भजनसंहिता 132

मन्दिर को परसंसा मा

यातरा को गाना

1ओ यहोवा, दाऊद को लाय

वोको सबरी दुरदसा ला हेत कर,

2वोना यहोवा लक किरिया खायो,

अखिन याकूब को सबलक ताकतवर को मानता मानयो से।

3पक्को मी वोना बेरा तकन अपरो घरमा

नोको धसहुँ अखिन ना आपरो खटिया पर नोको चघहुँ।

4ना अपरो डोरा मा जप, अखिन

ना आपरो पातनी मा जप आवन देहीन।

5जबा तकन मी यहोवा को लाय एक जघा,

मजे याकूब को सबलक ताकतवर को लाय रव्हन को जघा नही पाहुँ।”

6चोवो, अमीना एपरात मा एकी चरचा आयको से।

अमीना एला यारिम को खेतमा पायो गयो।

7आवो अमी वोको रव्हन को जघा मा धसेत

अमी वोको पाय को पिढा को मोहोरा नव के पाय पड़े।

8ओ यहोवा, उभो होयके आपरो सुसतावनो जघामा

आपरो ताकत को संदूक समेत आव।

9तोरो याजक धरम को कपरा घालो रव्हे,

अखिन तोरो सेवक लोख जय जयकार करो!

10अपरो दास न दाऊद को लाय

अपरो अभिसिक्त को पिराथना ला अनसुनो नोको कर।

11यहोवा ना दाऊद लक अटल किरिया खायो से,

अखिन उ वोको लक नही मुकरेत।

“मी तोरी राजगद्दी मा तोरो एक निज टूरा ला बसाहुँ 1।

12यदि तोरो बंस का लोख मोरी करार ला मानहेत,

अखिन जोन चितोनी मी उनला सिखाहूँ ,

वोको पर चलहेत, ता उनको बंस का लोख

भी तोरी राजगद्दी पर युग-युग बसत चलत जाहेत।”

13काहेकि यहोवा न सिय्योन ला अपनायो से,

अखिन वोने आपरो रव्हनको जघा को लाय चाह्यो से।

14येव तो जूग-जूग को लाय मोरो अराम करन को जघा से।

यहाँच मी रहुँ ,काहेकि मी न येला चाहयो सेव।

15मी एको मा को जेवन को जुनूस हीन पर लगत आसीस देहू ;

अखिन एको गरीब गिनला भाकरी लक सन्तोस करहु।

16एको याजक गिनला मोक्स को कपरा पेहराहुँ,

अखिन एको सेवक लोख गिन ऊँच्चो अवाज लक जय जयकार करहे।

17इता मी दाऊद को खानदान मा लक

एक ला महान राजा बनाहुँ।

इता मी आपरो निवाड़ो हुयो राजा को

सासन ला बनाय के राखू।

18मी ओको दुस्मनहीन ला तो लज्जा को कपरा पेहराहुँ ,

पर वोको राज तरीक्की करहेत अना वा “फुलेह फरेह।”