Zaburi 129

Ni indirimbo yo mw’iduga.

1“Barangwanije cane kuva nkiri muto.”

Abisirayeli nibavuge batyo:

2“Barangwanije cane kuva mu buto bwanje,

ariko ntibanesheje.

3Abarimyi barimye ku mugongo wanje

bahaciye imirongo miremire.

4Ariko Uhoraho aragororotse;

yacagaguye imigozi y’abanyakibi.”

5Icompa abanka Siyoni bose

bagasubira inyuma bamaramaye.

6Icompa bakamera nk’ivyatsi vyameze ku nzu,

vyuma bitarakura;

7umwimbuzi ntashobora kuvyuzuza ibiganza vyiwe,

canke uwegeranya ngo aronke ivyo guteruza amaboko;

8Icompa ababarengana ntibababwire bati:

“Umugisha w’Uhoraho ubane na we;

tubahezagiye mw’izina ry’Uhoraho.”