Sanskrit Bible (NT) in Tibetan Script (སཏྱཝེདཿ།)
གཱལཱཏིནཿ 2
ཨནནྟརཾ ཙཏུརྡཤསུ ཝཏྶརེཥུ གཏེཥྭཧཾ བརྞབྦཱ སཧ ཡིརཱུཤཱལམནགརཾ པུནརགཙྪཾ, ཏདཱནོཾ ཏཱིཏམཔི སྭསངྒིནམ྄ ཨཀརཝཾ།
ཏཏྐཱལེ྅ཧམ྄ ཨཱིཤྭརདརྴནཱད྄ ཡཱཏྲཱམ྄ ཨཀརཝཾ མཡཱ ཡཿ པརིཤྲམོ྅ཀཱརི ཀཱརིཥྱཏེ ཝཱ ས ཡནྣིཥྥལོ ན བྷཝེཏ྄ ཏདརྠཾ བྷིནྣཛཱཏཱིཡཱནཱཾ མདྷྱེ མཡཱ གྷོཥྱམཱཎཿ སུསཾཝཱདསྟཏྲཏྱེབྷྱོ ལོཀེབྷྱོ ཝིཤེཥཏོ མཱནྱེབྷྱོ ནརེབྷྱོ མཡཱ ནྱཝེདྱཏ།
ཏཏོ མམ སཧཙརསྟཱིཏོ ཡདྱཔི ཡཱུནཱནཱིཡ ཨཱསཱིཏ྄ ཏཐཱཔི ཏསྱ ཏྭཀྪེདོ྅པྱཱཝཤྱཀོ ན བབྷཱུཝ།
ཡཏཤྪལེནཱགཏཱ ཨསྨཱན྄ དཱསཱན྄ ཀརྟྟུམ྄ ཨིཙྪཝཿ ཀཏིཔཡཱ བྷཱཀྟབྷྲཱཏརཿ ཁྲཱིཥྚེན ཡཱིཤུནཱསྨབྷྱཾ དཏྟཾ སྭཱཏནྟྲྱམ྄ ཨནུསནྡྷཱཏུཾ ཙཱརཱ ཨིཝ སམཱཛཾ པྲཱཝིཤན྄།
ཨཏཿ པྲཀྲྀཏེ སུསཾཝཱདེ ཡུཥྨཱཀམ྄ ཨདྷིཀཱརོ ཡཏ྄ ཏིཥྛེཏ྄ ཏདརྠཾ ཝཡཾ དཎྜཻཀམཔི ཡཱཝད྄ ཨཱཛྙཱགྲཧཎེན ཏེཥཱཾ ཝཤྱཱ ནཱབྷཝཱམ།
པརནྟུ ཡེ ལོཀཱ མཱནྱཱསྟེ ཡེ ཀེཙིད྄ བྷཝེཡུསྟཱནཧཾ ན གཎཡཱམི ཡཏ ཨཱིཤྭརཿ ཀསྱཱཔི མཱནཝསྱ པཀྵཔཱཏཾ ན ཀརོཏི, ཡེ ཙ མཱནྱཱསྟེ མཱཾ ཀིམཔི ནཝཱིནཾ ནཱཛྙཱཔཡན྄།
ཀིནྟུ ཚིནྣཏྭཙཱཾ མདྷྱེ སུསཾཝཱདཔྲཙཱརཎསྱ བྷཱརཿ པིཏརི ཡཐཱ སམརྤིཏསྟཐཻཝཱཙྪིནྣཏྭཙཱཾ མདྷྱེ སུསཾཝཱདཔྲཙཱརཎསྱ བྷཱརོ མཡི སམརྤིཏ ཨིཏི ཏཻ རྦུབུདྷེ།
ཡཏཤྪིནྣཏྭཙཱཾ མདྷྱེ པྲེརིཏཏྭཀརྨྨཎེ ཡསྱ ཡཱ ཤཀྟིཿ པིཏརམཱཤྲིཏཝཏཱི ཏསྱཻཝ སཱ ཤཀྟི རྦྷིནྣཛཱཏཱིཡཱནཱཾ མདྷྱེ ཏསྨཻ ཀརྨྨཎེ མཱམཔྱཱཤྲིཏཝཏཱི།
ཨཏོ མཧྱཾ དཏྟམ྄ ཨནུགྲཧཾ པྲཏིཛྙཱཡ སྟམྦྷཱ ཨིཝ གཎིཏཱ ཡེ ཡཱཀཱུབ྄ ཀཻཕཱ ཡོཧན྄ ཙཻཏེ སཧཱཡཏཱསཱུཙཀཾ དཀྵིཎཧསྟགྲཧཾཎ ཝིདྷཱཡ མཱཾ བརྞབྦཱཉྩ ཛགདུཿ, ཡུཝཱཾ བྷིནྣཛཱཏཱིཡཱནཱཾ སནྣིདྷིཾ གཙྪཏཾ ཝཡཾ ཚིནྣཏྭཙཱ སནྣིདྷིཾ གཙྪཱམཿ,
ཀེཝལཾ དརིདྲཱ ཡུཝཱབྷྱཱཾ སྨརཎཱིཡཱ ཨིཏི། ཨཏསྟདེཝ ཀརྟྟུམ྄ ཨཧཾ ཡཏེ སྨ།
