Zaburi 26

Ni iya Dawidi.

1Ncira urubanza runkiza, ewe Uhoraho,

kuko nabayeho ntagira umugayo;

nizigiye Uhoraho

kandi sinanyiganyize.

2Nunsese, ewe Uhoraho, nungeze,

suzuma umutima wanje n’ivyiyumviro vyanje;

3Kuko namye nitwararika urukundo rwawe rudashira

kandi nagenda nisunga ubwizigirwa bwawe.

4Sinicarana n’ababeshi,

canke ngo nifatanye n’indyadya.

5Nanka ikoraniro ry’inkozi z’ibibi

no kwicarana n’inkorabara.

6Nkaraba ibiganza vyanje nerekana ko ata co niyagiriza,

kandi nzunguruka igicaniro cawe, ewe Uhoraho,

7ndirimba ishimwe ryawe

mvuga ibitangaza vyose wakoze.

8Uhoraho we, ndakunda Ingoro ubamwo,

aho ubwiza bwawe buba.

9Ntujaniranye umushaha wanje n’abanyavyaha,

ubugingo bwanje ntibuje mu gitigiri c’abicanyi,

10mu gitigiri c’abafise imigabo mibi,

bemera kurya ibiturire.

11Mbayeho ntagira agasembwa;

umbohore ungirire imbabazi.

12Ibirenge vyanje birashikamye;

nzohimbaza Uhoraho mw’ikoraniro rinini.