Zaburi 130

Ni indirimbo yo mw’iduga.

1Uhoraho ndagutakambira, bivuye i bwina;

2Niwumve ijwi ryanje, ewe Mana.

Utege amatwi

ukwinginga kwanje.

3Iyaba wama wibuka ivyaha, ewe Uhoraho,

ni nde yohagarara?

4Ariko ufise uguharira hafi yawe,

kugira ngo dushobore kugukorera, tukwubashe.

5Niteze Uhoraho, ubugingo bwanje bwose buramwiteze

kandi ivyizigiro vyanje biri kw’ijambo ryiwe.

6Niteze Imana

kurusha uko abararirizi barindira ko buca,

kurusha uko abararirizi barorera ko buca.

7Ewe Isirayeli, niwizigire Uhoraho,

kuko hafi yiwe ari ho urukundo rudashira ruri

n’ugucungurwa gushitse.

8Ni we ubwiwe azokwicungurira Abisirayeli

abakure mu vyaha vyabo.