Powari Standard Project
भजनसंहिता 121
परमेस्वर आमरो रक्सक
यातरा का गीत
मी आपरो डोंरा गिनला परबत को कन उठाहूँ
काहेका मोला मदद किता लक मिल्हे।
मोला मदद यहोवा को कन लक मिल से,
जोन बादर अना धरती को बनान वालो से।
ऊ तोरो पाय गिनला फिसलन नही देहे,
तोरो रक्सक हमेसा चेतो रव्हे।
आयक, इसरायल को रक्सक
नाही उँघे अना सोहे।
यहोवा तोरो रक्सक से
यहोवा तोरी रक्सा करन को लय संग से।
नही ता दिवस ला धूप लक,
अखिन नही राती ला चाँदनी लक तोरो काही हानि होहे।
यहोवा सबरी बिपत्ति लक तोरी रक्सा करहे;
ऊ तोरो जीवन को रक्सा करहे।
यहोवा तोरो आन-जान मा
तोरी रक्सा अबा लक लेयके हरमेसा तकन करत रव्हे। 1
Source notes (1)
- Footnote यहोवा तोरी रक्सा अबा लक लेयके हरमेसा करत रव्हे।
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.