Sanskrit Bible (NT) in Tibetan Script (སཏྱཝེདཿ།)
གཱལཱཏིནཿ 1
མནུཥྱེབྷྱོ ནཧི མནུཥྱཻརཔི ནཧི ཀིནྟུ ཡཱིཤུཁྲཱིཥྚེན མྲྀཏགཎམདྷྱཱཏ྄ ཏསྱོཏྠཱཔཡིཏྲཱ པིཏྲེཤྭརེཎ ཙ པྲེརིཏོ ཡོ྅ཧཾ པཽལཿ སོ྅ཧཾ
མཏྶཧཝརྟྟིནོ བྷྲཱཏརཤྩ ཝཡཾ གཱལཱཏཱིཡདེཤསྠཱཿ སམིཏཱིཿ པྲཏི པཏྲཾ ལིཁཱམཿ།
པིཏྲེཤྭརེཎཱསྨཱཾཀ པྲབྷུནཱ ཡཱིཤུནཱ ཁྲཱིཥྚེན ཙ ཡུཥྨབྷྱམ྄ ཨནུགྲཧཿ ཤཱནྟིཤྩ དཱིཡཏཱཾ།
ཨསྨཱཀཾ ཏཱཏེཤྭརེསྱེཙྪཱནུསཱརེཎ ཝརྟྟམཱནཱཏ྄ ཀུཏྶིཏསཾསཱརཱད྄ ཨསྨཱན྄ ནིསྟཱརཡིཏུཾ ཡོ
ཡཱིཤུརསྨཱཀཾ པཱཔཧེཏོརཱཏྨོཏྶརྒཾ ཀྲྀཏཝཱན྄ ས སཪྻྭདཱ དྷནྱོ བྷཱུཡཱཏ྄། ཏཐཱསྟུ།
ཁྲཱིཥྚསྱཱནུགྲཧེཎ ཡོ ཡུཥྨཱན྄ ཨཱཧཱུཏཝཱན྄ ཏསྨཱནྣིཝྲྀཏྱ ཡཱུཡམ྄ ཨཏིཏཱུརྞམ྄ ཨནྱཾ སུསཾཝཱདམ྄ ཨནྭཝརྟྟཏ ཏཏྲཱཧཾ ཝིསྨཡཾ མནྱེ།
སོ྅ནྱསུསཾཝཱདཿ སུསཾཝཱདོ ནཧི ཀིནྟུ ཀེཙིཏ྄ མཱནཝཱ ཡུཥྨཱན྄ ཙཉྩལཱིཀུཪྻྭནྟི ཁྲཱིཥྚཱིཡསུསཾཝཱདསྱ ཝིཔཪྻྱཡཾ ཀརྟྟུཾ ཙེཥྚནྟེ ཙ།
ཡུཥྨཱཀཾ སནྣིདྷཽ ཡཿ སུསཾཝཱདོ྅སྨཱབྷི རྒྷོཥིཏསྟསྨཱད྄ ཨནྱཿ སུསཾཝཱདོ྅སྨཱཀཾ སྭརྒཱིཡདཱུཏཱནཱཾ ཝཱ མདྷྱེ ཀེནཙིད྄ ཡདི གྷོཥྱཏེ ཏརྷི ས ཤཔྟོ བྷཝཏུ།
པཱུཪྻྭཾ ཡདྭད྄ ཨཀཐཡཱམ, ཨིདཱནཱིམཧཾ པུནསྟདྭཏ྄ ཀཐཡཱམི ཡཱུཡཾ ཡཾ སུསཾཝཱདཾ གྲྀཧཱིཏཝནྟསྟསྨཱད྄ ཨནྱོ ཡེན ཀེནཙིད྄ ཡུཥྨཏྶནྣིདྷཽ གྷོཥྱཏེ ས ཤཔྟོ བྷཝཏུ།
སཱམྤྲཏཾ ཀམཧམ྄ ཨནུནཡཱམི? ཨཱིཤྭརཾ ཀིཾཝཱ མཱནཝཱན྄? ཨཧཾ ཀིཾ མཱནུཥེབྷྱོ རོཙིཏུཾ ཡཏེ? ཡདྱཧམ྄ ཨིདཱནཱིམཔི མཱནུཥེབྷྱོ རུརུཙིཥེཡ ཏརྷི ཁྲཱིཥྚསྱ པརིཙཱརཀོ ན བྷཝཱམི།
ཧེ བྷྲཱཏརཿ, མཡཱ ཡཿ སུསཾཝཱདོ གྷོཥིཏཿ ས མཱནུཥཱནྣ ལབྡྷསྟདཧཾ ཡུཥྨཱན྄ ཛྙཱཔཡཱམི།
