Zaburi 110

Ni Zaburi ya Dawidi.

1Uhoraho yabariye umwami wanje ati:

“Icara i buryo bwanje

kugeza abansi bawe bose

ndabashize musi y’ibirenge vyawe.”

2Uhoraho azokuza icumu ry’ubugabe ryawe rihambaye kuva i Siyoni, avuga ati:

“Ganza hagati y’abansi bawe!”

3Ingabo zawe zizoba zifise ugushaka

ku musi wawe w’intambara.

Bashazishije ukwera,

imisore yawe izoza aho uri

imeze nk’ikime co mu gitondo ka kare.

4Uhoraho ararahiye,

kandi ntazohindura ico yavuze:

“Uri umuherezi w’ibihe bidashira,

mu buryo bwa Melekisedeki.”

5Uhoraho ari i buryo bwawe;

azomenagura abami ku musi w’uburake bwiwe.

6Azocira urubanza amahanga, arundanye imivyimba

amenagure abatware bo kw’isi yose.

7Azonywa ku mugezi w’iruhande y’inzira,

uko ni ko azoraramura umutwe wiwe.