भजनसंहिता 138

परमेस्वर को किरपा को लाय धन्यवाद को लाय पिराथना

दाऊद को भजन

1मी पूरो मन लक तोरो धन्यवाद करहुँ

देव गिन को मोहोरा मी तोरो भजन गाहूँ!

2मी तोरो पवीतर मन्दिर को कन भुयी मा पड के नमस्कार करहुँ!

अना तोरो करूना अना सच्चाई को कारन

तोरो नाव को धन्यवाद करहु!

काहेका तूना आपरो बचन को आपरो मोठो

नाव लक लगत महातम दियो से।

3जोन दिवस मी ना हाकलयो,

वोच दिवस तूना मोरो आयक लियो

अना मोरो मा ताकत देयके हिम्मत बान्धयो!

4ओ यहोवा, धरती को सबरी राजा

तोरो धन्यवाद करहुन!

काहेका उनना तोरो भजन बचन आयको सेत!

5अखिन वोय यहोवा को मारग को बारेमा गाबोन।

काहेका यहोवा को महीमा मोठो से।

6मंग यहोवा महान से, तो भी

उ नरम मानूस को कन निघा करासेत।

पर घंमडी ला दूहूर लक च ओरखा सेत।

7चाहे मी संकट को बीचमा रव्हु,

तोभी तू मोला जिन्दो करहेत।

8यहोवा, मोरो लाय सब काही पूरो करहेत,

ओ यहोवा ,तोरो वाचा निस्ठा सदा को से।

तू आपरो हात गिनको काम ला नोको तियाग देव!