Sanskrit Bible (NT) in Tibetan Script (སཏྱཝེདཿ།)
༡ ཐིཥལནཱིཀིནཿ 5
ཧེ བྷྲཱཏརཿ, ཀཱལཱན྄ སམཡཱཾཤྩཱདྷི ཡུཥྨཱན྄ པྲཏི མམ ལིཁནཾ ནིཥྤྲཡོཛནཾ,
ཡཏོ རཱཏྲཽ ཡཱདྲྀཀ྄ ཏསྐརསྟཱདྲྀཀ྄ པྲབྷོ རྡིནམ྄ ཨུཔསྠཱསྱཏཱིཏི ཡཱུཡཾ སྭཡམེཝ སམྱག྄ ཛཱནཱིཐ།
ཤཱནྟི རྣིཪྻྭིནྒྷཏྭཉྩ ཝིདྱཏ ཨིཏི ཡདཱ མཱནཝཱ ཝདིཥྱནྟི ཏདཱ པྲསཝཝེདནཱ ཡདྭད྄ གརྦྦྷིནཱིམ྄ ཨུཔཏིཥྛཏི ཏདྭད྄ ཨཀསྨཱད྄ ཝིནཱཤསྟཱན྄ ཨུཔསྠཱསྱཏི ཏཻརུདྡྷཱརོ ན ལཔྶྱཏེ།
ཀིནྟུ ཧེ བྷྲཱཏརཿ, ཡཱུཡམ྄ ཨནྡྷཀཱརེཎཱཝྲྀཏཱ ན བྷཝཐ ཏསྨཱཏ྄ ཏདྡིནཾ ཏསྐར ཨིཝ ཡུཥྨཱན྄ ན པྲཱཔྶྱཏི།
སཪྻྭེ ཡཱུཡཾ དཱིཔྟེཿ སནྟཱནཱ དིཝཱཡཱཤྩ སནྟཱནཱ བྷཝཐ ཝཡཾ ནིཤཱཝཾཤཱསྟིམིརཝཾཤཱ ཝཱ ན བྷཝཱམཿ།
ཨཏོ ྅པརེ ཡཐཱ ནིདྲཱགཏཱཿ སནྟི ཏདྭད྄ ཨསྨཱབྷི རྣ བྷཝིཏཝྱཾ ཀིནྟུ ཛཱགརིཏཝྱཾ སཙེཏནཻཤྩ བྷཝིཏཝྱཾ།
ཡེ ནིདྲཱནྟི ཏེ ནིཤཱཡཱམེཝ ནིདྲཱནྟི ཏེ ཙ མཏྟཱ བྷཝནྟི ཏེ རཛནྱཱམེཝ མཏྟཱ བྷཝནྟི།
ཀིནྟུ ཝཡཾ དིཝསསྱ ཝཾཤཱ བྷཝཱམཿ; ཨཏོ ྅སྨཱབྷི ཪྻཀྵསི པྲཏྱཡཔྲེམརཱུཔཾ ཀཝཙཾ ཤིརསི ཙ པརིཏྲཱཎཱཤཱརཱུཔཾ ཤིརསྟྲཾ པརིདྷཱཡ སཙེཏནཻ རྦྷཝིཏཝྱཾ།
ཡཏ ཨཱིཤྭརོ྅སྨཱན྄ ཀྲོདྷེ ན ནིཡུཛྱཱསྨཱཀཾ པྲབྷུནཱ ཡཱིཤུཁྲཱིཥྚེན པརིཏྲཱཎསྱཱདྷིཀཱརེ ནིཡུुཀྟཝཱན྄,
ཛཱགྲཏོ ནིདྲཱགཏཱ ཝཱ ཝཡཾ ཡཏ྄ ཏེན པྲབྷུནཱ སཧ ཛཱིཝཱམསྟདརྠཾ སོ྅སྨཱཀཾ ཀྲྀཏེ པྲཱཎཱན྄ ཏྱཀྟཝཱན྄།
ཨཏཨེཝ ཡཱུཡཾ ཡདྭཏ྄ ཀུརུཐ ཏདྭཏ྄ པརསྤརཾ སཱནྟྭཡཏ སུསྠིརཱིཀུརུདྷྭཉྩ།
ཧེ བྷྲཱཏརཿ, ཡུཥྨཱཀཾ མདྷྱེ ཡེ ཛནཱཿ པརིཤྲམཾ ཀུཪྻྭནྟི པྲབྷོ རྣཱམྣཱ ཡུཥྨཱན྄ ཨདྷིཏིཥྛནྟྱུཔདིཤནྟི ཙ ཏཱན྄ ཡཱུཡཾ སམྨནྱདྷྭཾ།
