Roglai Bible Literal Text
E-phe-sô 3:20
Verse 20 is marked below, with the whole chapter around it. Read from the start
Kơyua kanõh gơtha nữn, hlãq, la Pol, la mơnuĩh kađòc krỡq kơyua mưng Yàc Dõc Pơ-tlah Je-su kơyua mưng pơnõq adơi sơai la vual vơla lơniãu — kơyua viãq la pơnõq adơi sơai song hmỡq mưng gơnuar vruãq apãt akõq kaya anĩt Yàc Pô Lơngĩq, la kaya pơjao vrơi ga hlãq kơyua mưng pơnõq adơi sơai, tui yơu kaya pabôh tơviãq ngãq ga hlãq thơu, nữn la kaya dơlãp dơđỡuq yơu hlãq song wãq luơi tơkìq pơnuaĩq pãq dlòc. Tũq pơpoh trôh pơnuaĩq nữn, pơnõq adơi sơai ròq pơlih thơu jỡc kaya thơu pãc hlãq hũ mưng kaya dơlãp dơđỡuq Yàc Dõc Pơ-tlah hũ, la kaya ròq ôh hũ ràc tơviãq ga anàq tơcho pơjẽh anàq mơnuĩh dơlãp dơgrữq rài hlơu, dơlãp tũq nĩ, mưng Yàc vơngãq sơđah, pơnuaĩq nữn ròq hũ ràc tơviãq ga dơgrữq mơnuĩh gơnuar pơđar sơđah Pitrai hũ sigỡuq sì dơgrữq mơnuĩh gơnuar hwơr — nữn la: dơgrữq vual vơla lơniãu la mơnuĩh patui sigỡuq, la dơgrữq vơnah sigỡuq sì rùp phàp, sì la dơgrữq mơnuĩh sigỡuq pa-mơpha pơnuaĩq hẽ grưh dơlãp Yàc Dõc Pơ-tlah Je-su va pa-thơu mưng Pơnuaĩq Siàp, kơyua mưng Pơnuaĩq Siàp nữn hlãq ròq tơviãq jỡc mơnuĩh halỗt mơnãq gơnang di kaya anĩt vrơi soh Yàc Pô Lơngĩq hũ, la kaya song vrơi ga hlãq tui kaya vruãq ngãq gơnuar chơnuãq Pitrai hũ. Kaya anĩt nữn ròq hũ vrơi ga hlãq — mơnuĩh tìt rlao avih dơlãp avih dơgrữq mơnuĩh gơnuar pơđar sơđah — pioh akhàt payơr ga dơgrữq vual vơla lơniãu kaya mơda gơnãp hũ ôh karhia jỡc Yàc Dõc Pơ-tlah hũ, sì pioh ngãq sơđah ga dơgrữq mơnuĩh thơu yơu halơi la vruãq apãt akõq kaya dơlãp dơđỡuq, la kaya ròq hũ padỡuq dơđỡuq nao gãt tơpa dơgrữq rài dơlãp Yàc Pô Lơngĩq, Pitao chrơng pajỡc dơgrữq kaya, tồq ga tũq jơ nĩ, mưng Sàc Pơjũm Sơđah, kaya jãc rgơi pãq dlòc lơngĩq tơlãc-tamỡn Yàc Pô-lơngĩq hũ pơlih hũ akhàt tơviãq ga dơgrữq pitao apãt akõq sì dơgrữq mơnuĩh hũ gơnuar chơnuãq dòq dơgrữq anĩh pãq dlòc lơngĩq, tui yơu sa kanõh gãm gãm nữn Pitrai song ngãq wil tãl dơlãp Yàc Dõc Pơ-tlah Je-su, Yàc pơnõq drơi hũ, nữn dơlãp Pitao nữn, pơnõq drơi hũ hatai chãc khĩn sì nao tui jơlàt athua trôh jẽq Yàc Pô Lơngĩq sì mưng kaya chàc gơnang mưng voh tui dơlãp Pitrai. Nữn yơh, hlãq lakơu pơnõq adơi sơai juơi dơvlữq hatai kơyua mưng dơgrữq kaya rũc rài hlãq hũ kơyua mưng pơnõq adơi sơai, sì dơgrữq kaya rũc rài nữn la kaya gơhluh pơnõq adơi sơai hũ.
Kơyua mưng kanõh gơtha nữn, hlãq aguãl ta-ồq di anãq Ama, la Pitao nữn mưng Pitrai, dơgrữq pơjẽh pơtiàt pãq dlòc lơngĩq sì pãq ala hlùq hũ pa-angãn, pioh lakơu Pitrai, tui yơu kaya mơda gơnãp mưng kaya gơhluh Pitrai hũ, ngãq ga pơnõq adơi sơai hũ prãn khãc gãm sì gơnuar chơnuãq mưng Yàc Vơngãq Sơđah Pitrai hũ dơlãp anàq mơnuĩh gah dơlãp, pioh Yàc Dõc Pơ-tlah pơlih dòq hadiuq dơlãp hatai pơnõq adơi sơai kơyua mưng voh tui, tũq song hũ tơmuh akhà sì gơjãp gơđữc dơlãp kaya khiãng duman, tồq ga pơnõq adơi sơai sigỡuq sì avih dơgrữq mơnuĩh gơnuar pơđar sơđah, hũ tãl prãn pioh pãc thơu nĩq yơu halơi la lơnang lơnai, gah ơtah, gah dlòc, sì gah dơlãp, sì pioh kơnãl thơu kaya tơpa rlao dơgrữq kaya pãc thơu, nữn la kaya khiãng duman Yàc Dõc Pơ-tlah hũ, tồq ga pơnõq adơi sơai hũ vãq sơrè mưng dơgrữq kaya wil tãl Yàc Pô Lơngĩq hũ.
Lakơu pơweh pa Pitao pơlih hũ ngãq tơviãq tơpa rlao dơgrữq kaya nữn pơnõq drơi rãn lakơu hẽla kaya sơnơng, tui gơnuar chơnuãq ãn pơdòq ngãq dơlãp pơnõq drơi, lakơu Pitrai hũ gơhluh dơlãp Sàc Pơjũm Sơđah sì dơlãp Yàc Dõc Pơ-tlah Je-su gãt tơpa dơgrữq rài tãl trôh dòq gãm gãm ôh luôĩq. A-men.
Roglai Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.