདི ན བྷཝེཏ྄ ཏརྷི ས ཏེན ནོཏྠཱཔིཏཿ།

16ཡཏོ མྲྀཏཱནཱམུཏྠིཏི ཪྻཏི ན བྷཝེཏ྄ ཏརྷི ཁྲཱིཥྚོ྅པྱུཏྠཱཔིཏཏྭཾ ན གཏཿ།

17ཁྲཱིཥྚསྱ ཡདྱནུཏྠཱཔིཏཿ སྱཱཏ྄ ཏརྷི ཡུཥྨཱཀཾ ཝིཤྭཱསོ ཝིཏཐཿ, ཡཱུཡམ྄ ཨདྱཱཔི སྭཔཱཔེཥུ མགྣཱསྟིཥྛཐ།

18ཨཔརཾ ཁྲཱིཥྚཱཤྲིཏཱ ཡེ མཱནཝཱ མཧཱནིདྲཱཾ གཏཱསྟེ྅པི ནཱཤཾ གཏཱཿ།

19ཁྲཱིཥྚོ ཡདི ཀེཝལམིཧལོཀེ ྅སྨཱཀཾ པྲཏྱཱཤཱབྷཱུམིཿ སྱཱཏ྄ ཏརྷི སཪྻྭམརྟྱེབྷྱོ ཝཡམེཝ དུརྦྷཱགྱཱཿ།

20ཨིདཱནཱིཾ ཁྲཱིཥྚོ མྲྀཏྱུདཤཱཏ ཨུཏྠཱཔིཏོ མཧཱནིདྲཱགཏཱནཱཾ མདྷྱེ པྲཐམཕལསྭརཱུཔོ ཛཱཏཤྩ།

21ཡཏོ ཡདྭཏ྄ མཱནུཥདྭཱརཱ མྲྀཏྱུཿ པྲཱདུརྦྷཱུཏསྟདྭཏ྄ མཱནུཥདྭཱརཱ མྲྀཏཱནཱཾ པུནརུཏྠིཏིརཔི པྲདུརྦྷཱུཏཱ།

22ཨཱདམཱ ཡཐཱ སཪྻྭེ མརཎཱདྷཱིནཱ ཛཱཏཱསྟཐཱ ཁྲཱིཥྚེན སཪྻྭེ ཛཱིཝཡིཥྱནྟེ།

23ཀིནྟྭེཀཻཀེན ཛནེན ནིཛེ ནིཛེ པཪྻྱཱཡ ཨུཏྠཱཏཝྱཾ པྲཐམཏཿ པྲཐམཛཱཏཕལསྭརཱུཔེན ཁྲཱིཥྚེན, དྭིཏཱིཡཏསྟསྱཱགམནསམཡེ ཁྲཱིཥྚསྱ ལོཀཻཿ།

24ཏཏཿ པརམ྄ ཨནྟོ བྷཝིཥྱཏི ཏདཱནཱིཾ ས སཪྻྭཾ ཤཱསནམ྄ ཨདྷིཔཏིཏྭཾ པརཱཀྲམཉྩ ལུཔྟྭཱ སྭཔིཏརཱིཤྭརེ རཱཛཏྭཾ སམརྤཡིཥྱཏི།

25ཡཏཿ ཁྲཱིཥྚསྱ རིཔཝཿ སཪྻྭེ ཡཱཝཏ྄ ཏེན སྭཔཱདཡོརདྷོ ན ནིཔཱཏཡིཥྱནྟེ ཏཱཝཏ྄ ཏེནཻཝ རཱཛཏྭཾ ཀརྟྟཝྱཾ།

26ཏེན ཝིཛེཏཝྱོ ཡཿ ཤེཥརིཔུཿ ས མྲྀཏྱུརེཝ།

27ལིཁིཏམཱསྟེ སཪྻྭཱཎི ཏསྱ པཱདཡོ ཪྻཤཱིཀྲྀཏཱནི། ཀིནྟུ སཪྻྭཱཎྱེཝ ཏསྱ ཝཤཱིཀྲྀཏཱནཱིཏྱུཀྟེ སཏི སཪྻྭཱཎི ཡེན ཏསྱ ཝཤཱིཀྲྀཏཱནི ས སྭཡཾ ཏསྱ ཝཤཱིབྷཱུཏོ ན ཛཱཏ ཨིཏི ཝྱཀྟཾ།

