Sanskrit Bible (NT) in Tibetan Script (སཏྱཝེདཿ།)
༡ ཐིཥལནཱིཀིནཿ 4
ཧེ བྷྲཱཏརཿ, ཡུཥྨཱབྷིཿ ཀཱིདྲྀག྄ ཨཱཙརིཏཝྱཾ ཨཱིཤྭརཱཡ རོཙིཏཝྱཉྩ ཏདདྷྱསྨཏྟོ ཡཱ ཤིཀྵཱ ལབྡྷཱ ཏདནུསཱརཱཏ྄ པུནརཏིཤཡཾ ཡཏྣཿ ཀྲིཡཏཱམིཏི ཝཡཾ པྲབྷུཡཱིཤུནཱ ཡུཥྨཱན྄ ཝིནཱིཡཱདིཤཱམཿ།
ཡཏོ ཝཡཾ པྲབྷུཡཱིཤུནཱ ཀཱིདྲྀཤཱིརཱཛྙཱ ཡུཥྨཱསུ སམརྤིཏཝནྟསྟད྄ ཡཱུཡཾ ཛཱནཱིཐ།
ཨཱིཤྭརསྱཱཡམ྄ ཨབྷིལཱཥོ ཡད྄ ཡུཥྨཱཀཾ པཝིཏྲཏཱ བྷཝེཏ྄, ཡཱུཡཾ ཝྱབྷིཙཱརཱད྄ དཱུརེ ཏིཥྛཏ།
ཡུཥྨཱཀམ྄ ཨེཀཻཀོ ཛནཿ སྭཀཱིཡཾ པྲཱཎཱདྷཱརཾ པཝིཏྲཾ མཱནྱཉྩ རཀྵཏུ,
ཡེ ཙ བྷིནྣཛཱཏཱིཡཱ ལོཀཱ ཨཱིཤྭརཾ ན ཛཱནནྟི ཏ ཨིཝ ཏཏ྄ ཀཱམཱབྷིལཱཥསྱཱདྷཱིནཾ ན ཀརོཏུ།
ཨེཏསྨིན྄ ཝིཥཡེ ཀོ྅པྱཏྱཱཙཱརཱི བྷཱུཏྭཱ སྭབྷྲཱཏརཾ ན ཝཉྩཡཏུ ཡཏོ྅སྨཱབྷིཿ པཱུཪྻྭཾ ཡཐོཀྟཾ པྲམཱཎཱིཀྲྀཏཉྩ ཏཐཻཝ པྲབྷུརེཏཱདྲྀཤཱནཱཾ ཀརྨྨཎཱཾ སམུཙིཏཾ ཕལཾ དཱསྱཏི།
ཡསྨཱད྄ ཨཱིཤྭརོ྅སྨཱན྄ ཨཤུཙིཏཱཡཻ ནཱཧཱུཏཝཱན྄ ཀིནྟུ པཝིཏྲཏྭཱཡཻཝཱཧཱུཏཝཱན྄།
ཨཏོ ཧེཏོ ཪྻཿ ཀཤྩིད྄ ཝཱཀྱམེཏནྣ གྲྀཧླཱཏི ས མནུཥྱམ྄ ཨཝཛཱནཱཏཱིཏི ནཧི ཡེན སྭཀཱིཡཱཏྨཱ ཡུཥྨདནྟརེ སམརྤིཏསྟམ྄ ཨཱིཤྭརམ྄ ཨེཝཱཝཛཱནཱཏི།
བྷྲཱཏྲྀཥུ པྲེམཀརཎམདྷི ཡུཥྨཱན྄ པྲཏི མམ ལིཁནཾ ནིཥྤྲཡོཛནཾ ཡཏོ ཡཱུཡཾ པརསྤརཾ པྲེམཀརཎཱཡེཤྭརཤིཀྵིཏཱ ལོཀཱ ཨཱདྷྭེ།
ཀྲྀཏྶྣེ མཱཀིདནིཡཱདེཤེ ཙ ཡཱཝནྟོ བྷྲཱཏརཿ སནྟི ཏཱན྄ སཪྻྭཱན྄ པྲཏི ཡུཥྨཱབྷིསྟཏ྄ པྲེམ པྲཀཱཤྱཏེ ཏཐཱཔི ཧེ བྷྲཱཏརཿ, ཝཡཾ ཡུཥྨཱན྄ ཝིནཡཱམཧེ ཡཱུཡཾ པུན རྦཧུཏརཾ པྲེམ པྲཀཱཤཡཏ།