སྭཀརྨྨཧེཏུནཱ ཙ པྲེམྣཱ ཏཱན྄ ཨཏཱིཝཱདྲྀཡདྷྭམིཏི མམ པྲཱརྠནཱ, ཡཱུཡཾ པརསྤརཾ ནིཪྻྭིརོདྷཱ བྷཝཏ།
ཧེ བྷྲཱཏརཿ, ཡུཥྨཱན྄ ཝིནཡཱམཧེ ཡཱུཡམ྄ ཨཝིཧིཏཱཙཱརིཎོ ལོཀཱན྄ བྷརྟྶཡདྷྭཾ, ཀྵུདྲམནསཿ སཱནྟྭཡཏ, དུརྦྦལཱན྄ ཨུཔཀུརུཏ, སཪྻྭཱན྄ པྲཏི སཧིཥྞཝོ བྷཝཏ ཙ།
ཨཔརཾ ཀམཔི པྲཏྱནིཥྚསྱ ཕལམ྄ ཨནིཥྚཾ ཀེནཱཔི ཡནྣ ཀྲིཡེཏ ཏདརྠཾ སཱཝདྷཱནཱ བྷཝཏ, ཀིནྟུ པརསྤརཾ སཪྻྭཱན྄ མཱནཝཱཾཤྩ པྲཏི ནིཏྱཾ ཧིཏཱཙཱརིཎོ བྷཝཏ།
སཪྻྭདཱནནྡཏ།
ནིརནྟརཾ པྲཱརྠནཱཾ ཀུརུདྷྭཾ།
སཪྻྭཝིཥཡེ ཀྲྀཏཛྙཏཱཾ སྭཱིཀུརུདྷྭཾ ཡཏ ཨེཏདེཝ ཁྲཱིཥྚཡཱིཤུནཱ ཡུཥྨཱན྄ པྲཏི པྲཀཱཤིཏམ྄ ཨཱིཤྭརཱབྷིམཏཾ།
པཝིཏྲམ྄ ཨཱཏྨཱནཾ ན ནིཪྻྭཱཔཡཏ།
ཨཱིཤྭརཱིཡཱདེཤཾ ནཱཝཛཱནཱིཏ།
སཪྻྭཱཎི པརཱིཀྵྱ ཡད྄ བྷདྲཾ ཏདེཝ དྷཱརཡཏ།
ཡཏ྄ ཀིམཔི པཱཔརཱུཔཾ བྷཝཏི ཏསྨཱད྄ དཱུརཾ ཏིཥྛཏ།
ཤཱནྟིདཱཡཀ ཨཱིཤྭརཿ སྭཡཾ ཡུཥྨཱན྄ སམྤཱུརྞཏྭེན པཝིཏྲཱན྄ ཀརོཏུ, ཨཔརམ྄ ཨསྨཏྤྲབྷོ ཪྻཱིཤུཁྲཱིཥྚསྱཱགམནཾ ཡཱཝད྄ ཡུཥྨཱཀམ྄ ཨཱཏྨཱནཿ པྲཱཎཱཿ ཤརཱིརཱཎི ཙ ནིཁིལཱནི ནིརྡྡོཥཏྭེན རཀྵྱནྟཱཾ།
ཡོ ཡུཥྨཱན྄ ཨཱཧྭཡཏི ས ཝིཤྭསནཱིཡོ྅ཏཿ ས ཏཏ྄ སཱདྷཡིཥྱཏི།
ཧེ བྷྲཱཏརཿ, ཨསྨཱཀཾ ཀྲྀཏེ པྲཱརྠནཱཾ ཀུརུདྷྭཾ།
པཝིཏྲཙུམྦནེན སཪྻྭཱན྄ བྷྲཱཏྲྀན྄ པྲཏི སཏྐུརུདྷྭཾ།
པཏྲམིདཾ སཪྻྭེཥཱཾ པཝིཏྲཱཎཱཾ བྷྲཱཏྲྀཎཱཾ ཤྲུཏིགོཙརེ ཡུཥྨཱབྷིཿ པཋྱཏཱམིཏི པྲབྷོ རྣཱམྣཱ ཡུཥྨཱན྄ ཤཔཡཱམི།
ཨསྨཱཀཾ པྲབྷོ ཪྻཱིཤུཁྲཱིཥྚསྱཱནུགྲཏེ ཡུཥྨཱསུ བྷཱུཡཱཏ྄། ཨཱམེན྄།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.