Zaburi 61

Yahawe umukuru w’abaririmvyi. Bavugira inanga. Ni iya Dawidi.

1Niwumve ukurira kwanje;

umva ugusenga kwanje.

2Ndagutakambira ndi ku mpera z’isi,

ndagutabaza kuko umutima wanje unkabiraniyemwo;

undongorere ku gitandara kirekire kinsumba.

3Wamye uri ubuhungiro bwanje,

umunara ukomeye unkingira abansi.

4Ndipfuza kuba mw’ihema ryawe ibihe vyose

ngahungira mu bwihisho bw’amababa yawe.

5Kuko wewe, Mana, wumvise ivyo narahiye;

wampaye umugabane w’abubaha izina ryawe.

6Gwiza imisi yo kubaho kw’umwami,

imyaka yiwe uko urunganwe rukurikirana n’urundi.

7Niyimikirwe mu nyonga z’Imana ibihe vyose;

utume urukundo rwawe n’ubwizigirwa bwawe ngo bimuzigame.

8Maze nanje nzoririmba ishimwe ry’izina ryawe

nshitse n’ivyo narahiye umusi ku wundi.