ཨཔརཾ ཡེ བཧིཿསྠིཏཱསྟེཥཱཾ དྲྀཥྚིགོཙརེ ཡུཥྨཱཀམ྄ ཨཱཙརཎཾ ཡཏ྄ མནོརམྱཾ བྷཝེཏ྄ ཀསྱཱཔི ཝསྟུནཤྩཱབྷཱཝོ ཡུཥྨཱཀཾ ཡནྣ བྷཝེཏ྄,
ཨེཏདརྠཾ ཡཱུཡམ྄ ཨསྨཏྟོ ཡཱདྲྀཤམ྄ ཨཱདེཤཾ པྲཱཔྟཝནྟསྟཱདྲྀཤཾ ནིཪྻིརོདྷཱཙཱརཾ ཀརྟྟུཾ སྭསྭཀརྨྨཎི མནཱཾམི ནིདྷཱཏུཾ ནིཛཀརཻཤྩ ཀཱཪྻྱཾ སཱདྷཡིཏུཾ ཡཏདྷྭཾ།
ཧེ བྷྲཱཏརཿ ནིརཱཤཱ ཨནྱེ ལོཀཱ ཨིཝ ཡཱུཡཾ ཡནྣ ཤོཙེདྷྭཾ ཏདརྠཾ མཧཱནིདྲཱགཏཱན྄ ལོཀཱནདྷི ཡུཥྨཱཀམ྄ ཨཛྙཱནཏཱ མཡཱ ནཱབྷིལཥྱཏེ།
ཡཱིཤུ རྨྲྀཏཝཱན྄ པུནརུཐིཏཝཱཾཤྩེཏི ཡདི ཝཡཾ ཝིཤྭཱསམསྟརྷི ཡཱིཤུམ྄ ཨཱཤྲིཏཱན྄ མཧཱནིདྲཱཔྲཱཔྟཱན྄ ལོཀཱནཔཱིཤྭརོ྅ཝཤྱཾ ཏེན སཱརྡྡྷམ྄ ཨཱནེཥྱཏི།
ཡཏོ྅ཧཾ པྲབྷོ ཪྻཱཀྱེན ཡུཥྨཱན྄ ཨིདཾ ཛྙཱཔཡཱམི; ཨསྨཱཀཾ མདྷྱེ ཡེ ཛནཱཿ པྲབྷོརཱགམནཾ ཡཱཝཏ྄ ཛཱིཝནྟོ྅ཝཤེཀྵྱནྟེ ཏེ མཧཱནིདྲིཏཱནཱམ྄ ཨགྲགཱམིནོན ན བྷཝིཥྱནྟི;
ཡཏཿ པྲབྷུཿ སིཾཧནཱདེན པྲདྷཱནསྭརྒདཱུཏསྱོཙྩཻཿ ཤབྡེནེཤྭརཱིཡཏཱུརཱིཝཱདྱེན ཙ སྭཡཾ སྭརྒཱད྄ ཨཝརོཀྵྱཏི ཏེན ཁྲཱིཥྚཱཤྲིཏཱ མྲྀཏལོཀཱཿ པྲཐམམ྄ ཨུཏྠཱསྱཱནྟི།
ཨཔརམ྄ ཨསྨཱཀཾ མདྷྱེ ཡེ ཛཱིཝནྟོ྅ཝཤེཀྵྱནྟེ ཏ ཨཱཀཱཤེ པྲབྷོཿ སཱཀྵཱཏྐརཎཱརྠཾ ཏཻཿ སཱརྡྡྷཾ མེགྷཝཱཧནེན ཧརིཥྱནྟེ; ཨིཏྠཉྩ ཝཡཾ སཪྻྭདཱ པྲབྷུནཱ སཱརྡྡྷཾ སྠཱསྱཱམཿ།
ཨཏོ ཡཱུཡམ྄ ཨེཏཱབྷིཿ ཀཐཱབྷིཿ པརསྤརཾ སཱནྟྭཡཏ།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.