28སཪྻྭེཥུ ཏསྱ ཝཤཱིབྷཱུཏེཥུ སཪྻྭཱཎི ཡེན པུཏྲསྱ ཝཤཱིཀྲྀཏཱནི སྭཡཾ པུཏྲོ྅པི ཏསྱ ཝཤཱིབྷཱུཏོ བྷཝིཥྱཏི ཏཏ ཨཱིཤྭརཿ སཪྻྭེཥུ སཪྻྭ ཨེཝ བྷཝིཥྱཏི།

29ཨཔརཾ པརེཏལོཀཱནཱཾ ཝིནིམཡེན ཡེ མཛྫྱནྟེ ཏཻཿ ཀིཾ ལཔྶྱཏེ? ཡེཥཱཾ པརེཏལོཀཱནཱམ྄ ཨུཏྠིཏིཿ ཀེནཱཔི པྲཀཱརེཎ ན བྷཝིཥྱཏི ཏེཥཱཾ ཝིནིམཡེན ཀུཏོ མཛྫནམཔི ཏཻརངྒཱིཀྲིཡཏེ?

30ཝཡམཔི ཀུཏཿ པྲཏིདཎྜཾ པྲཱཎབྷཱིཏིམ྄ ཨངྒཱིཀུརྨྨཧེ?

31ཨསྨཏྤྲབྷུནཱ ཡཱིཤུཁྲཱིཥྚེན ཡུཥྨཏྟོ མམ ཡཱ ཤླཱགྷཱསྟེ ཏསྱཱཿ ཤཔཐཾ ཀྲྀཏྭཱ ཀཐཡཱམི དིནེ དིནེ྅ཧཾ མྲྀཏྱུཾ གཙྪཱམི།

32ཨིཕིཥནགརེ ཝནྱཔཤུབྷིཿ སཱརྡྡྷཾ ཡདི ལཽཀིཀབྷཱཝཱཏ྄ མཡཱ ཡུདྡྷཾ ཀྲྀཏཾ ཏརྷི ཏེན མམ ཀོ ལཱབྷཿ? མྲྀཏཱནཱམ྄ ཨུཏྠིཏི ཪྻདི ན བྷཝེཏ྄ ཏརྷི, ཀུརྨྨོ བྷོཛནཔཱནེ྅དྱ ཤྭསྟུ མྲྀཏྱུ རྦྷཝིཥྱཏི།

33ཨིཏྱནེན དྷརྨྨཱཏ྄ མཱ བྷྲཾཤདྷྭཾ། ཀུསཾསརྒེཎ ལོཀཱནཱཾ སདཱཙཱརོ ཝིནཤྱཏི།

34ཡཱུཡཾ ཡཐོཙིཏཾ སཙཻཏནྱཱསྟིཥྛཏ, པཱཔཾ མཱ ཀུརུདྷྭཾ, ཡཏོ ཡུཥྨཱཀཾ མདྷྱ ཨཱིཤྭརཱིཡཛྙཱནཧཱིནཱཿ ཀེ྅པི ཝིདྱནྟེ ཡུཥྨཱཀཾ ཏྲཔཱཡཻ མཡེདཾ གདྱཏེ།

35ཨཔརཾ མྲྀཏལོཀཱཿ ཀཐམ྄ ཨུཏྠཱསྱནྟི? ཀཱིདྲྀཤཾ ཝཱ ཤརཱིརཾ ལབྡྷྭཱ པུནརེཥྱནྟཱིཏི ཝཱཀྱཾ ཀཤྩིཏ྄ པྲཀྵྱཏི།

36ཧེ ཨཛྙ ཏྭཡཱ ཡད྄ བཱིཛམ྄ ཨུཔྱཏེ ཏད྄ ཡདི ན མྲིཡེཏ ཏརྷི ན ཛཱིཝཡིཥྱཏེ།

37ཡཡཱ མཱུརྟྟྱཱ ནིརྒནྟཝྱཾ སཱ ཏྭཡཱ ནོཔྱཏེ ཀིནྟུ ཤུཥྐཾ བཱིཛམེཝ; ཏཙྩ གོདྷཱུམཱདཱིནཱཾ ཀིམཔི བཱིཛཾ བྷཝིཏུཾ ཤཀྣོཏི།

