योहन

योहन के व्दारा लिखा यीसु मसीह का सुसमाचार

योहन लक लिख्यो यीसु मसीह को साजरा बारता

परिचय

योहन लक लिख्यो यीसु को कथा मा यीसु ला परमेस्वर को सबद को रुपमा चोवायो गयो से। जोन ना मानूस देह मा आय के आमरो बीचमा रह्यो से। यो कथा एको लाय लिख्यो गयो से, का एला बाचन वारा भरोसा करेत का यीसु च परन कियो हुओ सूटकारा देवन वारा परमेस्वर को टूरा से। अना वय भरोसा करके जिंदगी ला पाय सकासे।

पहले यीसु ला परमेस्वर को सबद को रुपमा चोवायो गयो से। वोको मंघा मा कहानी मा पुढ़ा को सात चकित करनवारा काम ला दरसायो गयो से। उन लक यो मालुम होवासे का यीसु परन कियो गयो सूटकारा देवन वारा परमेस्वर को टूरा से।

दुसरो हिस्सा मा जोन सिक्सा से, वोमा यो समजायो गयो से का चकित होवन वारा काम को काजक अरथ से? अना यो भी सांगो गयो से, का काही लोकगीन ना यीसु पर भरोसा करके अखीन वोको चेला बन गईन। अना काही लोकगीन वोको विरोध करके विरोधी बन गईन। अना भरोसा राखन लाय मुकर गईन।

अध्याय 13 लक 17 तकन यीसु ला धरान वालो रात को, यीसु को चेलागीन संग गोस्टी करत, कूरूस मा चघायो जानो को पयले संजा को बेरामा चेलागीन ला समजावनो, आखीर मा कूरूस मा लटकानो, अना वोको कबर लक जिवनो अना चेलागीन को पुढ़ा परगट होवनो को बारे मा सेत।

रुपरेखा

1. भूमिका योहन बप्तिस्मा देन वालो।

2. अना यीसु का पयलो चेला यीसु को लोक सेवा।

3. यरुसलेम मा आखरी का काही दिवस।

4. पिरभू को मरो मा लक जीवनो अना ओको चोवनो गलील मा मंग लक चोवनो।