Zaburi 23

Ni Zaburi ya Dawidi.

1Uhoraho ni we Mwungere wanje, nta co nkenye.

2Ampa kuruhukira mu canya c’ubwatsi butotahaye,

andongorera i ruhande y’amazi adasuma,

3asubiza intege mu mutima wanje.

Andongorera mu nzira z’ukuri,

kugira ngo aheshe icubahiro izina ryiwe.

4Mbere naho noca mu mwonga w’umwijima w’urupfu,

sinzogira ikibi ntinya,

kuko uri kumwe nanje;

inkoni yawe n’ubuhiri bwawe

ni vyo binkingira bikampumuriza.

5Untegurira umusi mukuru

mu maso y’abansi banje.

Unsuka amavuta ku mutwe;

igikombe canje kirasesekaye.

6Ni ukuri ukugira neza kwawe n’urukundo rwawe bizonkurikirana

imisi yose y’ukubaho kwanje,

nanje nzoba mu Ngoro y’Uhoraho

ibihe vyose.