38ཨཱིཤྭརེཎེཝ ཡཐཱབྷིལཱཥཾ ཏསྨཻ མཱུརྟྟི རྡཱིཡཏེ, ཨེཀཻཀསྨཻ བཱིཛཱཡ སྭཱ སྭཱ མཱུརྟྟིརེཝ དཱིཡཏེ།

39སཪྻྭཱཎི པལལཱནི ནཻཀཝིདྷཱནི སནྟི, མནུཥྱཔཤུཔཀྵིམཏྶྱཱདཱིནཱཾ བྷིནྣརཱུཔཱཎི པལལཱནི སནྟི།

40ཨཔརཾ སྭརྒཱིཡཱ མཱུརྟྟཡཿ པཱརྠིཝཱ མཱུརྟྟཡཤྩ ཝིདྱནྟེ ཀིནྟུ སྭརྒཱིཡཱནཱམ྄ ཨེཀརཱུཔཾ ཏེཛཿ པཱརྠིཝཱནཱཉྩ ཏདནྱརཱུཔཾ ཏེཛོ྅སྟི།

41སཱུཪྻྱསྱ ཏེཛ ཨེཀཝིདྷཾ ཙནྡྲསྱ ཏེཛསྟདནྱཝིདྷཾ ཏཱརཱཎཱཉྩ ཏེཛོ྅ནྱཝིདྷཾ, ཏཱརཱཎཱཾ མདྷྱེ྅པི ཏེཛསསྟཱརཏམྱཾ ཝིདྱཏེ།

42ཏཏྲ ལིཁིཏམཱསྟེ ཡཐཱ, ‘ཨཱདིཔུརུཥ ཨཱདམ྄ ཛཱིཝཏྤྲཱཎཱི བབྷཱུཝ,’ ཀིནྟྭནྟིམ ཨཱདམ྄ (ཁྲཱིཥྚོ) ཛཱིཝནདཱཡཀ ཨཱཏྨཱ བབྷཱུཝ།

43ཡད྄ ཨུཔྱཏེ ཏཏ྄ ཏུཙྪཾ ཡཙྩོཏྠཱསྱཏི ཏད྄ གཽརཝཱནྭིཏཾ; ཡད྄ ཨུཔྱཏེ ཏནྣིརྦྦལཾ ཡཙྩོཏྠཱསྱཏི ཏཏ྄ ཤཀྟིཡུཀྟཾ།

44ཡཏ྄ ཤརཱིརམ྄ ཨུཔྱཏེ ཏཏ྄ པྲཱཎཱནཱཾ སདྨ, ཡཙྩ ཤརཱིརམ྄ ཨུཏྠཱསྱཏི ཏད྄ ཨཱཏྨནཿ སདྨ། པྲཱཎསདྨསྭརཱུཔཾ ཤརཱིརཾ ཝིདྱཏེ, ཨཱཏྨསདྨསྭརཱུཔམཔི ཤརཱིརཾ ཝིདྱཏེ།

45ཏཏྲ ལིཁིཏམཱསྟེ ཡཐཱ, ཨཱདིཔུརུཥ ཨཱདམ྄ ཛཱིཝཏྤྲཱཎཱི བབྷཱུཝ, ཀིནྟྭནྟིམ ཨཱདམ྄ (ཁྲཱིཥྚོ) ཛཱིཝནདཱཡཀ ཨཱཏྨཱ བབྷཱུཝ།

46ཨཱཏྨསདྨ ན པྲཐམཾ ཀིནྟུ པྲཱཎསདྨཻཝ ཏཏྤཤྩཱད྄ ཨཱཏྨསདྨ།

47ཨཱདྱཿ པུརུཥེ མྲྀད ཨུཏྤནྣཏྭཱཏ྄ མྲྀཎྨཡོ དྭིཏཱིཡཤྩ པུརུཥཿ སྭརྒཱད྄ ཨཱགཏཿ པྲབྷུཿ།

48མྲྀཎྨཡོ ཡཱདྲྀཤ ཨཱསཱིཏ྄ མྲྀཎྨཡཱཿ སཪྻྭེ ཏཱདྲྀཤཱ བྷཝནྟི སྭརྒཱིཡཤྩ ཡཱདྲྀཤོ྅སྟི སྭརྒཱིཡཱཿ སཪྻྭེ ཏཱདྲྀཤཱ བྷཝནྟི།