ཨཔརམ྄ ཨཱནྟིཡཁིཡཱནགརཾ པིཏར ཨཱགཏེ྅ཧཾ ཏསྱ དོཥིཏྭཱཏ྄ སམཀྵཾ ཏམ྄ ཨབྷརྟྶཡཾ།
ཡཏཿ ས པཱུཪྻྭམ྄ ཨནྱཛཱཏཱིཡཻཿ སཱརྡྡྷམ྄ ཨཱཧཱརམཀརོཏ྄ ཏཏཿ པརཾ ཡཱཀཱུབཿ སམཱིཔཱཏ྄ ཀཏིཔཡཛནེཥྭཱགཏེཥུ ས ཚིནྣཏྭངྨནུཥྱེབྷྱོ བྷཡེན ནིཝྲྀཏྱ པྲྀཐག྄ ཨབྷཝཏ྄།
ཏཏོ྅པརེ སཪྻྭེ ཡིཧཱུདིནོ྅པི ཏེན སཱརྡྡྷཾ ཀཔཊཱཙཱརམ྄ ཨཀུཪྻྭན྄ བརྞབྦཱ ཨཔི ཏེཥཱཾ ཀཱཔཊྱེན ཝིཔཐགཱམྱབྷཝཏ྄།
ཏཏསྟེ པྲཀྲྀཏསུསཾཝཱདརཱུཔེ སརལཔཐེ ན ཙརནྟཱིཏི དྲྀཥྚྭཱཧཾ སཪྻྭེཥཱཾ སཱཀྵཱཏ྄ པིཏརམ྄ ཨུཀྟཝཱན྄ ཏྭཾ ཡིཧཱུདཱི སན྄ ཡདི ཡིཧཱུདིམཏཾ ཝིཧཱཡ བྷིནྣཛཱཏཱིཡ ཨིཝཱཙརསི ཏརྷི ཡིཧཱུདིམཏཱཙརཎཱཡ བྷིནྣཛཱཏཱིཡཱན྄ ཀུཏཿ པྲཝརྟྟཡསི?
ཨཱཝཱཾ ཛནྨནཱ ཡིཧཱུདིནཽ བྷཝཱཝོ བྷིནྣཛཱཏཱིཡཽ པཱཔིནཽ ན བྷཝཱཝཿ
ཀིནྟུ ཝྱཝསྠཱཔཱལནེན མནུཥྱཿ སཔུཎྱོ ན བྷཝཏི ཀེཝལཾ ཡཱིཤཽ ཁྲཱིཥྚེ ཡོ ཝིཤྭཱསསྟེནཻཝ སཔུཎྱོ བྷཝཏཱིཏི བུདྡྷྭཱཝཱམཔི ཝྱཝསྠཱཔཱལནཾ ཝིནཱ ཀེཝལཾ ཁྲཱིཥྚེ ཝིཤྭཱསེན པུཎྱཔྲཱཔྟཡེ ཁྲཱིཥྚེ ཡཱིཤཽ ཝྱཤྭསིཝ ཡཏོ ཝྱཝསྠཱཔཱལནེན ཀོ྅པི མཱནཝཿ པུཎྱཾ པྲཱཔྟུཾ ན ཤཀྣོཏི།
པརནྟུ ཡཱིཤུནཱ པུཎྱཔྲཱཔྟཡེ ཡཏམཱནཱཝཔྱཱཝཱཾ ཡདི པཱཔིནཽ བྷཝཱཝསྟརྷི ཀིཾ ཝཀྟཝྱཾ? ཁྲཱིཥྚཿ པཱཔསྱ པརིཙཱརཀ ཨིཏི? ཏནྣ བྷཝཏུ།
མཡཱ ཡད྄ བྷགྣཾ ཏད྄ ཡདི མཡཱ པུནརྣིརྨྨཱིཡཏེ ཏརྷི མཡཻཝཱཏྨདོཥཿ པྲཀཱཤྱཏེ།
ཨཧཾ ཡད྄ ཨཱིཤྭརཱཡ ཛཱིཝཱམི ཏདརྠཾ ཝྱཝསྠཡཱ ཝྱཝསྠཱཡཻ ཨམྲིཡེ།
ཁྲཱིཥྚེན སཱརྡྡྷཾ ཀྲུཤེ ཧཏོ྅སྨི ཏཐཱཔི ཛཱིཝཱམི ཀིནྟྭཧཾ ཛཱིཝཱམཱིཏི ནཧི ཁྲཱིཥྚ ཨེཝ མདནྟ རྫཱིཝཏི། སཱམྤྲཏཾ སཤརཱིརེཎ མཡཱ ཡཛྫཱིཝིཏཾ དྷཱཪྻྱཏེ ཏཏ྄ མམ དཡཱཀཱརིཎི མདརྠཾ སྭཱིཡཔྲཱཎཏྱཱགིནི ཙེཤྭརཔུཏྲེ ཝིཤྭསཏཱ མཡཱ དྷཱཪྻྱཏེ།
ཨཧམཱིཤྭརསྱཱནུགྲཧཾ ནཱཝཛཱནཱམི ཡསྨཱད྄ ཝྱཝསྠཡཱ ཡདི པུཎྱཾ བྷཝཏི ཏརྷི ཁྲཱིཥྚོ ནིརརྠཀམམྲིཡཏ།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.