ཨཧཾ ཀསྨཱཙྩིཏ྄ མནུཥྱཱཏ྄ ཏཾ ན གྲྀཧཱིཏཝཱན྄ ན ཝཱ ཤིཀྵིཏཝཱན྄ ཀེཝལཾ ཡཱིཤོཿ ཁྲཱིཥྚསྱ པྲཀཱཤནཱདེཝ།
པུརཱ ཡིཧཱུདིམཏཱཙཱརཱི ཡདཱཧམ྄ ཨཱསཾ ཏདཱ ཡཱདྲྀཤམ྄ ཨཱཙརཎམ྄ ཨཀརཝམ྄ ཨཱིཤྭརསྱ སམིཏིཾ པྲཏྱཏཱིཝོཔདྲཝཾ ཀུཪྻྭན྄ ཡཱདྲྀཀ྄ ཏཱཾ ཝྱནཱཤཡཾ ཏདཝཤྱཾ ཤྲུཏཾ ཡུཥྨཱབྷིཿ།
ཨཔརཉྩ པཱུཪྻྭཔུརུཥཔརམྤརཱགཏེཥུ ཝཱཀྱེཥྭནྱཱཔེཀྵཱཏཱིཝཱསཀྟཿ སན྄ ཨཧཾ ཡིཧཱུདིདྷརྨྨཏེ མམ སམཝཡསྐཱན྄ བཧཱུན྄ སྭཛཱཏཱིཡཱན྄ ཨཏྱཤཡི།
ཀིཉྩ ཡ ཨཱིཤྭརོ མཱཏྲྀགརྦྷསྠཾ མཱཾ པྲྀཐཀ྄ ཀྲྀཏྭཱ སྭཱིཡཱནུགྲཧེཎཱཧཱུཏཝཱན྄
ས ཡདཱ མཡི སྭཔུཏྲཾ པྲཀཱཤིཏུཾ བྷིནྣདེཤཱིཡཱནཱཾ སམཱིཔེ བྷཡཱ ཏཾ གྷོཥཡིཏུཉྩཱབྷྱལཥཏ྄ ཏདཱཧཾ ཀྲཝྱཤོཎིཏཱབྷྱཱཾ སཧ ན མནྟྲཡིཏྭཱ
པཱུཪྻྭནིཡུཀྟཱནཱཾ པྲེརིཏཱནཱཾ སམཱིཔཾ ཡིརཱུཤཱལམཾ ན གཏྭཱརཝདེཤཾ གཏཝཱན྄ པཤྩཱཏ྄ ཏཏྶྠཱནཱད྄ དམྨེཥཀནགརཾ པརཱཝྲྀཏྱཱགཏཝཱན྄།
ཏཏཿ པརཾ ཝརྵཏྲཡེ ཝྱཏཱིཏེ྅ཧཾ པིཏརཾ སམྦྷཱཥིཏུཾ ཡིརཱུཤཱལམཾ གཏྭཱ པཉྩདཤདིནཱནི ཏེན སཱརྡྡྷམ྄ ཨཏིཥྛཾ།
ཀིནྟུ ཏཾ པྲབྷོ རྦྷྲཱཏརཾ ཡཱཀཱུབཉྩ ཝིནཱ པྲེརིཏཱནཱཾ ནཱནྱཾ ཀམཔྱཔཤྱཾ།
ཡཱནྱེཏཱནི ཝཱཀྱཱནི མཡཱ ལིཁྱནྟེ ཏཱནྱནྲྀཏཱནི ན སནྟི ཏད྄ ཨཱིཤྭརོ ཛཱནཱཏི།
ཏཏཿ པརམ྄ ཨཧཾ སུརིཡཱཾ ཀིལིཀིཡཱཉྩ དེཤཽ གཏཝཱན྄།
ཏདཱནཱིཾ ཡིཧཱུདཱདེཤསྠཱནཱཾ ཁྲཱིཥྚསྱ སམིཏཱིནཱཾ ལོཀཱཿ སཱཀྵཱཏ྄ མམ པརིཙཡམཔྲཱཔྱ ཀེཝལཾ ཛནཤྲུཏིམིམཱཾ ལབྡྷཝནྟཿ,
ཡོ ཛནཿ པཱུཪྻྭམ྄ ཨསྨཱན྄ པྲཏྱུཔདྲཝམཀརོཏ྄ ས ཏདཱ ཡཾ དྷརྨྨམནཱཤཡཏ྄ ཏམེཝེདཱནཱིཾ པྲཙཱརཡཏཱིཏི།
ཏསྨཱཏ྄ ཏེ མཱམདྷཱིཤྭརཾ དྷནྱམཝདན྄།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.