49མྲྀཎྨཡསྱ རཱུཔཾ ཡདྭད྄ ཨསྨཱབྷི རྡྷཱརིཏཾ ཏདྭཏ྄ སྭརྒཱིཡསྱ རཱུཔམཔི དྷཱརཡིཥྱཏེ།

50ཧེ བྷྲཱཏརཿ, ཡུཥྨཱན྄ པྲཏི ཝྱཱཧརཱམི, ཨཱིཤྭརསྱ རཱཛྱེ རཀྟམཱཾསཡོརདྷིཀཱརོ བྷཝིཏུཾ ན ཤཀྣོཏི, ཨཀྵཡཏྭེ ཙ ཀྵཡསྱཱདྷིཀཱརོ ན བྷཝིཥྱཏི།

51པཤྱཏཱཧཾ ཡུཥྨབྷྱཾ ནིགཱུཌྷཱཾ ཀཐཱཾ ནིཝེདཡཱམི།

52སཪྻྭཻརསྨཱབྷི རྨཧཱནིདྲཱ ན གམིཥྱཏེ ཀིནྟྭནྟིམདིནེ ཏཱུཪྻྱཱཾ ཝཱདིཏཱཡཱམ྄ ཨེཀསྨིན྄ ཝིཔལེ ནིམིཥཻཀམདྷྱེ སཪྻྭཻ རཱུཔཱནྟརཾ གམིཥྱཏེ, ཡཏསྟཱུརཱི ཝཱདིཥྱཏེ, མྲྀཏལོཀཱཤྩཱཀྵཡཱིབྷཱུཏཱ ཨུཏྠཱསྱནྟི ཝཡཉྩ རཱུཔཱནྟརཾ གམིཥྱཱམཿ།

53ཡཏཿ ཀྵཡཎཱིཡེནཻཏེན ཤརཱིརེཎཱཀྵཡཏྭཾ པརིཧིཏཝྱཾ, མརཎཱདྷཱིནེནཻཏེན དེཧེན ཙཱམརཏྭཾ པརིཧིཏཝྱཾ།

54ཨེཏསྨིན྄ ཀྵཡཎཱིཡེ ཤརཱིརེ ྅ཀྵཡཏྭཾ གཏེ, ཨེཏསྨན྄ མརཎཱདྷཱིནེ དེཧེ ཙཱམརཏྭཾ གཏེ ཤཱསྟྲེ ལིཁིཏཾ ཝཙནམིདཾ སེཏྶྱཏི, ཡཐཱ, ཛཡེན གྲསྱཏེ མྲྀཏྱུཿ།

55མྲྀཏྱོ ཏེ ཀཎྚཀཾ ཀུཏྲ པརལོཀ ཛཡཿ ཀྐ ཏེ༎

56མྲྀཏྱོཿ ཀཎྚཀཾ པཱཔམེཝ པཱཔསྱ ཙ བལཾ ཝྱཝསྠཱ།

57ཨཱིཤྭརཤྩ དྷནྱོ བྷཝཏུ ཡཏཿ སོ྅སྨཱཀཾ པྲབྷུནཱ ཡཱིཤུཁྲཱིཥྚེནཱསྨཱན྄ ཛཡཡུཀྟཱན྄ ཝིདྷཱཔཡཏི།

58ཨཏོ ཧེ མམ པྲིཡབྷྲཱཏརཿ; ཡཱུཡཾ སུསྠིརཱ ནིཤྩལཱཤྩ བྷཝཏ པྲབྷོཿ སེཝཱཡཱཾ ཡུཥྨཱཀཾ པརིཤྲམོ ནིཥྥལོ ན བྷཝིཥྱཏཱིཏི ཛྙཱཏྭཱ པྲབྷོཿ ཀཱཪྻྱེ སདཱ ཏཏྤརཱ བྷཝཏ།